سابق کورین پاپ گلوکار اور یوٹیوبر داؤد کم نے عمرے کی سعادت حاصل کرلی


0

بیشک اللہ تعالیٰ جسے چاہے ہدایت کی راہ پر لاسکتے ہیں، جنوبی کوریا کے مقبول ترین پاپ گلوکار اور یوٹیوبر داؤد کم بھی انہی خوش نصیبوں میں سے ایک ہیں جنہوں نے اسلامی تعلیمات سے متاثر ہوکر 2019 میں عیسائی مذہب سے کنارہ کشی اختیار کی اور اسلام قبول کرلیا۔

حال ہی میں داؤد کم نے عمرے کی سعادت حاصل کی اور اپنے انسٹاگرام پر مسجدالحرام سے اپنی تصاویر اور ویڈیو شیئر کرتے ہوئے اپنے مداحوں کو عمرے کی سعادت حاصل کرنے کی خوشخبری سنائی ہے۔

Image Source: Instagram

انسٹاگرام پر اپنی پوسٹ میں داؤد کم نے لکھا کہ “بالآخر میں مکہ آگیا۔ انہوں نے لکھا میں خوش قسمت ترین شخص ہوں کیونکہ اللہ نے مجھے منتخب کیا اور وہی مجھے یہاں لے کر آیا۔ انہوں نے خدا کا شکر ادا کرتے ہوئے کہا اللہ کا شکر ہے کہ اس نے مجھے دنیا کے مقدس ترین شہر میں آنے کا موقع دیا۔ داؤد کم نے مزید لکھا میں اپنے تمام مسلمان بہن بھائیوں کے لیے دعا کرتا ہوں کہ خدا ہمارے تمام گناہوں کو معاف کرے ، اللہ ہماری تمام دعاؤں کو قبول فرمائے، رمضان مبارک”۔

واضح رہے کہ داؤد کم کی اہلیہ بھی اسلام قبول کرکے مسلمان ہوچکی ہیں۔ اس بات کی اطلاع انہوں نے اپنے یوٹیوب کے چینل پر مائی وائف بیکیم آ مسلم کے عنوان سے ایک ویڈیو میں دی تھی۔اس ویڈیو میں داؤد کم کو اپنی اہلیہ میا کو کلمہ پڑھاتے ہوئے دیکھا جاسکتا ہے اور ان کی اہلیہ باقاعدہ کلمہ شہادت پڑھ کر اسلام قبول کررہی ہیں ۔

Image Source: Instagram

اس موقع پر وہ اپنی اہلیہ کی اسلامی معلومات میں اضافہ کرتے ہوئے انہیں یہ بھی بتارہے ہیں کہ اسلام قبول کرنے کے بعد وہ ماضی کے تمام گناہوں سے پاک ہوگئیں ہیں۔ مذکورہ ویڈیو میں انہوں نے اپنی اہلیہ کو اسلام کے پانچ اراکین ، اللہ کی واحدانیت کا اقرار اور رسول اکرم صلؔی اللہ علیہ وآلہ وسلؔم پر ایمان لانے کے بارے میں بھی معلومات فراہم کیں۔

یاد رہے کہ جنوبی کوریا کے سابق گلوکار اور یوٹیوب اسٹار جے کم نےتین برس قبل اعلان کیا تھا کہ وہ اسلامی تعلیمات کا مطالعہ کررہے ہیں جس کے بعد انہوں نے مسلمانوں کے ساتھ عید منائی اور اسلام میں موسیقی کو حرام قرار دیے جانے کے حوالے سے ویڈیو بنا کر بھی شیئر کی تھی۔ بعد ازاں ، کم جونگ نے ایک اور ویڈیو شیئر کی تھی جس میں وہ جنوبی کوریا کے دارالحکومت سیئول کی ایک مسجد میں موجود تھے اور وہاں کلمۂ شہادت پڑھ کر مسلمان ہوئے تھے جس کے بعد انہوں نے مسلمان ہونے کا باقاعدہ اعلان کیا اور اپنا نام جے کم سے تبدیل کر کے داؤد کم رکھا۔

تاہم مسلمان ہونے کے بعد بھی کورین یوٹیوبر داؤد کم کی مقبولیت میں کوئی کمی نہیں آئی بلکہ اب وہ سوشل میڈیا پر اپنی اسلامی طرزِ عمل سے متعلق بنائی جانے والی ویڈیوز کے حوالے سے مداحوں میں مقبول ہیں۔ البتہ مذہب کی تبدیلی کے دوران داؤد کم کو جذباتی اور ذہنی طور پر کافی مشکل وقت کا سامنا کرنا پڑا تھا۔ چنانچہ ان حالات میں انہوں نے قرآن پاک کا مطلعہ کیا جس سے ناصرف ان کو سکون حاصل ہوا بلکہ ان افسردگی بھی دور ہوئی۔اس حوالے سے انہوں نے اپنی ایک ویڈیو میں قرآن پاک کی وہ پانچ معجزاتی آیات بھی بتائیں جن کو پڑھنے کے بعد ان کی زندگی بدل گئی اور وہ عیسائی مذہب چھوڑ کر مسلمان ہوگئے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format