سوشل میڈیا پر دھمکی آمیزآڈیو وائرل ہونے کے بعد وینا ملک ایک بار پھر خبروں کی زینت بن گئیں۔
جمعرات کے روز مشہور پاکستانی اداکارہ وینا ملک کے سابقہ شوہر اسد بشیر خٹک نے سماجی رابطے کی ویب سائٹ ٹوئٹر پر وینا ملک پر اپنے بچوں کو غیر قانونی طریقے سے پاکستان اسمگل کرنے کے سنگین الزامات عائد کرتے ہوئے کہا کہ بچوں کے خاطر اتنے عرصے سے خاموش رہا تاہم اب وقت آگیا ہے، وینا ملک کا اصل چہرہ سب کو دیکھا جائے۔ ابھی اسد خٹک کی جانب سے وینا ملک کے خلاف الزامات عائد کرنے والی ٹویٹس ہی کی گئی تھیں کہ سابقہ شوہر اسد خٹک نے وینا ملک کی ایک دھمکی آمیز کال کی ریکارڈنگ شیئر کردی۔
اسد خٹک نے ایک ٹویٹ میں وینا کی مکروہ اور دھمکی آمیز کال شیئر کرتے ہوئے لکھا کہ وینا نے جعلی عدالتی کاغذات استعمال کرکے ان کے امریکی نیشنل بچوں کو دبئی سے پاکستان بھجوایا اور پھر انہیں نامعلوم مقام پر منتقل کردیا۔
ان کا کہنا ہے کہ وہ وینا ملک کا اصل چہرہ بے نقاب کریں گے، جیسا کہ لیک کال میں سنا جاسکتا ہے کہ وہ کس طرح کی زبان استعمال کرتی ہے اور دھمکیاں دیتی ہے۔ انہوں نے وینا کے اپنے بچوں کو پاکستان لانے کے فیصلے پر سوال اٹھایا اور پوچھا ، “ان کے پاسپورٹ کس نے اور کب بنائے؟”
اپنے ٹویٹر پر اسد خٹک نے انکشاف کیا کہ وہ قانونی کارروائی کرنے پر مجبور ہیں۔ یہاں تک کہ دبئی کی عدالت نے بھی ان کے حق میں فیصلہ سنایا ، لیکن وینا ملک بچوں سمیت ملک سے فرار ہوگئیں۔ “یہ صرف اس سطح کو کھرچ رہی ہے ، جس زبان اور دھمکیوں سے اس عورت کی طرف سے آپ سنتے ہیں۔”
آڈییو میں وینا ملک کو اپنے سابق شوہر کو گالیوں اور گھناؤنی زبان کا استعمال کرتے ہوئے دھمکیاں دیتے ہوئے سنا جاسکتا ہے۔ تفصیلات کے مطابق ، پاکستانی اداکارہ پر اسد خٹک نے ایک سال سے زائد عرصے تک اپنے بچوں کو دیکھنے کی اجازت نہ دینے پر 500 ملین روپے کے نوٹس کے ساتھ ان کے خلاف عدالتی کاروائی کرنے کا فیصلہ کیا تھا۔
اسد خٹک کا مزید کہنا ہے ان کو ہر قسم کی قانونی کارروائیوں کا حق ہے۔ ساتھ ہی اسد خٹک نے بتایا ہے کہ وینا ملک کا اصل نام زاہدہ ہے اور انہوں نے اسے طلاق دے دی ہے۔ مزید یہ کہ عدالت نے بھی انہیں بچوں سے ملنے کا حق دیا ہے اور انھیں ہر قسم کی قانونی کارروائی کا بھی حق حاصل ہے۔
اس کے علاوہ ، انہوں نے انکشاف کیا کہ ان کے دونوں بچے امریکی شہری ہیں۔ وینا نے نہ صرف اس کے ساتھ دھوکہ کیا بلکہ بچوں کو پاکستان لانے کے لئے دبئی کی حکومت کو بھی دھوکہ دیا۔
نوٹس میں پاکستانی اداکارہ کو معافی مانگنے ، تنازعہ کو خوش اسلوبی سے حل کرنے یا عدالتی کارروائی کا سامنا کرنے کے لئے 10 دن کی مہلت دی گئی ہے۔ ٹویٹر پر اپنے بچوں کی شناخت کے دستاویزات شئیر کرتے ہوئے ، اسد خٹک نے پاکستان کی وزارت داخلہ اور ایف آئی اے ، اور دیگر ایجنسیوں سے بھی درخواست کی کہ وہ وینا ملک کے خلاف فوری کارروائی کریں۔
وینا ملک نے بھی اس معاملے پر خاموشی توڑتے ہوئے کہا ہے کہ انہیں اپنے بچوں کو قانون اور شریعت کے مطابق رکھنے کی سرپرستی حاصل ہے۔ تاہم ، ان کے سابقہ شوہر نے ان کے دعوے کو مسترد کردیا۔
جمعرات کے روز ، خٹک نے اپنی ساکھ کو نقصان پہنچانے اور ’غیر قانونی طور پر‘ اپنے بچوں کو پاکستان لے جانے پر وینا ملک پر 500 کڑوڑ روپے کے ہتک عزت کا نوٹس بھی جاری کیا تھا۔
یاد رہے کہ اسد خٹک اوروینا ملک نے 25 دسمبر 2013 کو شادی کی تھی ، اور ان کے دو بچے بھی ہیں۔ تاہم ، وینا ملک اور اسد خٹک کے درمیان 2017 میں طلاق ہوگئی تھی۔ طلاق کے بعد سےدونوں ایک دوسرے پر الزامات عائد کرتے رہتے ہیں اور بچوں کی بات سے پہلے بھی ایک دوسرے کے خلاف متعدد الزامات لگاتے رہے ہیں۔
0 Comments