ترجمان دفتر خارجہ زاہد حفیظ چوہدری نے اسلام آباد میں ہفتہ وار نیوز بریفنگ سے خطاب کرتے ہوئے ایک بار پھر واضح کرتے ہوئے کہا کہ اسرائیل کو تسلیم کرنے پر غور نہیں کیا جائے گا ۔ اس مسئلہ پر پاکستان کے موقف میں کوئی تبدیلی نہیں کی گئی ہے۔
اس حوالے سے ترجمان دفتر خارجہ زاہد حفیظ چوہدری کہنا تھا کہ وزیر اعظم عمران خان نے یہ واضح کر دیا ہے کہ جب تک فلسطینی عوام کے لئے اطمینان بخش حل نہیں نکالا جاتا ، اس وقت تک پاکستان اسرائیل کو تسلیم نہیں کرسکتا۔
بھارتی دہشت گردی کا موتوڑ جواب دیتے ہوئے، دفتر خارجہ کے ترجمان نے پاکستان کی طرف سے فراہم کردہ شواہد کی بنیاد پر اقوام متحدہ کے انسداد دہشت گردی اداروں پر زور دیا ہے کہ پاکستان کے خلاف دہشتگردی کو ایک آلہ کے طور پر استعمال کرنے سے بھارت کو باز رکھا جائے ۔
ان کا مزید کہنا ہے کہ اقوام متحدہ کو بھارت پر زور دینا چاہئے کہ بھارت نے پاکستان میں دہشت گردی کو ہوا دینے کے لئے جو انفراسٹرکچر قائم کیا ہے اسے ختم کرے۔ بھارت کو پاکستان کے خلاف اپنی دہشت گردانہ سرگرمیوں کے لئے دوسرے ممالک کی سرزمین کا استعمال روکنا ہوگا۔
دفتر خارجہ نے امریکہ کے حوالے سے پالیسی بیان دیتے ہوئے کہا کہ پاکستان دو طرفہ تعلقات کو مزید مستحکم کرنے کے لئے امریکی انتظامیہ کے ساتھ مل کر کام کرنے کا منتظر ہے۔ ترجمان دفتر خارجہ دفتر خارجہ زاہد حفیظ چودھری کا کہنا تھا کہ پاکستان خطے میں امن، استحکام اور خوشحالی کے حصول کیلئے شراکت داری جاری رکھے گا۔ ان کا مزید کہنا تھا کہ پاکستان امریکہ کے ساتھ ساختی مذاکرات کی بحالی کا بھی خیرمقدم کرے گا۔
دفتر خارجہ نے امید کا اظہار کیا کہ امریکی انتظامیہ کشمیر میں انسانی حقوق کی سنگین خلاف ورزیوں کا نوٹس لے۔ انہوں نے کہا کہ عالمی برادری بھارت کو مجبور کرے کہ وہ دیرینہ مسئلے کے حل کیلئے اقوام متحدہ کی قراردادوں پر عمل درآمد کو یقینی بنائے۔
دفتر خارجہ نے کہا کہ چین پاکستان اکنامک کوریڈور (سی پی ای سی) خطے کی تبدیلی اور ترقی کا منصوبہ ہے، یہ پاکستان کی معیشت، قومی ترقی اور علاقائی ترقی میں مثبت کردار ادا کررہا ہے۔
وزیراعظم اور چینی صدر شی جن پنگ نے اپنی ملاقات میں اس منصوبے کو مزید فروغ دینے پر اتفاق رائے کا اظہار کیا ہے ۔ انہوں نے بیلٹ اینڈ روڈ اقدام کو ایک اعلی معیار منصوبے کے طور پر سی پی ای سی کو بڑھانے پر اتفاق کیا۔ دفتر خارجہ نے کہا کہ ہم سی پی ای سی کو مزید وسعت دینے اور اسے علاقائی رابطے اور خوشحالی کے لئے مرکز بنانے پر چین کے ساتھ مشاورت کررہے رہیں ہیں۔
دفتر خارجہ نے مزید کہا کہ ہم تیسرے ممالک کو سی پیک کے اسپیشل اکنامک زونز میں سرمایہ کاری کرنے کا خیرمقدم کرتے ہیں۔
0 Comments