سی سی پی او لاہور عمر شیخ نے موٹر وے واقعہ پر اپنے بیان پر معذرت کرلی

کیپیٹل سٹی پولیس افسر (سی سی پی او) لاہور عمر شیخ نے موٹرر وے گینگ ریپ کیس سے متعلق اپنے متنازعہ بیان، جس میں انہوں نے ظلم کا شکار ہونے والی خاتون پر ہی غلطیوں سے سوالات کھڑے کئے تھے، اب ان تمام بیانات پر معافی مانگ لی ہے۔

تفصیلات کے مطابق گزشتہ ہفتے لاہور کے علاقے گجرپورہ میں پیش آیا اجتماعی زیادتی کا ہولناک واقعہ جس میں موٹروے روڈ پر خاتون کو دو افراد کی جانب سے بچوں کے سامنے اجتماعی زیادتی کا نشانہ بنایا گیا۔ تاہم اس واقعے کی خبر جیسے ہی ٹی وی چینلز اور سوشل میڈیا پر آئی، تو گویا پوری قوم کا سر شرم سے جھک گیا ہو، لوگوں میں اس حوالے شدید غم و غصہ دیکھا لوگوں نے انصاف کے لئے مختلف انداز میں آوازیں بلند کی۔

ایک جانب اس واقعے میں لوگوں کی تلاش کے لئے اعلی سطحی تحقیقات کا آغاز ہوا وہیں دوسری طرف سی سی پی او لاہور عمر شیخ کی جانب سے ایک چونکا دینے والا بیان سامنے آیا جس میں انہوں نے اس واقعے ظلم کا شکار ہونے والی خاتون کی غلطیوں کو گنوانا شروع کیا۔ کیوں خاتون نے جی ٹی روڈ کا راستہ نہیں لیا، کیوں انہوں گاڑی کا پیڑول چیک نہیں کیا۔ اس طرح کے سوالات نے عوام کو سیخ پا کردیا، عوام کی جانب سے اس پر شدید ردعمل عمل سامنے آیا، لوگوں کا تنقید کرتے ہوئے کہنا تھا کہ آخر مجرمان کو پکڑنے کے بجائے اس طرح کے بیانات پولیس افسر کی جانب سے نامناسب قرار دیا گیا۔

وقت گزرنے کے بعد سی سی پی او لاہور عمر شیخ نے دوبارہ بھی اس طرح کے بیانات وقتا فوقتا دیئے جس پر معاملا اس حد تک گرم ہوگیا کہ سماجی رابطوں کی ویب سائٹس پر عوام کی جانب سے ایک مضبوط مطالبہ بن گیا کہ سی سی پی او لاہور کو فوری طور پر ان کے عہدے سے فارغ کردیا جائے۔

البتہ اب اس معاملے پر سی سی پی او لاہور عمر شیخ کی جانب سے اپنے دیئے گئے تمام بیانات پر معافی مانگ لی گئی ہے۔

آج صبح گورنر پنجاب چوہدری سرور سے ملاقات کے بعد میڈیا نمائندگان سے بات کرتے ہوئے سی سی پی او لاہور عمر شیخ کا کہنا تھا کہ “میں نے پہلے بھی معذرت کی تھی کیونکہ میرا کوئی بھی غلط مطلب یا تاثر نہیں تھا، اور اگر اس میں میری وجہ سے کوئی بھی غلط فہمی پیدا ہوئی تو میں تہہ دل سے اپنی بہن سے جس کے ساتھ زیادتی ہوئی ہے معذرت کرتا ہوں۔ انہوں نے مزید کہا کہ میں ان تمام طبقات سے جہاں رنج و غم اور غصے کی کیفیت ہے، میں ان سب سے بھی معذرت چاہتا ہوں۔

واضح رہے سی سی پی او لاہور عمر شیخ کے بیان پر چیف جسٹس لاہور ہائی کورٹ قاسم خان نے نوٹس لیتے ہوئے حکومت سے اس پورے معاملے پر رپورٹ طلب کرلی ہے۔ تاہم اب سی سی پی او کی جانب سے بقاعدہ طور پر اپنے بیان کی معافی مانگ لی گئی ہے۔

اس معاملے پر محض یہی کہا جاسکتا ہے کہ خاتون کو جلد از جلد یقینی انصاف دلوایا جائے اور مجرمان کو کڑی سے کڑی سزا دی جائے تاکہ ہمارے معاشرے سے اس طرح کے جرائم کا جلد از جلد خاتمہ ہوسکے۔