ہوی مائلز کی پاکستان میں توسیع، ہری سن انرجی کو ٹائر-1 ڈسٹری بیوٹر مقرر کر دیا گیا

پاکستان کے تیزی سے ترقی کرتے ہوئے قابلِ تجدید توانائی کے شعبے میں اہم پیش رفت سامنے آئی ہے، عالمی سطح پر سولر اور انرجی اسٹوریج ٹیکنالوجی کی معروف کمپنی ہوی مائلز (Hoymiles) نے پاکستان میں اپنی موجودگی کو وسعت دیتے ہوئے ہری سن انرجی (Harisun Energy) کو اپنا ٹائر-1 ڈسٹری بیوٹر مقرر کر دیا ہے۔

اس سلسلے میں شراکت داری کے معاہدے پر چین میں باقاعدہ دستخط کیے گئے، جس کے بعد پاکستان میں جدید عالمی انورٹر ٹیکنالوجی کی فراہمی اور سولر انرجی کے شعبے میں نئی پیش رفت کی راہ ہموار ہو گئی ہے۔

معاہدے کے تحت ہری سن انرجی پاکستان بھر میں ہوی مائلز کے سولر اور انرجی اسٹوریج سلوشنز کی ڈسٹری بیوشن اور مارکیٹ ڈویلپمنٹ کا عمل آگے بڑھائے گی، جبکہ سولر انسٹالرز، ای پی سی کمپنیوں، چینل پارٹنرز اور دیگر صنعتی شراکت داروں کے ساتھ مل کر کام کیا جائے گا۔

ہوی مائلز کی جدید انورٹر اور انرجی مینجمنٹ ٹیکنالوجیز پاکستان کے توانائی کے شعبے میں نظام کی کارکردگی بہتر بنانے، گرڈ استحکام میں معاونت اور سولر بجلی کو قومی توانائی کے نظام میں زیادہ مؤثر انداز میں شامل کرنے میں اہم کردار ادا کر سکتی ہیں۔ جدید مائیکرو انورٹرز اور اسمارٹ مانیٹرنگ سلوشنز کے ذریعے توانائی کے ضیاع میں کمی، بجلی کی پیداوار کو بہتر بنانے اور گھریلو و کمرشل صارفین کے لیے توانائی میں خود انحصاری اور لاگت میں کمی کے امکانات بھی بڑھیں گے۔

ہوی مائلز کی ٹیکنالوجی اس وقت دنیا کے 190 سے زائد ممالک اور خطوں میں استعمال ہو رہی ہے جبکہ کمپنی کے عالمی سطح پر 2,200 سے زائد ملازمین ہیں۔ کمپنی تحقیق و ترقی (R&D) پر خصوصی توجہ کے ساتھ جدید توانائی کے حل متعارف کرا رہی ہے۔

اس موقع پر ہری سن انرجی کے چیف ایگزیکٹو آفیسر حارث جمشید نے کہا کہ ہوی مائلز کے ساتھ شراکت داری پاکستان کی سولر انڈسٹری کے لیے ایک اہم اور تبدیلی کا باعث بننے والا قدم ہے۔ عالمی معیار کی انورٹر اور انرجی اسٹوریج ٹیکنالوجیز کو پاکستانی مارکیٹ میں متعارف کرانے سے نہ صرف قابلِ اعتماد صاف توانائی کے حل تک رسائی میں اضافہ ہوگا بلکہ انسٹالرز، کاروباری اداروں اور گھریلو صارفین کو زیادہ کارکردگی اور طویل المدتی توانائی کے تحفظ کے حصول میں بھی مدد ملے گی۔

انہوں نے کہا کہ ہری سن انرجی پاکستان کو ایک زیادہ اسمارٹ، قابلِ اعتماد اور پائیدار توانائی کے مستقبل کی جانب لے جانے کے لیے پرعزم ہے۔

ماہرین کے مطابق ہوی مائلز اور ہری سن انرجی کے درمیان یہ شراکت داری پاکستان میں سولر انرجی کے بڑھتے ہوئے رجحان کے تناظر میں اہم پیش رفت ہے، جس سے جدید عالمی ٹیکنالوجی کو مقامی مارکیٹ تک پہنچانے، سولر سسٹمز کی کارکردگی بہتر بنانے اور ملک کے صاف توانائی کے ایکو سسٹم کو مزید مضبوط بنانے میں مدد مل سکتی ہے۔