ایم ایس دھونی کا حارث راؤف کیلئے چنئی سپر کنگ کی جرسی کا تحفہ


0

کہتے ہیں کھیل اور فنونِ لطیفہ کی کوئی سرحد نہیں ہوتی ہیں، ملکوں کے درمیان حالات کتنے ہی کشیدہ ہوں، یہ چیزیں ملکوں کے بیچ امن، پیار اور محبت جیسے پیغام کو فروغ دیتی ہیں۔ پاک بھارت کی ہی بات کرلی جائے، تو دونوں ممالک ہر اعتبار سے ایک دوسرے کے حریف ہیں، لیکن دونوں ملکوں کے فنکاروں اور کھلاڑیوں کی دوستی ہمیشہ سے ہی گہری رہی ہیں، اس کی حالیہ مثال سابق بھارتی کپتان مہندرا سنگھ دھونی اور پاکستانی فاسٹ بولر حارث راؤف کے حوالے سے ہی دیکھی جاسکتی ہے۔

تفصیلات کے مطابق حال ہی میں ابھرتے ہوئے پاکستانی اسپیڈ اسٹار حارث راؤف نے ٹوئیٹر پر جاری پیغام میں بتایا کہ سابق بھارتی کپتان مہندرا سنگھ دھونی کی جانب سے انہیں اپنی چنئی سپر کنگز کی 7 نمبر کی شرٹ بطور تحفہ بھیجی گئی ہے۔

Image Source: Twitter

ٹوئیٹر پر جاری پیغام میں حارث راؤف نے جہاں شرٹس کی تصویر شئیر کی وہیں مہندرا سنگھ دھونی کا دل سے شکریہ ادا کرتے ہوئے بھی نظر آئے۔

Image Source: Gulf News

حارث راؤف کے مطابق لیجنڈ اور کیپٹن کول ایم ایس دھونی نے خوبصورت تحفے کا اعزاز بخشا ہے۔ نمبر 7 اب بھی محبت اور خیرسگالی کے جذبے سے دل جیت رہا ہے۔ یہی نہیں فاسٹ بولر نے آئی پی ایل ٹیم چنئی سپر کنگ کے مینیجر راسل رادھاکرشنن کا بھی شکریہ ادا کیا۔

اس وقت سوشل میڈیا پر حارث راؤف کی پوسٹ کافی وائرل ہو رہی ہے، پاکستان میں موجود ایم ایس دھونی کے مداحوں نے بھی اپنے پسندیدہ کپتان کے محبت اور خیر سگالی کے روئیے کو خوب سراہیا ہے اور فاسٹ بولر کی پوسٹ کو خوب شئیر کیا جا رہا ہے۔

واضح رہے بھارتی کپتان مہندرا سنگھ دھونی کا شمار ناصرف بھارت بلکہ دنیا کے کامیاب ترین کپتانوں میں ہوتا ہے، وہ دنیا کے واحد کپتان ہیں، جنہوں نے اپنی قیادت میں بھارت کو تمام بڑے ٹائٹل جیتوائے ہیں، جن میں سال 2007 کا ٹی ٹوئنٹی ورلڈکپ سال 2010 کا ایشیاء کپ، سال 2011 کا میگا ورلڈکپ اور سال 2013 کی چیمپئنز ٹرافی شامل ہے۔

جبکہ اگر سابق بھارتی کپتان کی شخصیت کے حوالے سے بات کی جائے تو شاید ہی دنیا میں کوئی کھلاڑی، ایمپائر یا میچ آفیشل ہو، جس کو ان سے کوئی شکایت رہی ہے، میچ کے دوران ٹھنڈا مزاج، فیلڈنگ سیٹ کرنے کا منفرد اسٹائل، خاموش تربیت، یہی وجہ یے کہ انہیں کیپٹن کول کہا جاتا ہے۔

Image Source: Twitter

دوسری جانب اگر پاکستان فاسٹ باولر حارث راؤف کی بات جائے تو ان کا شمار پاکستان کے ابھرتے ہوئے فاسٹ بولرز میں ہوتا ہے، سال 2020 میں قومی کرکٹ ٹیم میں ڈیبیو کرنے والے اسپیڈ اسٹار آج پاکستان بولنگ اٹیک میں ریڑھ کی ہڈی سمجھے جاتے ہیں۔

مزید پڑھیں: قومی کرکٹر حارث راؤف، مایا علی کے ڈراموں کے بھی مداح نکلے

یاد رہے گزشتہ ٹی ٹوئنٹی ورلڈکپ میں جہاں قومی کرکٹ نے زبردست کارکردگی سے پوری قوم کا سرفخر سے بلند کیا وہیں حارث راؤف کی بولنگ بھی پورے ورلڈکپ میں پرفارمنس انتہائی متاثر کن رہی ،انہوں 6 میچز میں 8 وکٹیں انتہائی کم اکنامی کے ساتھ لیں۔ جبکہ نیوزی لینڈ کے خلاف ورلڈکپ میچ میں 22 رنز دیکر 4 وکٹیں حاصل کرکے مین آف دی میچ کا ایوارڈ اپنے نام کیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format