میں نے پاکستان میں اپنا نمبر ون ڈھونڈ لیا ہے۔ ترکش اداکارہ ایثراء بلجیک

مشہور و معروف ترکش اداکارہ ایثراء بلجیک یوں تو پاکستان میں اب تو کسی تعارف کی محتاج نہیں ہے، ان کی مقبولیت پاکستان میں اب یہاں کے نجی اداکاروں سے کم نہیں رہے۔ پاکستان میں پہلی بار ایثراء بلجیک کو پہلی بار اسکرین پر اس وقت دیکھا گیا جب مشہور ترکش ڈرامہ سریز ارتغرل غازی رمضان المبارک میں وزیراعظم عمران خان کی خواہش پر پاکستان ٹیلی ویژن پر نشر کیا گیا۔ جہاں یہ ڈرامہ سیریز پاکستان میں مقبولیت کے جھنڈے گاڑتے ہوئے نظر آئی وہیں اداکارہ ایثراء بلجیک کی مقبولیت میں بھی بے انتہا اضافہ دیکھنے کو ملا ہے۔ یہی وجہ ہے کہ پاکستانی میڈیا میں آئے روز ایثراء بلجیک خبروں کی زینت بنی ہوتی ہیں۔

دوسری جانب اداکارہ ایثراء بلجیک کی بھی پاکستانیوں سے محبت کوئی ڈھکی چھپی نہیں ہے، وہ اکثر و بیشتر اپنے خیالات کا اظہار سوشل میڈیا پر کرتی رہیں تاہم ان کی حالیہ پوسٹ نے سوشل میڈیا پر ایک نئی ہلچل پیدا کردی ہے۔ سماجی رابطے کی ویب سائٹ ٹوئیٹر پر جاری کردہ پیغام میں معروف اداکارہ ایثراء بلجیک لکھتی ہے کہ “میں نے پاکستان میں اپنا نمبر 1 تلاش کرلیا ہے”.

جہاں اس پوسٹ نے سوشل میڈیا پر ہلچل پیدا کی وہیں پرستاروں اور سوشل میڈیا صارفین کی جانب سے ایثراء بلجیک کی پوسٹ پر مختلف انداز میں تبصرے کئے جارہے ہیں۔

جبکہ رنگ میں بھنگ ڈالنا بھارتیوں کا پرانہ مسئلہ ہے، کچھ بھارتی سوشل میڈیا صارفین بھی ایثراء بلجیک کی پوسٹ میں بیگانون کی شادی میں دیوانوں کی مانند خود پڑے اور اپنی رائے دینے لگے۔

ایثراء بلجیک کی اس ادھوری پوسٹ نے پاکستانی سوشل میڈیا صارفین میں ہلچل پیدا کررکھی ہے تاہم اس پوسٹ کی حقیقت کیا ہے اس کا کسی کو بھی کوئی اندازہ نہیں، اب سب کو انتظار ہے تو بس ایثراء بلجیک کی پوسٹ کی مزید وضاحت کا تاہم معاملہ کچھ بھی ہوسکتا ہے کیونکہ جہاں ایک جانب پاکستانیوں کی ان سے بے انتہا محبت ہے تو ایثراء بلجیک نے بھی مختلف مواقع پر اپنی محبت کا اظہار کیا ہے۔

جبکہ واضح رہے ترکش اداکارہ ان دنوں پاکستانی مشہور و معروف موبائل کمپنی کیو موبائل کے ساتھ بطور برانڈ ایمبسڈر منسلک ہیں جس کے کچھ بی ٹی ایس شارٹس کمپنی کی جانب سے جاری بھی کئے گئے ہیں۔ البتہ موبائل کمپنی کو اس حوالے سے پاکستانی شوبز ستاروں کی جانب سے کافی تنقید کا نشانہ بھی بنایا گیا ہے۔

یاد رہے اس سے قبل اداکارہ ایثراء بلجیک پاکستان کے مشہور میگزین کے لئے فوٹو شوٹ بھی کروا چکی ہیں، جس پر پاکستان میں موجود ان کے پرستاروں کی جانب سے بہت سہرایا گیا تھا۔ ان کے بارے کئی چیما گوئیاں جاری ہیں کہ شاید ایثراء بلجیک پاکستانی شوبز انڈسٹری کے ساتھ کسی پراجیکٹ میں اپنی اداکاری کے جوہر بھی دیکھائیں۔ ساتھ ہی پاکستان سپر لیگ کی فرنچائز پشاور زلمی کے مالک جاوید آفریدی اگلے پی ایس ایل سیزن میں ارتغرل غازی عرف ایجن التان اور ایثراء بلجیک کو اپنی ٹیم کا بڑانڈ ایمبسڈر بنانے کا اپنی ٹوئیٹ کے زریعے اشارہ دے چکے ہیں۔