اداکار فرحان علی آغا نے سیاست میں قدم رکھ دیئے

کرکٹرز سمیت مختلف شعبہ ہائے زندگی سے تعلق رکھنے والی مشہور پاکستانی شخصیات کی بڑی تعداد آج پاکستان تحریک انصاف (پی ٹی آئی) اور وزیر اعظم عمران خان کی حمایت کرتے ہے۔ ان میں سے کئی تو براہ راست پارٹی کا حصہ ہیں۔ جن میں سابق کرکٹر رمیز راجہ، سابق کرکٹر جاوید میانداد اداکار حمزہ علی عباسی ، سابق کرکٹر شاہد آفریدی ، گلوکار ابرار الحق اور ڈاکٹر عامر لیاقت حسین کے بعد حال ہی میں مشہور پاکستانی اداکار فرحان علی آغا نے سیاست میں آبے کا اعلان کیا ہے۔

اس سلسلے میں اداکار فرحان علی آغا نے پیر کے روز اعلان کرتے ہوئے کہا کہ وہ پاکستان تحریک انصاف (پی ٹی آئی) میں شامل ہوکر “سیاست میں اپنا پہلا قدم اٹھا رہے ہیں”۔

تفصیلات کے مطابق فرحان علی آغا نے نجی نیوز چینل کو حال ہی میں بیان دیتے ہوئے کہا کہ تحریک انصاف کو اپنی حکومت میں ایماندار اور اچھے لوگوں کی ضرورت ہے۔ “میں وزیر اعظم عمران خان کی قیادت میں پاکستان تحریک انصاف میں شامل ہورہا ہوں”۔ ان کا مزید کہنا تھا کہ اس وقت پاکستان ایک مشکل مرحلے سے گزر رہا ہے۔ یہ بہترین وقت ہے کہ تحریک انصاف کے پلیٹ فارم کو پاکستان کے لئے قابل ستائش کچھ حاصل کرنے کے لئے استعمال کریں۔

پاکستانی اداکار فرحان علی آغا کے مطابق یہ ان کا پاکستانی سیاست میں یہ میرا پہلا قدم ہے۔ تاہم، میں نے اس ملک سے جو محبت رکھی ہے وہ کافی پرانی ہے، اداکار فرحان آغا نے مزید کہا، “ہم پاکستان کو آگے لے کر جائیں گے اور پاکستان تحریک انصاف (پی ٹی آئی) اسے عوام کی خدمت کا مشن سمجھتی ہے “۔

یاد رہے کہ پاکستان شوبز انڈسٹری میں اداکار فرحان علی آغا 1990 کے دہائی میں ایک نامور اداکار چمکتا ستارہ بن کر ابھرے۔ اداکار فرحان علی آغا نے بطور ماڈل اپنے شوبز کئیرئیر کا آغاز کیا، جہاں انہوں نے پہلے اپنی کامیابی کے جھنڈے گاڑے وہیں پھر اُنہیں نے اداکاری کے شعبے میں قدم رکھے۔ جہاں انہوں نے اپنی زبردست اداکاری کے ذریعے کامیابیوں کی بلندیوں کو چھوا۔ اس دروان انہوں نے متعدد مشہور پاکستانی ڈرامہ سیریلز، جیسے صدقے تمارے، دیمک، اور تیرے باہیر جیسے کامیاب ڈراموں میں زبردست اداکاری کے جوہر دیکھائے۔