حریم شاہ کو غیر ملکی کرنسی کی گڈیاں کس نے دیں؟وضاحتی بیان جاری


0

ٹک ٹاکر حریم شاہ ایک بار پھر اپنی متنازع ویڈیو کے سبب سوشل میڈیا پر موضوع بحث بنی ہوئی ہیں۔ حال ہی میں انہوں نے اپنی ایک ویڈیو پوسٹ کی ہے جس میں دیکھا جاسکتا ہے کہ ان کے پاس کافی ساری غیر ملکی کرنسی کی گڈیاں موجود ہیں۔ اپنی اس ویڈیو میں حریم شاہ نے انکشاف کیا کہ وہ بھاری رقم لے کر ملک سے باہر آئیں لیکن کسی نے نہیں روکا۔

اس ویڈیو میں حریم نے دوسروں کو مشورہ دیتے ہوئے کہا کہ اگر آپ پاکستان سے برطانیہ جا رہے ہیں تو ہوشیار رہیں، میرے خیال میں آپ تقریباً 2000 پاؤنڈ لے جاسکتے ہیں اور اگر آپ حد سے تجاوز کریں گے تو آپ کے لیے پریشانی پیدا ہوسکتی ہے۔ میں تو اتنی بڑی رقم لے کر آرام سے لندن پہنچ گئی کسی نے روکا نہیں۔

Image Source: File

ویڈیو میں ان کا مزید کہنا تھا کہ پاکستانی کرنسی کی کوئی اہمیت نہیں چاہے لاکھوں میں بھی ہو۔ وزیر اعظم نے محض دعوے کئے تھے کہ پاکستانی پاسپورٹ کی عزت کرواؤں گا ،کرنسی کی عزت ہوگی ۔عمران خان نے صرف باتیں کیں اور کچھ نہیں کیا۔

سوشل میڈیا پر یہ ویڈیو جنگل میں آگ کی طرح وائرل ہوگئی اور وفاقی تحقیقاتی ادارے (ایف آئی اے ) نے ٹک ٹاکر حریم شاہ کے خلاف منی لانڈرنگ کی تحقیقات شروع کرتے ہوئے برطانیہ کی نیشنل کرائم ایجنسی کو خط لکھنے کا فیصلہ کرلیا۔

اس حوالے سے ترجمان نے کہا کہ خاتون کے خلاف فارن ایکسچینج قوانین کے تحت کارروائی کی جارہی ہے ، خاتون نے 10 جنوری کی رات کراچی انٹرنیشنل ائیرپورٹ سے قطر کے شہر دوحہ کیلئے سفر کیا تھا جبکہ ٹک ٹاکر نے بھاری رقم کے ساتھ ویڈیو اپلوڈ کی تھی جبکہ ویڈیو میں خاتون کے ہاتھوں میں بھاری کرنسی دیکھی جاسکتی ہے۔ایف آئی اے سندھ کے ترجمان نے کہا کہ غیر قانونی طریقے سے کرنسی منتقلی منی لانڈرنگ میں آتی ہے، حریم شاہ کے خلاف انکوائری درج کرکے تحقیقات کا آغاز کردیا گیا ہے اور تحقیقات میں پاکستان کسٹمز ، ایئرپورٹ سکیورٹی فورس سے بھی معلومات حاصل کی جارہی ہیں۔

Image Source: File

تاہم منی لانڈرنگ کی تحقیقات کے اعلان ہوتے ہی حریم شاہ پیسوں کی لندن منتقلی سے صاف مُکر گئیں۔ایک ویڈیو میں انہوں نے کہا کہ میں نے نہ کبھی منی لانڈرنگ کی اور نہ ہی مجھے اس کے متعلق کچھ پتہ ہے۔ جبکہ حریم شاہ نے اس حوالے سے جاری کردہ اپنی مذکورہ ویڈیوز بھی سوشل میڈیا اکاؤنٹس سے ڈیلیٹ کردیں اور کہا ہے کہ انہوں نے وہ ویڈیو مذاق میں بنائی تھی۔

مزید پڑھیں: ٹک ٹاک اسٹار حریم شاہ حکومت اور وزیراعظم کی کارکردگی سے مایوس

دوسری جانب ، حریم شاہ کی متنازع ویڈیو پر ان کو رقم دینے والے شخص دانیال ملک نے اس معاملے کی وضاحت پیش کردی ہے۔

ٹوئٹر پر شیئر ہونیوالی ویڈیوز میں دانیال ملک کا کہنا ہے کہ حریم شاہ ان کی چھوٹی بہنوں کی طرح ہیں اور انہوں نے ویڈیو وائرل کرنے کے لیے ان سے 3 کروڑ روپے دینے کی درخواست کی تھی۔ اس لئے انہوں نے حریم شاہ کو پیسے دئیے تاکہ وہ ویڈیو بناسکے۔ ان کے مطابق یہ صرف 15,000-20,000 پاؤنڈ تھے جوان کے لئے اتنی بڑی رقم نہیں۔ویڈیو میں دانیال ملک کا یہ بھی کہنا تھا کہ ان کا تعلق گجرات سے ہے اور وہ 2018 میں پی ٹی آئی کے سابق امیدوار تھے۔

خیال رہے کہ سوشل میڈیا اسٹار حریم شاہ کئی تنازعات میں ملوث ہونے کے لیے مشہور ہیں ،اس سے قبل بھی وہ مفتی عبدالقوی کو تھپڑ مارنے کی ویڈیو کی وجہ سے زیر بحث رہیں جبکہ اس سے پہلے ان دونوں متنازعہ شخصیات کے درمیان ایک ویڈیو کال بھی لیک ہوئی تھی۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format