ٹوئیٹر نے بھارتی اداکارہ کنگنا رناوٹ کا ٹوئیٹر اکاؤنٹ معطل کردیا


0

سماجی رابطے کی ویب سائٹ ٹوئیٹر نے مشہور ومعروف بھارتی اداکارہ کنگنا رناوٹ کا اکاؤنٹ مستقل طور پر معطل کردیا گیا ہے۔ اداکارہ کنگنا رناوٹ اپنے سخت گیر موقف اور بیان بازی کو لیکر آئے روز خبروں زد میں رہا کرتی تھی، تاہم اس بار ٹوئیٹر انتظامیہ نے بھی اپنا ردعمل ظاہر کردیا۔

بھارتی میڈیا رپورٹس کے مطابق معروف مائیکرو بلاگنگ ویب سائٹ ٹوئیٹر کی جانب سے بالی ووڈ اداکارہ کنگنا رناوٹ کا اکاؤنٹ اس وقت بند کیا گیا ہے، جب بھارتی ریاست مغربی بنگال کی قانون ساز اسمبلی کے لئے ہونے انتخابات کے نتائج کا اعلان کیا گیا۔ نتائج کو لیکر ریاست میں مبینہ طور تشدد کے واقعات ہوئے، جس پر اداکارہ کی جانب سے کئی متنازع پیغامات جاری کئے گئے تھے۔

Image Source: Instagram

بھارتی ریاست مغربی میں ہونے والے حالیہ انتخابات میں موجودہ وزیر اعلیٰ ممتا بنرجی کی زیر قیادت ٹی ایم سی نے بھارتی وزیراعظم کی جماعت بی جے پی کو شکست دے کر ایک بار پھر سے بنگال کا میدان اپنے نام کرلیا ہے، جس پر بولی ووڈ اداکارہ نے مغربی بنگال میں صدارتی نظام نافذ کرنے کا مطالبہ کیا تھا۔

این ڈی ٹی وی کی خبر کے مطابق جس ٹوئٹ کی بنا پر ٹوئیٹر انتظامیہ کی جانب سے اداکارہ کنگنا رناوٹ کے خلاف ایکشن لیا گیا، وہ یہ تھی، جس میں انہوں بھارتی وزیراعظم نریندر مودی سے درخواست کی تھی کہ وہ ممتا بنرجی کو لگام ڈالیں۔ کنگنا رناوٹ کی جانب سے مزید کہا گیا تھا کہ غنڈے کو قابو میں کرنے کے لئے ایک اور بڑے گنڈے کی ضرورت ہوتی ہے، ممتا بنرجی ایک بلا کی طرح ہیں لہذا مودی جی انہیں سدھارنے کے لئے 2000 سے پہلے والا روپ دیکھائیں۔

جوں اداکارہ کنگنا رناوٹ کا ٹوئیٹر اکاؤنٹ مستقل طور پر معطل کیا گیا، تو اداکارہ کی جانب سے انسٹاگرام کا سہارا لیا گیا اور انٹرنیشنل میڈیا کو مغربی بنگال میں نسل کشی کور نہ کرنے پر خوب آڑے ہاتھوں لیا۔

Image Source: Screenshot

بالی ووڈ اداکارہ کنگنا رناوٹ کا اپنے ویڈیو پیغام میں کہنا تھا کہ ٹوئیٹر نے میرے موقف کو صحیح ثابت کردیا ہے، کہ وہ امریکی ہیں اور یہ سفید فام لوگ بھورے رنگ والوں کو اپنا غلام سمجھنا اپنا پیدائشی حق سمجھتے ہیں۔ وہ آپ کو بتانا چاہتے کہ آپ کو کیا بولنا ہے، کیا سوچنا ہے اور کیا کرنا ہے۔

کنگنا رناوٹ کا مزید کہنا تھا کہ اپنی آواز اٹھانے کے لئے میرے پاس بہت سے پلیٹ فارمز ہیں، جن میں میرا اپنا فن یعنی سینما بھی شامل ہے ،لیکن میرا دل اس قوم کے لئے دکھتا ہے جو ہزاروں سالوں سے اذیتیں، غلامی اور آواز کو دبانا برداشت کرتے آرہے ہیں اور یہ سلسلہ اب بھی جاری ہے۔

واضح رہے کنگنا رناوٹ اور تنازعات کا آپس میں ہمیشہ چولی دامن کا ساتھ دیکھا گیا ہے، چند روز قبل توئیٹر پر انہوں نے ایک پیغام جاری کیا تھا، جس میں انہوں بھارتی وزیراعظم نریندر مودی سے درخواست کی تھی کہ “ رمضان کی تقاریب کے انعقاد پر بھی پابندی عائد کی جائے۔ جس پر۔انہیں سوشل میڈیا پر صارفین کی جانب سے کڑی تنقید کا نشانہ بنایا گیا تھا۔ چنانچہ ردعمل کو دیکھتے ہوئے کنگنا رناوٹ کی جانب سے ٹوئٹ کو ڈیلیٹ کردیا گیا تھا۔

یاد رہے گزشتہ روز اداکارہ کنگنا رناوٹ اور پاکستانی گلوکار اور کامیڈین علی گل پیر کا ایک دلچسپ مکالمہ بھی خبروں کی زینت بنا تھا، علی گل پیر کی جانب سے اداکارہ کنگنا رناوٹ کی ایک ویڈیو کی مزاحیہ پیروڈی کی تھی، جس پر کنگنا رناوٹ نے علی گل پیر کو مخاطب کرتے جواب دیا تھا کہ کم از کم آپ مزاحیہ ہیں اور آپ نے مجھے ہنسا دیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format