اسرائیلی بمباری اور غزہ شہر کی تباہ حالی پر 11 سالہ فلسطینی ریپر کا سونگ


0

غزہ میں اسرائیلی فضائی حملوں کے نتیجے میں کئی عمارتیں ملبے کا ڈھیر بن گئیں۔ 11 سال کے فلسطینی ریپر نے انہی تباہ شدہ عمارتوں کے درمیان گانا ریکارڈ کرایا جو دیکھتے ہی دیکھتے سوشل میڈیا پر شیئر ہوا اور مقبول ہوگیا۔

غیر ملکی میڈیا کے مطابق اسرئیل کی بمباری سے غزہ کی تباہ حال عمارتوں کے درمیان 11 سالہ فلسطینی ریپر عبدالرحمن ال شنتی نے اپنا ریپ سونگ ریکارڈ کرایا جو سوشل میڈیا پر تیزی سے وائرل ہورہا ہے۔

Image Source: Instagram

بلاشبہ فنی صلاحیتیں کسی عمر کی محتاج نہیں اور فلسطین کے شہر غزہ کے 11 سالہ ریپر عبدالرحمٰن ال شنتی اس کی مثال ہیں جو فلسطینی علاقے کو درپیش جنگ اور مشکلات کی کہانی اپنے بول اور موسیقی سے بیان کرتے ہیں۔ سوشل میڈیا کے ذریعے فلسطینی ریپر کی یہ موسیقی ہزاروں لوگوں تک پہنچ رہی ہے جسے وہ “امن اور انسانیت کا پیغام” قرار دیتے ہیں۔ اپنی ایک ویڈیو میں وہ غزہ میں واقع اسکول کے باہر موجود ہیں اور ان کی اس ویڈیو کو نہ صرف سوشل میڈیا پر لاکھوں افراد اب تک دیکھ چکے ہیں بلکہ برطانیہ کے معروف ریپر لوکے نے بھی اس ویڈیو کو شیئر کیاہے ۔ان کے اس گانے میں اسرائیل اور غزہ میں حماس کے درمیان تین تباہ کن جنگوں کی جانب اشارہ کیا گیا ہے۔

Image Source: Instagram

گیارہ سالہ فلسطینی ریپر کی پہلی زبان عربی ہے لیکن وہ انگریزی زبان میں بھی عبور رکھتے ہیں اور ریپ سونگ گاتے ہیں۔اس حوالے سے عبدالرحمٰن ال شنتی کہتے ہیں کہ یہ مہارت انہوں نے امریکی ریپرز بشمول ایمینیم، ٹوپاک اور ڈی جے خالد کو سن کر حاصل کی۔

اپنے ایک اور گانے ʼ امن (Peace) میں انہوں نے 2008 سے 2009 میں اسرائیل سے ہونے والی جنگ کے لمحات بیان کیے ہیں۔ اس گانے کے بول میں بتایا گیا کہ “میں غزہ میں پیدا ہوا تھا اور جو پہلی آواز میں نے سنی وہ بندوق کی گولی کی آواز تھی، اپنے پہلے سانس میں، میں نے بارود کا ذائقہ چکھا۔”

اپنے نئے ریپ سونگ میں بھی انہوں نےفلسطین کی تباہ کن حالت کے بارے میں بتایا ہے ۔اس سونگ کے کیپشن میں فلسطینی ریپر نے لکھا ہے کہ “گذشتہ ہفتہ میرے گھر ،غزہ سٹی کے لئے بہت مشکل رہا۔ میں دنیا کو فلسطین کی صورتحال کے بارے میں آگاہ کرنا چاہتا ہوں۔ سب محفوظ رہیں ۔ہم سب صرف امن چاہتے ہیں۔”

فلسطین کا ننھا ریپر عبد الرحمٰن ال شنتی 9 سال کی عمر سے ہی غزہ کی صورت حال سے دنیا کو آگاہ کرنے کے لیے موسیقی کا سہارا لے رہا ہے جس میں دھماکوں اور بمباری سے تباہ حالی اور بالخصوص بچوں کے مسائل کو دنیا کے سامنے پیش کرتا ہے۔فلسطینی ریپر کا کہنا ہے کہ اس کا مقصد فلسطینی بچوں کی جانب سے پوری دنیا میں امن اور امید کا پیغام پہنچانا اور اسرائیلی پابندیوں کے تحت ان کے دکھوں اور ان کے خوابوں کو پورا کرنے میں ناکامی کو اجاگر کرنا ہے۔

Image Source: Twitter

دراصل یہ فلسطینی ریپر اپنی موسیقی کے ساتھ ، دنیا کی توجہ غزہ میں لوگوں کی حالت زار کی طرف مبذول کروانے چاہتا ہے۔ خیال رہے کہ اسرائیلی جنگی طیاروں نے پیر کے روز علی الصبح غزہ شہر کے متعدد مقامات پر شدید فضائی حملے کیے جس میں غزہ میں کم از کم 170 افراد شہید ہوئے ، جن میں 42 بچے بھی شامل ہیں۔ جب کہ حماس کی طرف سے جوابی حملے میں اسرائیل میں دو بچوں سمیت 10 افراد کی ہلاکت ہوئی۔

ان فسادات کی شروعات مشرقی یروشلم کے پڑوسی علاقے شیخ جرح سے فلسطینی خاندانوں کی بے دخلی پر ہوئی۔ بعد ازاں مسجد اقصیٰ کے احاطے میں اسرائیلی پولیس نے بے دردی سے فلسطینیوں کو نشانہ بنایا جس میں کم از کم 215 فلسطینی زخمی ہوئے ،جس میں سے 153 اسپتالوں میں زیر علاج ہیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format