اداکار ہمایوں سعید یوں تو کسی تعارف کے محتاج نہیں، ان کا شمار پاکستان شوبز انڈسٹری کے صف اول کے اداکاروں میں ہوتا ہے۔ پرکشش شخصیت اور زبردست فنی صلاحیتوں کے باعث انہیں انڈسٹری میں آج ایک منفرد مقام حاصل ہے۔ جبکہ اگر مداحوں کے حوالے سے بات کی جائے تو پاکستان سمیت دنیا بھر میں ان کے مداحوں کی بڑی تعداد موجود ہے اور انہیں مداحوں میں ایک ایسی خاتون مداح بھی شامل ہیں، جن کا تعلق بھارت سے ہے اور وہ اداکار ہمایوں سعید سے بے انتہاء محبت کرتی ہیں اور ان سے شادی کی خواہاں ہیں۔
تفصیلات کے مطابق پچھلی دو دہائیوں سے پاکستان ڈرامہ اور فلم انڈسٹری کی جان سمجھے جانے والے اداکار ہمایوں سعید کی شخصیت ہمیشہ سے ہی متاثر کن رہی ہے۔ یہی وجہ ہے کہ وہ ہزاروں خواتین کی آج بھی پسندیدگی کی وجہ ہیں، انہیں مداحوں میں ایک کا تعلق بھارت سے ہے، جنہوں نے مشہور فلم جوانی پھر نہیں آنی کے کے ہیرو ہماہوں سعید کے نام ٹوئیٹر پر ایک پیغام کیا، جس میں انہوں نے ہمایوں سعید سے شادی کی خواہش کا اظہار کیا۔
سماجی رابطے کی ویب سائٹ ٹوئیٹر پر جاری بیان میں بھارتی خاتون مداح نے اداکار ہمایوں سعید کو ٹیگ کرتے ہوئے لکھا کہ ڈئیر ہمایوں سعید، کیا آپ مجھ سے شادی کریں گے؟ مجھے اس بات کا علم ہے کہ آپ شادی شدہ ہیں، لیکن کیا کروں میں اپنے اس دل کا؟ میرا تعلق بھارت سے ہے اور میں آپ سے بے انتہاء محبت کرتی ہوں۔
ٹوئیٹر پیغام میں خاتون نے مزید لکھا کہ وہ ان سے 24 برس چھوٹی ہیں لیکن وہ ان سے واقعی میں محبت کرتی ہیں۔ برائے مہربانی میرا جواب دیجئے کہ، کیا آپ مجھ سے اگلے جنم میں شادی کریں گے؟ کیونکہ اس جنم میں تو ممکن نہیں۔
خاتون کی خوش نصیبی کہیں یا واقعی سچی محبت، ان کی خواہش پوری ہوئی اور انہیں ان کی پسندیدہ شخصیت یعنی ہمایوں سعید کی جانب سے ٹوئیٹر پر جواب دے دیا گیا ہے۔ لیکن کیا جواب میں ہاں کہا گیا ہے، اگر آپ ایسا سوچ رہے ہیں تو نالکل ہی غلط سوچ رہے ہیں، انہوں جواب نفی میں ہی دیا کیونکہ وہ پہلے سے ہی شادی شدہ ہیں۔
لہذا ٹوئیٹر پر دیئے جانے والے جواب میں اداکار ہمایوں سعید کا کہنا تھا کہ مجھے پیار کرنے کا شکریہ، مگر شادی کے لئے انشاءاللہ آپ کو مجھ سے بہتر لوگ مل جائیں گے۔ انشاءاللہ
اس جواب کے بعد تو گویا خاتون مداح کی خوشی کا کوئی ٹھکانہ نہیں تھا، خاتون نے ٹوئیٹر پر جواب دیتے ہوئے لکھا کہ شکریہ ہمایوں سعید، میں آپ سے بہت پیار کرتی ہوں، مجھے رونا آرہا ہے۔ ساتھ ہی انہوں نے دوسرے پیغام میں یہ بھی لکھا کہ ” ہائے مجھے محسوس ہورہا ہے کہ میں اس دنیا کی سب سے خوش قسمت لڑکی ہوں۔ پاکستان کے بہت سارے نیوز آرٹیکل میں میرا ذکر ہوا۔ جس پر انہوں نے پاکستانی میڈیا سے بھی خوب پیار و محبت کا اظہار کیا۔
بعدازاں خاتون کی جانب سے اداکار ہمایوں سعید کے لئے ایک ویڈیو پیغام بھی جاری کیا، جس میں ہمایوں سعید کی ایک ویڈیو پر ایک گانا چل رہا تھا، خاتون انہیں اس گانے کو ان کے نام کیا اور کہا کہ آپ انکھیں اور آپ کی ہنسی۔ پیغام کے آخر میں ہنستے ہوئے پھر کہا کہ میں آپ سے محبت کرتی ہوں۔
واضح رہے مشہور ڈرامہ “میرے پاس تم ہو” میں مرکزی کردار ادا کرنے اداکار ہمایوں سعید پہلے سے ہی شادی شدہ ہیں، سمینہ ہمایوں کے ساتھ ایک کامیاب ازواجی زندگی بسر کررہے ہیں۔ سمینہ ہمایوں خود بھی شوبز انڈسٹری سے ہی وابستہ ہیں اور ایک کامیاب پروڈیوسر ہیں، جنہوں نے کچھ پیار کا پاگل پن، اکبری اصغری، کاش میں تیری بیٹی نہ ہوتی سمیت کئی کامیاب ڈرامے پروڈیوس کئے ہیں۔
اس کے برعکس اداکار ہمایوں سعید کے شوبز کیرئیر کے حوالے سے بات کریں تو انہوں نے سال 1995 میں ہدایتکار ندیم علی خان کے ڈرامہ ” کروڑوں کے آدمی” سے ڈرامہ کیرئیر کا آغاز کیا ، جبکہ سال 1999 میں سمینہ پیرزادہ کی فلم انتہاء سے کامیاب فلمی کیریئر کا آغاز کیا۔
یاد رہے یہ کوئی پہلی بار نہیں ہوا ہے، اس سے قبل گلوکار شہزاد رائے کو بھی ایک مداح کی جانب سے توئیٹر پر شادی کا پیغام دیا گیا تھا۔
0 Comments