سابقہ اداکارہ نور بخاری کا کورونا وائرس کے خاتمے کیلئے دعائیہ پیغام


0

شوبز انڈسٹری سے کنارہ کشی اختیار کرکے مذہبی تعلیمات کے مطابق زندگی گزارنے والی سابقہ اداکارہ نور بخاری نے کورونا وائرس کے خاتمہ پر اپنے انسٹاگرام اکاؤنٹ سے دعائیہ پوسٹ کردی۔ اپنی اس پوسٹ میں انہوں نے روضہ رسول صلی اللہ علیہ وسلم کی تصویر شیئر کرتے ہوئے دعائیہ پیغام لکھا۔

اپنے اس پیغام میں سابقہ اداکارہ نور بخاری نے لکھا کہ سنا ہے رحمت برسی ہے آپ صلی اللہ علیہ وسلم کے شہر میں، دل کہہ رہا ہے رحمت ہونے والی ہے، معافی ملنے والی ہے، وبا جانے والی ہے۔

Image Source: Instagram

انہوں نے پوسٹ میں ایک تصویر بھی شیئر کی ہے جس میں مسجد نبوی میں بارش کا خوبصورت منظر دیکھا جاسکتا ہے۔ سابقہ اداکارہ نے اپنی اس پوسٹ میں مداحوں سے مخاطب ہوتے ہوئے یہ بھی لکھا کہ دل سے کہیں آمین اور توبہ کرکے شرمندہ ہوجائیں، معافی مانگیں معافی مل جائے گی۔ انہوں نے مزید لکھا کہ وہ رحیم ہے اورآپ صلی اللہ علیہ وسلم رحمت اللعالمین، سرکار رحمت کیجیے، رحم کیجیے۔

اس سے قبل ، بھارت میں کررونا وائرس کی خطرناک صورتحال پر بھی نور بخاری نے انسٹاگرام اکاؤنٹ سے اپنے بھارتی مداحوں کے لیے خصوصی پیغام جاری کرتے ہوئے کہا تھا کہ میری دُعائیں بھارت کے ساتھ ہیں، اللہ رحم کرے۔ اس کے ساتھ ہی انہوں نے اپنے بھارتی مداحوں کو یہ مشورہ بھی دیا تھا کہ میرے بھارتی مداح اور فالوورز براہ کرم بطورعلاج دن میں تین بار سورۃ الرحمٰن کی تلاوت سنیں اور اگر کوئی کورونا میں مبتلا ہے تو اس کے نزدیک یہ سورۃ رکھ دیں، گھروں میں رہیں محفوظ رہیں۔

لوگوں کی تنقید سے کبھی نہ گھبرانے والی سابق اداکارہ نے رواں ماہ اپنے یوٹیوب چینل پر اپنی آواز میں پہلی نعت کی ویڈیو بھی جاری کی ۔اپنے انسٹاگرام اکاؤنٹ پر اپنے نعتیہ کلام کی ویڈیو کا اسکرین شاٹ شیئر کرتے ہوئے انہوں نے کہا کہ “میرے کملی والے” میری پہلی نعت ہے جسے میں نے بہت محبت اور رسول اکرم صلی اللہ علیہ وسلم کی محبت میں لکھا ہے۔ مداحوں نے ان کی نعت کو کافی سراہا اوران کا یہ نعتیہ کلام جاری ہوتے ساتھ ہی مقبول ہوگیا بلکہ لوگوں نے سابق اداکارہ کی تعریف کرتے ہوئے ان سے مزید نعت پڑھنے کی فرمائش بھی کی۔

دین اسلام کی خاطر شوبز انڈسٹری چھوڑنے والی نور بخاری اپنے مداحوں کے ساتھ سوشل نیٹ ورکنگ ویب سائٹ انسٹاگرام کے ذریعے جوڑی ہوئی ہیں اوراسلامی تعلیمات پر تصاویر و ویڈیوز وغیرہ شیئر کرتی رہتی ہیں ۔تاہم ،گزشتہ دنوں ان کے حوالے سے یہ خبر سامنے آئی تھی کہ وہ سرکاری ٹیلی ویژن پر رمضان سے قبل “آمدِ رمضان”کی خصوصی ٹرانسمیشن کے ساتھ تین برس بعد ٹی وی پر باضابطہ واپسی کریں گی لیکن اس پروگرام میں میزبانی کے فرائض اداکارہ ریما سنبھال رہی ہیں۔

خیال رہے کہ ماضی میں نور بخاری نہ صرف ٹی وی ڈراموں بلکہ فلموں میں کام کرتی رہیں ہیں اور ساتھ ہی انہوں نے ٹی وی کے کئی شوز میں میزبانی کے فرائض بھی سر انجام دئیے تھے۔ سابقہ اداکارہ کو ان کی چار شادیوں اور ناکام ازدواجی زندگی کی وجہ سے کئی بار تنقید کا نشانہ بنایا جاتا رہا ہے۔ 2018 میں انہوں نےاپنے سابق شوہر عون چوہدری سے پانچویں بار شادی کی ہے ۔عون چوہدری تحریک انصاف کے رہنما ہیں اور عمران خان سے ان کی دیرینہ قربت اور وفاداری ہے۔عون چوہدری سے دوسری شادی کے بعد 2019 میں نور کی بیٹی بھی ہوئی ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format