میرے جسم کے بجائے عوامی مسائل پر توجہ دے، اداکارہ آمنہ الیاس

گزشتہ کافی عرصے سے پاکستانی مشہور و معروف اداکارہ اور ماڈل آمنہ الیاس رنگ و جسامت کی بنیاد اور تقسیم کرنے والوں کے خلاف آواز بلند کررہی ہیں۔ یہی وجہ ہے کہ اس سلسلے میں آج کل سوشل میڈیا پر وہ کافی متحرک ہیں۔ عوام کی جانب سے ان کی سوچ و فکر کو کافی سراہا گیا تھا تاہم اب اداکارہ آمنہ الیاس خود سوشل میڈیا پر تنقید کی زد میں آگئی ہیں اور وجہ بنی ہے ان کے نامناسب کپڑے تاہم اداکارہ آمنہ الیاس نے بھی تنقید کرنے والوں کو کھری کھری سنادی۔

تفصیلات کے مطابق اداکارہ آمنہ الیاس کی جانب سے سماجی رابطے کی ویب سائٹ انسٹاگرام پر چند تصاویریں شئیر کی گئیں، جس میں انہوں نے معروف ڈیزائنر ارم خان کا تیار کردہ لباس زیب تن کر رکھا تھا، یہ تصاویر شاید ارم خان کے کپڑوں کا ایک طرح کا پروموشنل شوٹ تھا، جس میں انہوں تیز جامنی رنگ کی کڑاہی شدہ ساڑھی پہن رکھی تھی۔ ساتھ ہی انہوں نے خوبصورت انداز میں میک اپ، جیولری اور بالوں کو بانداھا ہوا۔

البتہ جوں ہی تصویریں سوشل میڈیا پر وائرل ہوئیں، گویا ان تصاویروں نے سوشل میڈیا پر ایک طوفان برپا کرکے رکھ دیا ہو، صارفین کی جانب سے ان کی تصاویر میں میک اپ، بالوں ،جیولری کو چھوڑ کر ان کے جسمانی اعضاء کو لیکر انہیں شدید تنقید کا نشانہ بنایا گیا اور ایسی مزید تصاویریں شئیر نہ کرنے کی درخواست کی۔

جس پر جواب دیتے ہوئے اداکارہ آمنہ الیاس نے انسٹاگرام پر ایک اسٹوری شئیر کی، جس پر انہوں نے لکھا کہ دنیا میں غُربت، عصمت دری، بچوں کو جنسی ہراساں ، جنگ، گھریلو تشدد سمیت کئی دیگر اہم مسائل موجود ہیں۔ تاہم اُنہیں حیریت ہے کہ ان سب مسائل کے برعکس ان کے جسم کا حصہ سب سے زیادہ زیر بحث ہے۔

اداکارہ آمنہ الیاس کے مطابق ہماری قوم کو حقیقی مسائل کی طرف توجہ مرکوز کرنی چاہئے ناکہ ان کے جسمانی حصوں پر توجہ دی جائے۔

بعدازاں اداکارہ آمنہ الیاس الیاس کی جانب سے ان اپ لوڈ کی گئیں تصویروں کا موضوع یعنی کیپشن بھی تبدیل کردیا گیا، انہوں نے لکھا کہ وہ اپنی پوسٹ پر کلیویجز کے حوالے سے کممٹس پڑھ پڑھ کر پریشان پوگئیں ہیں، لہٰذا اس ہی وجہ سے انہوں نے اپنا کیپشن تبدیل کردیا ہے۔

اداکارہ آمنہ الیاس نے صارفین سے پوچھا کیا آپ لوگوں کو میرے بال، میرا میک اپ، گجرا، بالیاں یا بلاؤس پر ہوئی کڑاہی پسند نہیں آئی؟

واضح رہے گزشتہ کچھ عرصے میں اداکارہ آمنہ الیاس سوشل میڈیا پر مختلف حوالوں سے خبروں کی زد میں رہی ہیں، جن میں اداکارہ آمنہ الیاس نے رنگ گورا کرنے والی کریموں کی تشہیر کرنے والوں کو خوب تنقید کا نشانہ بنایا تھا، اس سلسلے میں انہوں نے ویڈیو جاری کی تھی، جس میں انہوں نے رنگ گورا کرنے کی مخالفت کرتے ہوئے اپنا چہرہ آٹے میں ڈال کر لوگوں کو پیغام دیا تھا کہ رنگ گورا کرنے کے بجائے انسان خود کو پہنچانے۔

پچھلے برس اکتوبر کے مہینے میں اداکارہ آمنہ الیاس کی ایک پرانی ویڈیو وائرل ہوئی تھی، جس میں انہیں دیکھا گیا تھا کہ وہ اداکارہ آمنہ حق کے وزن کو لیکر ان کا مذاق بنا رہی ہیں، تاہم اداکارہ آمنہ الیاس نے حوالے سے ردعمل دیتے ہوئے کہا کہ اس ویڈیو میں وہ نہیں ہیں، اور نہ ہی ان کی جانب سے ساتھی اداکارہ سے معافی مانگی تھی۔