حالیہ برسوں میں، سیٹلائٹ انٹرنیٹ روایتی کیبل اور انٹرنیٹ کے ایک قابل عمل متبادل کے طور پر ابھرا ہے۔ آج مارکیٹ میں سب سے زیادہ زیر بحث فراہم کنندگان میں سے ایک اسٹار لنک ہے، جو ایلون مسک کی اسپیس ایکس کی طرف سے پیش کردہ سیٹلائٹ انٹرنیٹ سروس ہے۔

Elon Musk Company ‘Starlink’
وفاقی حکومت کی جانب سے ’اسٹار لنک‘ کے پاکستان میں رجسٹرڈ ہونے کی تصدیق کے بعد عوام یہ جاننے کی کوشش کررہے ہیں کہ یہ اسٹار لنک کیا ہے؟
اسٹار لنک کیا ہے؟
’اسٹار لنک‘ دراصل انٹرنیٹ اور موبائل سروس فراہم کرنے والی امریکی کمپنی ہے جو ایکس کے مالک ایلون مسک کی خلائی کمپنی ’اسپیس ایکس‘ کا حصہ ہے۔
اسٹار لنک سیٹلائٹ انٹرنیٹ ایک تیز رفتار انٹرنیٹ سروس ہے جو زمین پر موجود صارفین کو انٹرنیٹ تک رسائی فراہم کرنے کے لیے سیٹلائٹ کے نیٹ ورک کا استعمال کرتی ہے۔ روایتی سیٹلائٹ انٹرنیٹ فراہم کنندگان کے برعکس، اسٹار لنک انٹرنیٹ تک رسائی فراہم کرنے کے لیے کم مدار والے سیٹلائٹ کا ایک وسیع نیٹ ورک استعمال کرتا ہے
’اسٹار لنک روایتی انٹرنیٹ سروسز فراہم کرنے والی کمپنیوں سے بالکل مختلف ہے، روایتی کمپنیاں تار کے ذریعے انٹرنیٹ کی سہولیات فراہم کرتی ہیں جب کہ مذکورہ کمپنی خلائی سیٹ لائٹ کے ذریعے سہولیات فراہم کرتی ہے۔
اسٹارلنک سیٹلائٹ کے ذریعے ایسے علاقوں کو بھی انٹرنیٹ فراہم کرتی ہے جہاں یہ سہولت یا تو میسر نہیں ہے یا پھر اس کی رفتار بے حد سست ہے۔
’اسٹار لنک‘ پر نظر رکھنے والی ویب سائٹ کے مطابق اسٹار لنک نے اس وقت خلا میں تقریبا ساڑھے 6 ہزار سیٹ لائٹس بھیج رکھے ہیں، جس میں سے زیادہ تر سیٹ لائٹ فعال ہیں اور وہ انٹرنیٹ کی سروسز فراہم کر رہے ہیں۔
رپورٹ کے مطابق اس وقت زمینی مدار میں اسٹار لنک کے 6 ہزار 764 سیٹلائٹ موجود ہیں جن میں سے 6 ہزار 714 سیٹلائٹ دنیا کے دور دراز مقامات کو تیز رفتار ا ور براڈ بینڈ انٹرنیٹ فراہم کر رہے ہیں۔
کمپنی کی ویب سائٹ کے مطابق اس وقت تقریبا دنیا بھر کے 100 ممالک کے اندر اسٹار لنک کی سروسز کو استعمال کرنے کی اجازت حاصل ہے اور وہاں کے دور دراز کے علاقوں کے لوگ انٹرنیٹ سروسز استعمال کر رہے ہیں۔
ساتھ اسٹار لنک روایتی انٹرنیٹ سروسز سہولیات فراہم کرنے والے اداروں کی طرح بھی کام کرتی ہے اور روایتی ڈیوائسز اور تاروں کے ذریعے بھی ممالک اور شہروں میں انٹرنیٹ سہولیات فراہم کرتی ہے۔
کمپنی کا یہ بھی دعویٰ ہے کہ وہ سستی انٹرنیٹ سروسز فراہم کرنے والی کمپنی بھی ہے اور وہ کسی کو بھی مجبور نہیں کرتی کہ ان کے ساتھ کیا جانے والا معاہدہ ہر حال میں مکمل کیا جائے گا، کمپنی نے ہر کسی کو اختیار دے رکھا ہے کہ خریدار جب بھی اپنی مرضی کے مطابق چاہے تو خریداری کا معاہدہ منسوخ کر سکتا ہے۔
کمپنی کا دعویٰ ہے کہ اسٹار لنک کے سیٹ لائٹ کے ذریعے سمندر کی تہ سے، جنگل تک، پہاڑوں سے لے کر زمین غاروں تک اور یہاں تک کہ فضائی سفر کے دوران بھی انٹرنیٹ کو استعمال کیا جا سکتا ہے۔
پاکستان میں رجسٹرڈ
وزیر مملکت برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے تصدیق کی ہے کہ امریکی ارب پتی ایلون مسک کی سیٹلائٹ پر مبنی انٹرنیٹ فراہم کرنے والی کمپنی اسٹار لنک سیکیورٹی ایکسچینج کمیشن آف پاکستان (ایس ای سی پی) میں رجسٹرڈ ہو گئی ہے۔
وزیر مملکت شزا فاطمہ خواجہ نے کہا کہ اسٹار لنک کی رجسٹریشن کے بعد خلائی بورڈ اتھارٹی مختلف تکنیکی پہلوؤں پر غور کر رہی ہے اور اس حوالے سے اسٹار لنک کو بھی مطلع کر دیا گیا ہے۔
اسٹار لنک کیسے کام کریےگا؟
اسٹار لنک کی سروسز استعمال کرنے کے لیے اسمارٹ فونز میں ایک خاص طرح کے فیچر یا سافٹ ویئر کو استعمال کیا جائے گا، جس طرح وائی فائی یا ڈیٹا پر منتقل ہونے کا فیچر استعمال کیا جاتا ہے، اسی طرح اسمارٹ فونز میں اسٹار لنک کے نیٹ ورک پر منتقل ہونے کا آپشن ہوگا۔
موبائل فونز پر اسٹار لنک کا انٹرنیٹ استعمال کرنے کے لیے فونز کو تبدیل کرنے کی ضرورت نہیں ہوگی بلکہ کمپنی ایسے سافٹ ویئرز یا فیچرز کو ڈاؤن لوڈ کرنے کی سہولت فراہم کرے گی۔
اسٹار لنک کی فون کالز سہولت استعمال کرنے کے لیے بھی موبائل سمز تبدیل کرنے کی ضرورت نہیں پڑے گی بلکہ موبائل فون آپریٹرز اسٹار لنک سے سہولیات خرید کر صارفین کو فیچرز تک رسائی دیں گے۔
اسٹار لنک کا انٹرنیٹ ہر جگہ استعمال کیا جا سکے گا، اسی طرح اسٹار لنک سے منسلک ہونے کے بعد تمام صارفین فون کالز بھی کر سکیں گے۔
0 Comments