کراچی میں اسٹریٹ کرائم کی بڑھتی ہوئی وارداتیں، حافظ قرآن نوجوان جاں بحق


0

شہر قائد میں جرائم کی وارداتوں میں خطرناک حد تک اضافے ہوگیا ہے جس کی وجہ سے قیمتی جانوں کا ضیاع معمول بنتا جارہا ہے۔ ان جرائم میں موبائل و گاڑیاں چھیننا اور موٹر سائیکلوں کی چوری سرفہرست ہے۔ ایسے ہی ایک واقعے میں ایک حافظ قرآن نوجوان مزاحمت کرنے پر زندگی کی بازی ہار گیا جب کہ دوسرے واقعے میں واردات کے دوران 3 بچوں کا باپ بھی ڈکیتوں کی گولی کا نشانہ بن کر جاں بحق ہوگیا۔

میڈیا رپورٹس کے مطابق شادمان ٹاؤن کے علاقے زین العابدین امام بارگاہ کے قریب موٹر سائیکل سوار ڈاکوؤں نے لوٹ مار کے دوران مزاحمت پر نوجوان کو فائرنگ کر کے قتل کر دیا جس کی لاش عباسی شہید اسپتال منتقل کی گئی پولیس کے مطابق مقتول کی شناخت 22 سالہ اسامہ کے نام سے کی گئی جسے سینے پر گولی لگی تھی. مقتول شادمان ٹاؤن کا رہائشی بتایا جاتا ہے۔ اطلاع ملتے ہی نوجوان کے دوستوں اور اہل خانہ کی بڑی تعداد اسپتال پہنچی، جہاں رقت آمیز مناظر دیکھنے میں آئے۔

Image Source: File

ڈاکوؤں کی فائرنگ سے جاں بحق ہونے والے 22 سالہ اسامہ کے والد ایوب نے بتایا کہ ان کا بیٹا حافظ قرآن تھا جس نے حال ہی میں میٹرک کا امتحان پاس کیا تھا ۔ مقتول کی 2 روز قبل نئی موٹر سائیکل چھن گئی تھی اور وہ دوسری موٹر سائیکل خریدنے کے لیے اپنے دوستوں کے ساتھ شادمان ٹاؤن میں کسی کے پاس آیا تھا کہ اس دوران ڈاکو آگئے۔

Image Source: File

جبکہ ایک اور واقعے میں نیو کراچی ایوب گوٹھ سندھ کوآپریٹیو ہاؤسنگ سوسائٹی کے قریب ڈاکوؤں کی فائرنگ سے 3 بچوں کا باپ جاں بحق ہوگیا مقتول کی شناخت 35 سالہ زبیر ولد سمیع اللہ کے نام سے کی گئی جو 4 سال سے سندھ سکیورٹی میں بطور گارڈ ملازم تھا۔ مقتول کا آبائی تعلق میر پور خاص سے تھا۔ مقتول زبیر ڈیوٹی ختم کر کے اپنے بیوی بچوں کو گھر لے جانے کے لیے جا رہا تھا کہ ڈاکوؤں نے لوٹ مار کی واردات کے دوران فائرنگ کرکے قتل کردیا۔ ایسا معلوم ہوتا ہے کہ اس شہر میں ڈاکوؤں کا راج ہے اور شہری بے یارومددگار ہیں، ڈاکو واردات کے لئے کھلے عام اسلحے استعمال کرنے لگے ہیں جبکہ پولیس وارداتیں روکنے میں ناکام ہے۔

واضح رہے گزشتہ ماہ ستمبر میں ڈاکوؤں نے لوٹ مار کے دوران مزاحمت پر 16 افراد کو گولیاں مار کر زندگی سے محروم کر دیا جبکہ 50 سے زائد شہریوں کو فائرنگ کر کے زخمی کردیا گیا۔

مزید پڑھیں: کراچی : پولیس نے شہریوں کو لوٹنے والے 3 ڈاکوؤں کو گرفتار کرلیا

مزید برآں، کراچی میں اسٹریٹ کرائم کی وارداتوں تشویشناک حد تک اضافے کے بعد بالآخر پولیس نے ڈاکوؤں کی فہرست مرتب کرلی ہے۔اسپیشل برانچ پولیس نے ڈاکوؤں کی فہرست مرتب کرلی، جس میں شہر بھر میں 422 ڈاکو وارداتوں میں ملوث ہونے کی نشاندہی کی گئی ہے۔ اسپیشل برانچ رپورٹ میں بتایا گیا ہے کہ شہر کے 2 اضلاع شرقی اور وسطی میں وارداتیں عروج پر ہیں بکہ رپورٹ میں ضلع جنوبی کے پوش علاقوں کے ہاٹ اسپاٹس بھی موجود ہیں۔

خیال رہے کہ چند دن پہلے پولیس نے ایک 14 سالہ ملزم کو نیو کراچی سے گرفتار کیا ہے جو شہر کے مختلف علاقوں سے گاڑیاں اور موٹر سائیکلیں چوری کرتا تھا۔ یہ بچہ منشیات کا عادی ہے اور اپنی طلب مٹانے کے لئے چوریاں کرتا تھا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
1
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format