ووٹ ڈالیں اپنا حق استعمال کریں ۔اداکاروں ،گلوکاروں اور کرکٹرز کی عوام سے اپیل

ملک بھر میں 8 فروری کو ہونے والے عام انتخابات کی تیاریاں زور و شور سے جاری ہیں، تمام سیاسی جماعتیں جلسوں، ریلیوں اور انتخابی مہم میں مصروف ہیں جبکہ جگہ جگہ سیاسی جماعتوں کے جھنڈے اور بینرز بھی آویزاں ہیں۔

8 February Vote Day

شوبز انڈسٹری سے تعلق رکھنے والی شخصیات نے عوام سے اپیل کی ہے کہ وہ عام انتخابات میں اپنا حق رائے۔دہی ضرور استعمال کریں۔ کرکٹرز سمیت کئی نامور پاکستانی اداکار اور گلوروں بھی نےعوام کی حوصلہ افزائی اور شعور بیدار کرنے کے لیے ووٹ ڈالنے کی اپیل کررہے ہیں

بشری انصاری

سینئر اداکارہ بشریٰ انصاری نے کہا کہ ’ہم سب چاہتے ہیں کہ اگلے 5 سال ایسی سیاسی جماعت کو ملے جو ملک کو ترقی کے راستے میں لے جائے، آپ کو جس امیدوار سے امید ہے انہیں ووٹ دیں۔‘

اداکارہ نے کہا کہ ’باتیں بنانے سے کچھ نہیں ہوگا، اپنے گھر سے باہر نکلیں اور اپنے حلقے اور امیدوار کا معلوم کریں، اس کے انتخابی نشان کو اچھی طرح پہنچانیں اور 8 فروری کو ووٹ دیں۔‘

ماروا حسین

اداکارہ ماورا حسین نے اپنے مداحوں کو مخاطب کرتے ہوئے لکھا کہ کل، 8 فروری کو، ووٹ لازمی ڈالنا ہے، ملک کے شہر ہونے کے ناطے یہ ہماری ذمہ داری ہے، جمہوریت کو برقرار رہنا چاہیے اور یہ تب ہی ہو سکتا ہے جب ہم ووٹ دیں گے

To all my followers, please #vote tomorrow, it’s our responsibility as a citizen of this country to contribute to the decisions made about her.
Democracy must must must sustain and that can only happen if WE VOTE ✅🇵🇰💚#PakistanElections #PakistanZindabad

— MAWRA HUSSAIN (@MawraHocane) February 7, 2024

فرحان سعید

فرحان سعید نے سماجی لپیٹ فارم ایکس پر ووٹ ڈالنے کی اہمیت پر زور دیتے ہوئے لکھا کہ ’پاکستانیوں باہر نکلو اور 8 فروری کو ووٹ دو۔

Pakistan come out and vote on 8th. If you think you’ve been wronged , Vote! If you want to see your country progress, Vote! If you want to see the right person leading the country, Vote! All what Pakistan asked for this entire year was right to vote, now Vote!
#Elections2024

— Farhan Saeed (@farhan_saeed) February 6, 2024

انہوں نے مزید لکھا کہ ’اگر آپ کو لگتا ہے کہ آپ کے ساتھ ظلم ہوا ہے، ووٹ دیں، اگر آپ اپنے ملک کی ترقی دیکھنا چاہتے ہیں تو ووٹ دیں، اگر آپ صحیح شخص کو ملک کی قیادت کرتے دیکھنا چاہتے ہیں تو ووٹ دیں، پاکستان کے لیے ووٹ دیں

وسیم اکرم

سابق کرکٹر وسیم اکرم نے ایکس پر لکھا کہ 8 فروری پاکستانی عوام کے لیے ایک اہم دن ہے، ہم سب اپنی تقدیر، اپنے نظام اور طرز زندگی کو بدلنا چاہتے ہیں اور جب ہم ووٹ دیتے ہیں تو ہم اس طاقت کو بہترین انتخاب کے لیے استعمال کرتے ہیں’۔

February 8 is an important day for people of Pakistan. Somewhere inside us we all want to change our fate, our system and way of life and when we vote we use that power to choose the best. It’s our right, so go out and use that power of vote. Pakistan 🇵🇰 zindabad

— Wasim Akram (@wasimakramlive) February 7, 2024

انہوں نے کہا کہ ووٹ ڈالنا ہمارا حق ہے، اس لیے باہر نکلیں اور ووٹ کی طاقت کا استعمال کریں پاکستان زندہ باد۔’

عدنان صدیقی

اداکار عدنان صدیقی نے لکھا کہ 8 فروری، ہمارے اور ہماری قوم کے لیے ایک اہم دن ہے۔

انہوں نے زور دیتے ہوئے کہا کہ کل (8 فروری کو) اپنے ووٹ دینے کا حق استعمال کریں، تبدیلی لانے کی طاقت ہمارے ہاتھ میں ہے، یاد رکھیں اگر آپ ابھی ووٹ نہیں دیں گے، تو آپ بعد میں شکایت کرنے کا حق کھو دیں گے۔’

View this post on Instagram

A post shared by Adnan Siddiqui (@adnansid1)

افتخار احمد

آل راؤنڈر افتخار احمد نے ٹوئٹ کیا کہ وہ پاکستانیوں سے اپیل کرنا چاہتے ہیں کہ ووٹ کا بائیکاٹ نہیں کریں بلکہ ووٹ لازمی ڈالیں۔

A humble request to all Pakistanis;

Please vote! ✅
Don’t boycott! ❌

Use your right to elect who you think is best for the nation and the country.

— Iftikhar Ahmad (@IftiMania) February 7, 2024

انہوں نے لکھا کہ ملک اور قوم کے لیے جسے آپ بہتر سمجھتے ہیں انہیں منتخب کریں۔

پرویز صدیقی

اداکار پرویز صدیقی نے کہا کہ ’اب 8 فروری کے الیکشنز کے بعد پاکستان کو ایسے لیڈر کی ضرورت ہے جو ملک کو قائداعظم کے ویژن کے مطابق آگے لے کر چلے۔‘

سونیا راؤ

اداکارہ سونیا راؤ نے عوام سے اپیل کی کہ ’وہ 8 فروری کو گھروں سے نکلیں اور اپنے ووٹ کا دُرست استعمال کریں، ہم نے آج سے پہلے ووٹ نہ دے کر یا غلط ووٹ دے کر بہت نقصان اٹھایا ہے۔‘ انہوں نے کہا کہ ’اپنے ووٹ کا صحیح استعمال کریں اور کسی ایسے انسان کو منتخب کریں جو اپنی ذات سے پہلے اس ملک کے بارے میں سوچتا ہو تاکہ ہمارا مستقبل بہتر ہوسکے

مایا علی

ا داکارہ مایا علی نے بھی عوام سے اپیل کی اپنا ووٹ دانشمندی سے استعمال کریں۔

انہوں نے کہا کہ یہی وقت ہے کہ آپ اپنا مستقبل کھونے سے بچا سکتے ہیں اور اپنے حال کو بہتر بنا سکتے ہیں، پاکستان کے بارے میں سوچیں، ان قربانیوں کے بارے میں سوچیں جو اب تک دی گئی ہیں۔

اداکارہ نے مزید کہا کہ’ ہمارے بچوں کی قسمت ہمارے ہاتھ میں ہے اور ہمیں تاریخ کے صحیح جانب کھڑا ہونا ہے، ملک کی بہتری کے لیے اپنا لیڈر منتخب کریں گے۔’

وارث بیگ

معروف گلوکار وارث بیگ نے کہا ہے کہ ’میں بزرگوں، خواتین اور نوجوانوں سب سے گزارش کرتا ہوں کہ وہ 8 فروری کو گھروں سے نکلیں اور اپنا ووٹ ضرور ڈالیں۔‘

’آپ اپنا حق رائے دہی استعمال کرنے سے قبل یہ ضرور دیکھ لیں کہ جسے آپ ووٹ دے رہے ہیں اُس نے پاکستان کے لیے کیا کیا ہے، 8 فروری فیصلے کا دن ہے میں چاہوں گا کہ آپ ملک کو آگے لے کر چلیں۔‘