مزدور کی بیٹی ڈاکٹر زرین ملک بھر کے طلباء کیلئے زبردست مثال


1
1 point

ضروری نہیں کہ مزدور کے بچے مزدور ہی رہیں ، یہ ثابت کرنا مشکل تھا مگر ناممکن نہیں لیکن اپنی ہمت اور انتھک محنت سے یہ بات ڈاکٹر زرین زہرا نے سچ کر دیکھائی ہے۔ ڈاکٹر زرین پی ایچ ڈی ہیں اور ایک محنتی مزدور کی بیٹی ہیں۔

زندگی میں محنت کرنا اتنا ہی ضروری ہے جتنا کے سانس لینا اگر آپ کچھ پانا چاہتے ہیں تو بس سچی لگن کے ساتھ محنت کریں کامیابیاں آپ کے قدم چومیں گی، ڈاکٹر زرین کی کہانی ہمیں یہی سبق سیکھاتی ہے۔ وہ بتاتی ہیں کہ میں نے جب سے ہوش سنبھالا تھا اپنی امی کو لوگوں کے کپڑے سلائی کرتے اور ابو کو فیکٹری میں جاب کرتے دیکھا۔ میں جب ساتویں جماعت میں تھی تو میں نے بھی امی کے ساتھ سلائی شروع کردی اور پھر رات کے بارہ بجے تک ہم سلائی کرتے۔ میں کبھی نھیں بھول سکتی وہ دسمبر کی راتیں ، جب میں گیارہ بجے گھر آتی تھی تو سردی میں ہاتھ اس قدر جمے ہوئے ہوتے کے كھانا بھی نہیں کھایا جاتا تھا۔

زرین ملک کا مزید کہنا تھا کہ مجھے آج بھی یاد ہے، جس دن میرا ایم ایس سی کا قائدآعظم یونیورسٹی میں انٹری ٹیسٹ تھا ،اس دن میری دادی کا انتقال ہو گیا تھا اور میں نے کس طرح جا کر ٹیسٹ دیا تھا، وہ میں کبھی نہیں بھول سکتی۔ 2010 میں جب میں نے ہوم ٹیوشن شروع کی تھی مجھے پہلی ہوم ٹیوشن سے پہلے مہینے کی تنخواہ 1 ہزار روپے ملے تھی۔

ڈاکٹر زرین نے بتایا کہ انہوں نے ابتداء میں پنجاب پبلک سروس کمیشن کی لیکچرر شپ حاصل کی۔ او جی ڈی سی ایل نے بھی انہیں پیشکش کی۔ انہیں پاکستان ایٹمی توانائی کمیشن میں جونئیر سائنس دان ہونے کا اعزاز بھی حاصل رہا، جو زرین کے مطابق انہوں نے اپنی قابلیت اور اپنے بل بوتے پر حاصل کیا۔

قائداعظم یونیورسٹی سے ایم ایس سی اور ایم فل کرنے کے بعدانہوں ناصرف چین میں پی ایچ ڈی کی اسکالرشپ ملی بلکہ ہائر ایجوکیشن کمیشن کی اسکالرشپ بھی ملی۔ زرین کہتی ہیں کہ کبھی کبھی سوچتی ہوں تو حیران ہوتی ہوں کہ یہ سب میں نے کیسے کیا کیونکہ پڑھنے کے لیے تو کبھی وقت ملتا ہی نہیں تھا کیونکہ قائداعظم یونیورسٹی میں ایم ایس سی اور ایم۔فل کرتے ہوئے صبح سات سے شام پانچ بجے تک واپسی ہوتی تھی اور پھر اکیڈمی اور ہوم ٹیوشن میں ہی رات کے بارہ بج جاتے تھے اور اس ٹائم میں گھر کی واحد کفیل تھی۔ اسی دوران بہن کی شادی کی اور بھائی کی پڑھائی بھی اور اس کے بعد اپنی شادی کی۔

اپنی شادی شدہ زندگی کے بارے میں زرین بتاتی ہیں کہ میرے شوہر اور ان کے گھر والے بہت زیادہ سپورٹ کرنے والے ہیں۔ میری امی نے جہیز کے نام پر کچھ نہیں دیا تھا اور نہ ہی سسرال والوں نے ڈیمانڈ کی۔ آج میں اپنے شوہر کے تعاون سے پوسٹ ڈاکٹریٹ کررہی ہیں۔

انہوں نے بتایا کہ شادی کے بعد انہیں پڑھائی کے ساتھ بچوں کی پرورش میں کافی چیلنجز کا سامنا ہوا جس کے بعد انہوں نے ایک ایسے طریقہ کار پر سوچ بچار شروع کردی جو سائنسی ہو اور جو بچوں کی پرورش میں معاون ثابت ہونے کے ساتھ والدین کے لیے آسانی بھی پیدا کرے۔

اس بارے میں زرین بتاتی ہیں کہ میرے لیے دیگر ذمہ داریوں کے ساتھ بچوں کی پرورش پر توجہ دینا بھی نہایت اہم تھا۔ میں نے تین غیر ملکی ماہر خواتین، جن کا تعلق کینیڈا اور متحدہ عرب امارات سے ہے، کی خدمات حاصل کرکے ایک فیس بک گروپ کا آغاز کردیا تاکہ والدین میں بچوں کی پرورش کے حوالے سے شعور بیدار کیا جاسکے اور وہ اس حوالے سے جدید ریسرچ سے باخبر رہیں۔

ڈاکٹر زرین کے مطابق ان کے فیس بک گروپ، “ارلی چائلڈ ہڈ اینڈ پیرینٹنگ ایجوکیشن آف پاکستان” میں نوہزار والدین روزانہ کی بنیاد پر بچوں کی پرورش کے حوالے سے ماہرین کی آراء اور تحقیق سے استفادہ کر رہے ہیں۔

ڈاکٹر زرین زہرا کی کہانی متوجہ کرنے والی ہے کیونکہ کم وسائل اور مشکل حالات میں کچھ کر دکھانے والے لوگ سب کے لئے مثال بن جاتے ہیں اور لوگوں کی اکثریت اس طرح کی کہانیوں کا موازنہ اپنی زندگی کے مصائب و مشکلات سے کرتی ہے اور نتیجتاً لوگوں میں ہمت پیدا ہوتی ہے اور وہ ناکامیوں کو پس پشت ڈال کر نئی توانائی سے اپنی مشکالات کا مقابلہ کر پاتے ہیں۔

Story Credit: The Other Side-Pakistan


Like it? Share with your friends!

1
1 point

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
2
love
lol lol
0
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format