پاکستانی حسن خان ویب سریز میں سوشانت سنگھ کا کردار ادا کرینگے

ایمیزون کی جانب سے مرحوم بولی ووڈ کے نوجوان اداکار سوشانت سنگھ راجپوت کی زندگی پر مبنی ویب سریز بنانے کا فیصلہ کیا ہے۔ جس میں سوشانت سنگھ راجپوت کا کردار ادا کرنے کیلئے پاکستان کے نوجوان اداکار حسن خان کا انتخاب کیا گیا ہے۔

حسن خان پاکستان کے ابھرتے ہوئے نوجوان اداکار ہیں جو مشہور پاکستانی ڈرامہ “یہ زندگی ہے“میں جلوہ گر ہو چکے ہیں۔

ایمیزون پرائم پر نشر ہونے والی اس ویب سریز میں حسن خان کو مرکزی کردار کیلئے منتخب کرنے پر بھارتی شائقین کی طرف سے نقطہ چینی بھی جاری ہے۔اس حوالے سے بھارتی میڈیا نے یہ سوال بھی اٹھایا ہے کہ کیا بھارتی اداکار یہ کردار نہیں ادا کرسکتا تھا جو پاکستان سے اداکار کو یہ کردار دیا گیا ہے۔

جبکہ دوسری جانب حسن خان اس رول کے آفر ہونے پر نہایت خوش ہیں اور انہوں نے کہا ہے کہ یہ پروجیکٹ ان کے دل کے بہت قریب ہے۔

واضح رہے کہ بولی ووڈ کے 34 سالہ خوبرو نوجوان اداکارسوشانت سنگھ نے 14 جون 2020 ممبئی میں واقع اپنے گھر میں خودکشی کرلی تھی اور سوشانت کی موت نے پوری دنیا میں ان کے مداحوں کو سوگوار کردیا تھا۔ بولی وڈ انڈسٹری میں ان کی موت کسی سانحےسے کم نہیں یہی وجہ ہے کہ ان کی موت پر بھارتی اداکاروں کے علاوہ بھارتی وزیر اعظم نریندرمودی نے بھی گہرے دکھ کا اظہار کیا تھا۔

سوشانت سنگھ راجپوت کےاس اقدام نے جہاں ان کے مداحوں کو بےحد غمگین کردیا وہیں ان کی موت نے کئی سوالات کو بھی جنم دیا ہے کیونکہ سوشانت سنگھ راجپوت ایک مضبوط شخصیت کے مالک تھے جس کی وجہ سے ان کے قریبی ذرائعے یہ بات ماننے کو تیار نہیں کہ وہ خودکشی جیسا انتہائی اقدام اٹھا سکتے ہیں تاحال مختلف پیراہے سے ان کے کیس کی جانچ پڑتال جاری ہے ۔

خودکشی جیسے انتہائی اقدام کے علاوہ سوشانت کی زندگی کے کئی مثبت پہلو بھی تھے جو شائقین کیلئے متاثر کن ہونگے۔ سوشانت سنگھ بھارتی انجیئنرنگ یونیورسٹی کے تابناک طالب علم بھی رہ چکے ہیں ۔انہوں نے انڈسٹری میں بھارتی ڈراموں سے اپنے کئیریر کا آغاز کیا اور پھر فلمی دنیا میں بڑی محنت سے اپنا مقام بنایا۔

‏ ایم ایس دھونی : دی انڈولڈ اسٹوری، کیدرناتھ، چھیچھورے، سونچی رییا، میں اپنی بہترین اداکاری کے جوہر دیکھائے۔ ان کی نجی زندگی کے حوالے سے یہ بات سامنے آئی ہے کہ وہڈپریشن کے علاج کیلئے ممبئی کے ایک ہسپتال میں زیر علاج تھے۔ ان کے قر یبی دوستوں کے ذریعے یہ بھی معلوم ہوا ہے کہ وہ گزشتہ کچھ عرصے سے کافی پریشان تھے کیونکہ بولی وڈ کی پارٹیز اور ایوارڈز کی تقریبات میں اُنہیں مدعو نہیں کیا جاتا تھا اس لئے وہ انڈسٹری میں خود کو تنہا محسوس کرتے تھے اور اکثر اس بات پر دلبرداشتہ بھی ہوتے تھے۔

مزید جانئے: پاکستانی ماڈل محمد علی سبحانی کی برطانیہ میں دھوم

لہٰذا ان کی شخصیت کے ان تمام تر پہلوں کو مدؔنظر رکھتے ہوئے ایمزون پرائم نےان کی زندگی پر ویب سریز شروع کرنے کا فیصلہ کیا ہے جس میں مرکزی کردار کی ادائیگی کیلئے پاکستانی اداکار حسن خان کا نام سامنے آیا ہے۔

سوشانت سنگھ کی زندگی پر مبنی ابھی یہ ویب سریز تیاری کے مراحل میں ہے جبکہ شائقین اس سریز کے شروع ہونے کا بے چینی سے انتظار کررہے ہیں۔