گجرانوالہ: محبت میں ناکامی پر نوجوان نے اپنے عامل کو ہی قتل کردیا


0

بحیثیت مسلمان یہ ہم سب کا لازمی ایمان ہونا چاہئے کہ اللہ تعالیٰ نے جو ہماری قسمت میں رکھا ہے، وہ بہترین رکھا ہے، وہ لازمی ہم تک پہنچنا ہے، اور جو قسمت میں نہیں رکھا، وہ کسی صورت نہیں ملنا ہے، لیکن افسوس ہمارے معاشرے میں کچھ لوگوں خدا کی رضا یا صبر سے کام لینے کے بجائے جعلی پیر، فقیر اور عاملوں کے شکنجے میں پھنس جاتے ہیں، عموماً اس طرح کے جعلساز ایسے لوگوں سے لوٹ کھسوٹ کرتے ہیں، لیکن گجرانوالہ میں اپنی نوعیت کا انوکھا واقعہ پیش آیا، جس میں نوجوان نے چلا کاٹنے، عمل کرنے کے باوجود محبوبہ سے شادی نہ ہونے پر عامل کو ہی قتل کر دیا۔

تفصیلات کے مطابق صوبہ پنجاب کے شہر گوجرانوالہ کے تھانہ ایمن آباد کی حدود میں پیش انسانیت سوز واقعہ، جہاں اعجاز نامی نوجوان ایک لڑکی سے محبت کرتا اور اس سے شادی کی خواہش رکھتا تھا، کچھ وجوہات کی بنا پر یہ چیز ممکن نہیں ہو رہی تھی۔ لہذا نوجوان نے عمران نامی جعلی عامل سے رابط کیا، جو تعویذ گنڈے اور چلے کیا کرتا تھا۔

Image Source: Screengrab

اس حوالے سے عامل بابا عمران نے اعجاز کو محبوبہ سے پسند کی شادی میں کامیابی کیلئے مختلف عمل اور چلے بتائے، جس پر اعجاز نے من و عن عمل بھی کیا، یہی نہیں اعجاز نے عامل کو نذرانے اور دیگر اخراجات کیلئے 25 ہزار روپے بھی دیئے، مگر افسوس پسند کی شادی میں پھر بھی کامیابی نہ ہوسکی اور محبوبہ کی شادی کسی اور سے ہوگئی۔

Image Source: Screengrab

چنانچہ محبت میں ناکامی اور سرتوڑ کوششوں کے باوجود محبوبہ کے نہ ملنے کے غم نے اعجاز کو مشتعل کردیا اور پھر ایک روز اعجاز نے غصے میں آکر عامل عمران کو ہی فائرنگ کرکے قتل کردیا ۔

Image Source: Screengrab

اس موقع پر سی پی او گوجرانوالہ حماد عابد نے افسوسناک واقعے کی تفصیلات بتاتے ہوئے کہا کہ ملزم اعجاز نے مقتول “عامل” عمران کو پسند کی شادی کیلئے 25 ہزار روپے دیئے تھے، مقتول عمران تعویز گنڈے اور چلے کیا کرتا تھا۔

واقعے کی خبر ملتے ہی پولیس نے ملزم کے خلاف فوری کاروائی شروع کی اور موبائل فون کی لوکیشن کی مدد سے ملزم کا سراغ کا لگا کر ملزم کو گرفتار کرلیا، پولیس نے ملزم سے آلہ قتل برآمد کرلیا ہے جبکہ گرفتار ملزم سے کیس کی مزید تفتیش بھی کی جا رہی ہے۔

Image Source: Screengrab

دوسری جانب انسانیت سوز واقعے کے بعد ایک ہی محلے کے رہائشی قاتل اور مقتول کے پڑوسیوں نے شدید دکھ ورنج کا اظہار کیا اور کہتے ہیں کہ ایسی وجوہات پر کسی کی جان لینا زیادتی ہے۔

یہاں یہ بات انتہائی افسوس کے ساتھ کہنا پڑتی ہے کہ محبوب آپ کے قدموں میں ، بے اولادی کا علاج ، کالے جادو کا توڑ ، وطن عزیز کی دیواروں پر لکھی ہوئی تحریریں اور دیواروں پر چسپاں اشتہارات یہ بتاتے ہیں کہ ہمارا ایمان آج کتنا کمزور ہوگیا ہے اور نوسر باز کتنے چالاک ہیں، کہ وہ ہم سے ہماری مجبوریوں کا فائدہ اٹھاتے ہیں اور ہم سے لوٹ کھسوٹ کرتے ہیں۔

واضح رہے کچھ ماہ قبل پشاور سے ایک حیرت انگیز واقعہ سامنے آیا تھا، جس میں خاتون کے سر پر مبینہ طور پر ایک پیر نے کیل ٹھونک دی تھی، بعدازاں خاتون کی طبعیت بگڑنے پر انہیں فوری طور پشاور کے لیڈی ریڈنگ اسپتال منتقل کیا گیا، جہاں کامیاب سرجری کے بعد خاتون کے سر سے کیل نکال لی گئی تھی، البتہ اہلخانہ کا کہنا تھا کہ سر میں کیل خاتون نے خود ٹھونکی، کیونکہ جب یہ واقعہ رونما ہوا، تو وہ گھر میں اپنے کمرے میں تھیں، بعدازاں شوہر نے دعوی کیا کہ یہ کیل جننات نے خاتون کے سر میں ٹھونکی تھی۔

یاد رہے کچھ عرصہ قبل سیالکوٹ میں تھانہ صدر کے علاقے ونجل سے ایک حیران کن خبر سامنے آئی تھی، جہاں صغیر شاہ نامی جعلی پیر مریدین کے پکارنے پر قبر سے جواب دیا کرتا تھا، بعدازاں پولیس نے کاروائی کرتے ہوئے جعلی پیر کا بھانڈا پھوڑ دیا اور اسے قبر سے زندہ سلامت برآمد کرکے گرفتار کرلیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format