ایک اور ٹک ٹاکر ایمن زمان لیک ویڈیو اسکینڈل کا شکار

پاکستان میں جہاں اس وقت ٹک ٹاک موبائل ایپلیکیشن اپنی مقبولیت کے جھنڈے گاڑ رہی ہے وہیں کئی لوگوں کے لئے یہ اپنا ٹیلنٹ دیکھانے کا بہترین ذریعہ بھی ثابت ہوا ہے۔ یہی وجہ ہے کہ آج کئی ٹک ٹاکرز اپنی مقبولیت شوبز ستاروں جیسی رکھتے ہیں۔ لوگ انہیں جاننے اور پہچاننے لگے ہیں۔ انہی چند ناموں میں ایک نام مشہور و معروف ٹک ٹاکر ایمن زمان کا بھی ہے جنہوں نے کچھ ہی وقت کے عرصے میں اپنی صلاحیتوں کا لوہا منوایا ہے۔

لیکن افسوس کے ساتھ ہمارے ملک اور معاشرے میں ایک عجیب سی روش چل نکلی ہے، جس کا خاص کر خواتین فنکارائیں اور ٹک ٹاک اسٹار کو سامنا ہے، وہ یہ کہ کوئی ان خواتین فنکاروں کے نام سے منسوب کرکے نازیبا ویڈیوز اور تصاویر سوشل میڈیا پر وائرل کردیتا ہے۔ جس کے بعد انہیں کافی مشکلات کا سامنا کرنا پڑھتا ہے اور ایسا کچھ حال ہی میں اب ٹک ٹاک اسٹار ایمن زمان کے ساتھ بھی دیکھنے میں آیا ہے کہ سوشل میڈیا پر ایک نازیبا ویڈیو ان کے نام سے منسوب کرکے وائرل کردی گئی ہے۔

مشہور ٹک ٹاک اسٹار ایمن زمان کے حوالے سے بات کی جائے تو ان کے دنیا کی معروف اور مقبول ترین موبائل ایپلیکیشن پر تقریباً 4 ملین کے قریب فالورز ہیں۔ یہی نہیں ٹاک ٹاکر ایمن ضامن اپنے اندر زبردست اداکاری کی بھی زبردست صلاحیت رکھتی ہیں ہے۔ 28 سالہ ٹک ٹاکر پاکستان کے دو مشہور ڈرامے “حیرت ” اور “سوتیلی ممتا” میں بھی جلوہ گر ہوچکی ہیں۔

اگر اداکارہ کے علاوہ بات کی جائے تو ٹاک ٹاکر ایمن زمان سوشل میڈیا خاص کر انسٹاگرام پر کافی فعال ہیں اور وہ وہاں پاکستان کے کئی نامور برانڈز کے ساتھ منسلک ہوکر کام بھی کررہی ہیں۔ جبکہ ٹک ٹاکر ایمن زمان کے نجی زندگی کے حوالے سے بات کریں تو مجتبیٰ لاکھانی سے ان کی منگنی ہوئی جوکہ خود بھی ایک ٹک ٹاکر اور ان کے تقریباً 5 ملین کے قریب فالورز بھی ہیں۔

حال ہی میں یہ جوڑا ایک ساتھ گلوکار آریان خان کے گانے “پین” میں بھی جلوہ گر ہوا ہے، جوکہ 4 روز قبل ہی ویڈیو شئیرنگ ویب سائٹ یوٹیوب پر ریلیز کیا گیا ہے۔ تاہم یہ ویڈیو ابھی جاری ہوئی تھی کہ کسی کی جانب سے سوشل میڈیا پر ایمن زمان کی ایک غیراخلاقی ویڈیو وائرل کردی گئی۔

واضح رہے ہم ٹک ٹاک سے منسلک تنازعات اور خبریں اب ہم روز کی بنیاد پر ہی دیکھتے اور سنتے ہیں، ان کے حوالے سے مشہور رہا ہے کہ کبھی وہ خود سے خبروں رہنے کے لئے، تو کبھی پزیرائی حاصل کرنے کیلئے، تو کبھی کبھی تو اپنے اسکینڈلز کو لیکر، یا پھر کبھی شہرت اور سبسکرائبر کو حاصل کرنے کے لئے، تنازعات کو جنم دیتے ہیں۔ لیکن یہ متنازعہ ویڈیوز کا معاملہ یقیناً ایک حساس اور سنجیدہ معاملہ ہے، جس سائبر جرائم کا اطلاق ہوتا ہے۔

اس سلسلے میں ٹک ٹاک جوڑا ایمن زمان اور مجتبی لاکھانی کی جانب سے بدھ کے روز ایک پیغام جاری کیا گیا جس میں انہوں نے زیر گردش ویڈوز لاتعلقی کا اظہار کرتے ہوئے کہا کہ ان کا اس متنازعہ اور غیر اخلاقی ویڈیو سے کوئی لینا دینا بھی نہیں ہے۔

ایمن زمان نے اپنے جاری کردہ ویڈیو پیغام میں اپنی مداحوں کو مخاطب کرتے ہوئے کہا کہ اس غیراخلاقی ویڈیو میں وہ نہیں ہیں، اس سلسلے میں انہوں نے کچھ اہم شواہد بھی پیش کئے، جس کے مطابق نہ ہی متنازعہ ویڈیو میں وہ خود ہیں اور نہ اس لڑکی کی کوئی شکل ایمن زمان سے ملتی ہے۔

اس موقع پر ایمن زمان نے سوشل میڈیا صارفین کو بتایا کہ جس نے بھی یہ سب کیا، انہیں اس حرکت سے بہت تکلیف پہنچی ہے، وہ کئی گھنٹوں تک روتی رہی ، جب ان کے نام سے منسوب کرکے ویڈیوز وائرل کی گئیں، ساتھ ہی انہوں نے سوشل میڈیا صارفین سے بھی شکوہ کیا کہ کسی کے نام سے منسوب کرکے بڑھانے سے پہلے سوچ سمجھ لیا کریں۔

دوسری جانب مجتبیٰ لاکھانی کی جانب سے تنبیہہ کی گئی ہے کہ جو بھی لوگ اس قسم کی حرکت اور جرم کے پیچھے ہیں، وہ کسی لڑکی اس طرح بدنام کرنے کے الزام میں قانونی کارروائی کا بھی سامنا کرسکتے ہیں۔

خیال رہے یہ کوئی پہلا واقعہ نہیں ہے، اس سے قبل بھی کئی خواتین ٹک ٹاک اسٹارز سے منسوب کرکے نازیبا اور غیر اخلاقی ویڈیوز سوشل میڈیا وائرل کی گئی ہیں، جس میں ایک نام جنت مرزا کا بھی ہے، تاہم انہوں اس معاملے کی شکایت سائبر کرائم حکام کو تھی، جس پر قانون فوری حرکت میں آیا اور چند روز میں ملزم کو گرفتار کرلیا گیا۔