مشہور ومعروف پاکستانی اداکارہ ماہرہ خان سے متعلق دیئے جانے والے بیان پر اسکر اور گریمی ایوارڈ یافتہ فلم ساز شرمین عبید چنائے نے اداکارہ سونیا حسین کو شدید تنقید کا نشانہ بنایا، جس پر اداکارہ بھی خاموش نہ رہی اور انہوں نے شرمین عبید کو خوب آڑے ہاتھوں لیا۔
تفصیلات کے مطابق ہدایتکار شرمین عبید چنائے نے سماجی رابطے کی ویب سائٹ انسٹاگرام پوسٹ پر تبصرہ کیا۔ اگرچے یہ اداکارہ سونیا حسین کی تین سال پرانی ویڈیو تھی، انہوں سال 2018 میں ایک انٹرویو دیا تھا۔
اس مذکورہ انٹرویو میں میزبان کی جانب سے سونیا حسین سے پوچھا تھا کہ اگر وہ ماہرہ خان ہوتیں تو کون سی فلم میں کام نہ کرتیں اور پھر میزبان نے انہیں آپشن کے طور پر ماہرہ خان کی تین فلموں ’ورنہ، رئیس اور ہو من جہاں‘ کے نام بتائے تھے۔
جس پر سونیا حسین نے جواب میں کہا تھا کہ اگر وہ ماہرہ خان ہوتیں تو بھارتی فلم ’رئیس‘ میں کام نہ کرتیں، جس پر میزبان نے تعجب کا اظہارِ کرتے ہوئے انسے پوچھا تھا کہ وہ بولی وڈ بادشاہ شاہ رخ خان کے ساتھ کیوں کام نہ کرتیں؟
سونیا حسین کے مطابق انہیں لگتا ہے کہ اداکار کو اپنا کردار دیکھ کر اداکاری کرنی چاہیے، نہ کہ صرف ہیرو کی سائیڈ میں رہنے کی وجہ سے کردار ادا کرنا چاہیے۔
یہ مذکورہ ایک بار پھر سے سوشل میڈیا پر کافی وائرل ہے، جس پر کئی لوگ اپنا ردعمل دے رہے، انہیں لوگوں میں ایک نام شرمین عبید چنائے کا بھی ہے، جنہیں اداکارہ کا تبصرہ ایک آنکھ نہ بھایا۔ شرمین عبید نے لکھا کہ، وہ خود کو ماہرہ خان سے تشبیح نہ دیں، وہ کبھی بھی ماہرہ خان نہیں بن سکتیں، اس لیے انہیں ایسا کہنے کی ضرورت بھی نہیں ہے۔
شرمین عبید چنائے لکھا کہ انہیں انڈسٹری میں موجود دوسری خواتین کی ایسے بے ادبی نہیں کرنی چاہیے، کیوں کہ ایسی بات کرنے سے ان کی پرورش کی عکاسی بھی ہوتی ہے۔
ہدایتکار شرمین عبید چنائے کا بیان اداکارہ سونیا حسین کو ایک آنکھ نہ بھایا، انسٹاگرام پر ردعمل دیتے ہوئے لکھا کہ ایک خاتون کی عوام کے سامنے توہین کرنا اور دوسری خاتون کی تعریفیں کرنے سے لگتا ہے کہ وبا نے لوگوں کو معاملے کی پوری بات کو سمجھے بغیر توہین کرنے کے لیے زیادہ وقت فراہم کیا ہے۔
اداکارہ سونیا حسین نے مزید لکھا کہ ان سے ایک سوال پوچھا گیا تھا اور انہوں نے اظہار رائے کی آزادی کا استعمال کرتے ہوئے ایک جواب دیا۔ ساتھ ہی انہوں نے اپنی اسٹوری میں شرمین عبید چنائے کو مخاطب کرتے ہوئے، ان پر واضح کیا کہ ان کے الفاظ کا انتخابٔ درست نہیں تھا اور ان کے بات کرنے کے انداز سے بھی ایسا نہیں لگا کہ وہ ایوارڈ یافتہ فلم ساز ہیں۔
اداکارہ سونیا حسین کے مطابق انہیں ماہرہ خان بننے کی کوئی خواہش نہیں ہے، وہ بہترین اداکارہ ہیں اور یہ کہ ان کی اپنی حیثیت اور اہمیت ہے۔
مزید پڑھیں: شرمین عبید چنائے کی دستاویزی فلم ایمی ایوارڈز کے لئے نامزد
بعدازاں فلم اسٹار فیروز خان بھی مذکورہ بیان پر سونیا حسین میں کود پڑھے۔ سماجی رابطے کی ویب انسٹاگرام پر جاری بیان میں انہوں لکھا کہ انہوں نے یوٹیوب پر ایک ایسی ویڈیو دیکھی، جس میں ایک خاتون دعویٰ کر رہی تھیں کہ شرمین عبید چنائے نے ان پر فلم بنائی اور آسکر ایوارڈ جیتا مگر بدلے میں انہیں کچھ نہیں دیا گیا۔ تاہم اب وہ دوسروں کی پرورش پر بات کر رہی ہیں۔
اداکار فیروز خان نے سونیا حسین کو مخاطب کرتے ہوئے لکھا کہ ایسے لوگ آپ کی تقدیر یا شناخت کا فیصلہ نہیں کر سکتے۔ مضبوط رہیں۔
واضح رہے فلم ساز شرمین عبید چنائے نے کچھ عرصہ قبل ترکش اداکاروں کے پاکستان میں کام کرنے پر بھی اعتراض کیا تھا، ترکش اداکارہ ایسرا بلجیک کو پشاور زلمی کا برانڈ ایمبسڈر بنانے پر انہوں تھا کہ یہ بات انتہائی مضحکہ خیز ہے کہ ایک ترکش اداکارہ جس کا ملک خود کرکٹ نہیں کھیلتا، وہ کرکٹ کی نمائندگی کررہا ہے۔
0 Comments