فضا علی نے سجاد علی سے شادی کی خبروں پر خاموشی توڑ دی


0

شوبز انڈسٹریز کو جہاں دنیا بھر میں گلیمر اور شہرت کی نگری قرار دیا جاتا ہے وہیں اس انڈسٹریز سے وابستہ لوگوں کو کئی مشکلات اور چیلنجز کا سامنا بھی رہتا ہے، انہی مسائل میں ایک جھوٹی خبریں اور معلومات کا پھیلاؤ ہے، جس کا آئے روز کوئی نہ کوئی فنکار شکار بنتا ہے۔ ان دنوں پاکستانی اداکارہ فضا علی ایسی ہی کچھ خبروں کی زد میں ہے، جس پر اداکارہ نے خود ایک تفصیلی وضاحتی بیان جاری کر دیا ہے۔

تفصیلات کے مطابق گزشتہ چند روز سے سوشل میڈیا خاص کر ہوٹیوب چینلز پر اداکارہ فضا علی کی لیجنڈری گلوکار سجاد علی کے ساتھ رشتہ ازدواج میں منسلک ہونے کی خبریں زیر گردش تھیں، جس پر اب اداکارہ کی جانب سے خاموشی توڑ دی گئی ہے اور ان تمام لوگوں کے لئے ایک خصوصی پیغام جاری کیا گیا ہے۔

Image Source: Twitter

سماجی رابطے کی ویب سائٹ انسٹاگرام پر جاری کردہ ویڈیو پیغام میں اداکارہ فضا علی نے گلوکار سجاد علی کے ساتھ شادی کے حوالے سے یوٹیوب پر چلنے والی خبروں کے کچھ مختصر کلپ شیئر کیے اور کہا کہ ’’کیا ملتا ہے، آپ لوگوں کو دوسروں کے بارے میں جھوٹی باتیں چھاپنے میں یا لوگوں کے بارے میں جھوٹ بولنے میں، کسی کے اوپر تہمت اور الزام لگانے میں، کسی کی ذاتی زندگی کو اچھالنے میں یا کسی کے کردار پر بحث کرنے میں کیا ملتا ہے؟

اداکارہ فضا علی نے اپنی اور گلوکار سجاد علی کی شادی کی خبروں کو جہاں بالکل رد کیا وہیں انہوں نے موقف اپنایا کہ سجاد علی صاحب مان کے بڑے بھائیوں کی طرح ہیں، وہ ان کے استادوں کی طرح ہیں۔ وہ پاکستان کا بہت بڑا سرمایہ ہیں، پوری دنیا انہیں پسند کرتی ہے، ان کے ساتھ میری شادی کروادی گئی، بلکہ یہاں تک بولا گیا کہ سجاد علی کی بیوی نے بھی انہیں قبول کرلیا ہے۔

Image Source: Youtube

ساتھ ہی فضا علی ان سے منسوب کردہ بیان پر بھی کافی سیخ پا دیکھائی دیں، انہوں نے کہا کہ ان سے منسلک بیان کہ سجاد علی بہت اچھے باپ اور شوہر ہیں۔ فضا علی نے غصے میں پوچھا کہ میں نے ایسی بکواس کب کی ہے کیا کوئی مجھے بتائے گا؟

انسٹاگرام پر جاری ویڈیو پیغام میں اداکارہ فضا علی نے اس افواہ کے بعد عامر لیاقت حسین سے بھی شادی سے متعلق وضاحت دیتے ہوئے کہا کہ کبھی ان کی شادی عامر لیاقت سے کرادی جاتی ہے، تو کبھی کہا جاتا ہے نکاح پر نکاح کرلیا، تو کبھی میری شادی سابق صدر آصف علی زرداری سے، تو کبھی وزیراعظم عمران خان ان کے شوہر بنا دئیے جاتے ہیں۔ ساتھ ہی کچھ ٹک ٹاکر کے ساتھ شادی کی بازگشت پر انہوں نے کہا کہ وہ ایک اسٹار ہیں، لوگ ان سے سیلفی کی درخواست کرتے ہیں، اس کے بعد اس سے کیا کچھ جوڑ دیا جاتا ہے۔

Image Source: Instagram

فضا علی نے سوشل میڈیا پر ان کے حوالے سے چلنے والی ان بے بنیاد اور جھوٹی خبروں پر برہمی کا اظہار کرتے ہوئے کہا میں شادی شدہ ہوں یا نہیں یہ ان کا مسئلہ ہے۔ لہذا انہوں نے ہاتھ جوڑ کر سب سے درخواست کی کہ آپ لوگ رشتہ کرانے والی مائی کا کردار ادا نہ کریں۔

یاد رہے پچھلے کچھ عرصے سے کچھ یوٹیوبر کی جانب سے اداکار عمران عباس کی بھی کئی شادیاں کروائی جاچکی ہیں، جس سے تنگ آکر کچھ عرصہ قبل عمران عباس نے فیس بک پر ایک پیغام جاری کیا تھا، جس میں انہوں نے کہا تھا کہ علیزے شاہ کے بعد صبور، اشنا اور اب عروہ حسین۔ یہ یوٹیوبرز میری چار شادیاں کروا چکے ہیں۔ یار ان بلاگرز کو کوئی اور کام نہیں ہے کیا؟ (یا یہ سمجھتے ہیں کہ مجھے اور کوئی نام نہیں ہے؟) کیا ہم ان بلاگرز / کلک بیٹرز (گمراہ کرنے والے یوٹیوبرز ) کے خلاف ایکشن لے سکتے ہیں؟ ان کی جانب سے گزارش کی گئی تھی کہ عوام اس طرح کے یوٹیوب چینلز، بلاگرز اور سوشل میڈیا پیجز کو ان سبسکرائب کردیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format