پاک فضائیہ (پی اے ایف) کے پائلٹ آفیسر عبد اللہ یونس نے حال ہی میں آسٹریلیا میں ’انٹرنیشنل ٹرینی سوارڈ آف آنر‘ جیتا ہے۔ یہ ایوارڈ جیت کر، یونس آسٹریلیائی دفاعی اکیڈمی (اے ڈی ایف اے) میں یہ اعزاز حاصل کرنے والے پہلے بین الاقوامی ٹرینی بھی بن گئے ہیں۔
سوشل میڈیا کی اطلاعات کے مطابق، حال ہی میں آسٹریلیا کے شہر کینبرا میں “اے ڈی ایف اے”کے 34 ویں بیچ کی گریجویشن پریڈ کا انعقاد کیا گیا۔ تقریب میں،عبد اللہ یونس کو عمدہ کارکردگی پر ’سوارڈ آف آنر‘ دیا گیا۔
عبداللہ یونس کا تعلق اسلام آباد سے ہے۔ انہوں نے پی اے ایف کالج لوئر ٹوپا سے ہائی اسکول کی تعلیم مکمل کرنے کے بعد پی اے ایف میں شمولیت اختیار کی۔ اکیڈمی میں ان کی غیر معمولی کارکردگی کی وجہ سے ، “اے ڈی ایف اے” نے ان کا انتخاب کیا۔
آسٹریلیائی دفاعی اکیڈمی اے ڈی ایف اے میں عبداللہ یونس متعدد عہدوں پر فائز رہے اور متعدد ایوارڈز اپنے نام کیے۔آسٹریلیا میں ہونیوالی تقریب کی ویڈیو سوشل میڈیا پر موجود ہے۔ ہمیں اپنے پاکستانی فوجیوں پر بہت فخر ہے۔
پاکستانی افسران ہمارے وطن کے لیے دنیا بھر میں فخرکا با عث بن رہے ہیں ۔ اس ایک ماہ میں یہ مسلسل تیسرا موقع ہے جب آسٹریلیا میں مسلح افواج کی اکیڈمی نے ایک پاکستانی افسر کی خدمات کو تسلیم کیا ہے۔
اس ماہ کے شروع میں، پاکستانی کیڈٹ محمد حارث معراج کو آسٹریلیا کے رائل ملٹری کالج (آر ایم سی) نے بہترین غیر ملکی قومی فوجی کیڈٹ قرار دیا تھا۔
14 نومبر 2020 کو ، آر ایم سی نے لیفٹیننٹ ناصر خالد شہید کو خراج تحسین پیش کرنے کے لئے خصوصی یادگار خدمات انجام دیں۔ یہ بات اہم ہے کہ لیفٹیننٹ خالد صرف کوئی فوجی نہیں تھے بلکہ وہ آسٹریلیا کی رائل ملٹری اکیڈمی (آر ایم اے) کے گریجویٹ بھی تھے۔
ان نوجوان پاکستانی افسران کے بہترین کارنامے واقعی ہمارے ملک کے لئے اعزاز کی بات ہیں۔ ہم ان کی کامیابیوں پر انہیں مبارکباد پیش کرتے ہیں ،اور پاکستان کے شہری ہونے کے ناطے ، ہمیں پاکستان کی مسلح افواج کو ہمیشہ سراہنا چاہئے جو ہمیشہ ہمارے ملک کے لیے فخر کا باعث بنی ہے۔ اللہ ان کو ہمیشہ سلامت رکھے!
0 Comments