سی ایس ایس پاس کرنے والی طلبہ کا مستحق طلبہ کیلئے بڑا اعلان

تعلیم ہر انسان چاہے وہ امیر ہو یا غریب ،مرد ہو یا عورت کی بنیادی ضرورت میں سے ایک ہے ،یہ انسان کا حق ہے جو کوئی اس سے نہیں چھین سکتا۔ اگر دیکھا جائے تو انسان اور حیوان میں فرق تعلیم ہی کی بدولت ہیں تعلیم کسی بھی قوم یا معاشرے کے لئے ترقی کی ضامن ہے یہی تعلیم قوموں کی ترقی اور زوال کی وجہ بنتی ہے تعلیم حاصل کرنے کا مطلب صرف اسکول ،کالج یونیورسٹی سے کوئی ڈگری لینا نہیں بلکہ اسکے ساتھ تمیز اور تہذیب سیکھنا بھی شامل ہے تاکہ انسان اپنی معاشرتی روایات اور اقدار کا خیال رکھ سکے۔

تعلیم وہ زیور ہے جو انسان کا کردار سنوراتی ہے دنیا میں اگر ہر چیز دیکھی جائے تو وہ بانٹنے سے گھٹتی ہے مگر تعلیم ایک ایسی دولت ہے جو بانٹنے سے گھٹتی نہیں بلکہ بڑھ جاتی ہے، اس حقیقت کو تسلیم کرتے ہوئے سی ایس ایس کا امتحان پاس کرنے والی نوجوان طالبہ تحریم احسان شیخ نے تعلیم کے فروغ کے لئے اہم اعلان کرتے ہوئے مسحق طلباء کی پڑھائی کی ذمہ داری اُٹھالی ہے۔ طلبہ کا کہنا ہے کہ اکیڈمی بناؤں گی جہاں مقابلے کے امتحان میں حصہ لینے والے مستحق طلباء مفت پڑھیں گے اور تنخواہ بھی یتیم خانہ کے اکاؤنٹ میں جمع کرواؤئیں گی۔

لاہور میں جوہر ٹاؤن کے علاقے کی رہائشی اور امیر گھرانے سے تعلق رکھنے والی تحریم احسان شیخ جنہوں نے سی ایس ایس کا امتحان پاس ہے، انہوں نے اس بات اعلان کیا ہے کہ وہ مسحق طلباء کے لئے اکیڈمی بنائیں گی جہاں مقابلے کے امتحان میں حصہ لینے والے مستحق طلباء مفت پڑھیں گے۔ تحریم کا کہنا ہے کہ وہ کوئی سرکاری مراعات نہیں لیں گی اور اپنی تنخواہ بھی یتیم خانہ کے اکاؤنٹ میں جمع کروایا کرینگی۔ نوجوان طلبہ کا یہ فیصلہ قابل ستائش ہے اور دوسروں کے لئے مشعل راہ کی اہمیت رکھتا ہے۔ مقابلے کے امتحان میں تحریم کی کامیابی پر ان کے والدین کا کہنا ہے کہ ہماری بیٹی نے سی ایس ایس کا امتحان پاس کرکے ہمارا سر فخر سے بلند کیا ہے۔

بلاشبہ نوجوان طالبہ تحریم کا سرکاری مراعات اور تنخواہ نہ لینے کا فیصلہ جہاں ایک طرف مستحق طلباء کی مدد کرے گا وہیں دوسرے صاحب حیثیت سرکاری عہدیداران کی بھی حوصلہ افزائی کرے گا کہ وہ بھی اس طرح عوامی مفاد کا اعلان کریں جس سے معاشرے میں غریب ذہین افراد کا بھلا ہوسکے۔

نوجوان طالبہ کا یہ فیصلہ قابل ستائش ہے اور اگر تعلیم یافتہ نوجوان تعلیم حاصل کر کے اس کا صحیح استعمال کریں تو ایسا ممکن ہے کہ ہم دنیا کے ترقی یافتہ ممالک میں شامل ہوجائیں گے۔

مزید پڑھیں: لمز کے طلباء کی عظیم کاوش، آج ایک ویٹر یونیورسٹی گریجویٹ ہوگیا

اس سے قبل سندھ یونیورسٹی کی طالبہ ماہ نور شیخ نے بھی اپنی انفرادی ذمہ داری کو سمجھتے ہوئے اپنے گاؤں کے غریب بچوں کی تعلیم وتربیت کے لئے ایک مثالی قدم اٹھایا اور اپنے گھر کو اسکول میں تبدیل کرکے غریب بچوں کو پڑھانا شروع کر دیا۔ اس اقدام پر حال ہی میں سندھ حکومت نے ماہ نور شیخ کو اعزازی شیلڈ بھی دی ہے۔

Story Courtesy: Geo