سردیوں میں جلد کی حفاظت کے لئے کون سے سیرم استعمال کیے جائے؟

پاکستان کے کئی علاقوں میں سردی کا موسم شروع ہوچکا ہے، خواتین کو موسم سرما شروع ہوتے ہی اپنی جِلد کی خوبصورتی اور اس کی حفاظت کی فکر لاحق ہوجاتی ہے، کیونکہ موسم گرما کے مقابلے میں موسم سرما میں جِلدکے مسائل میں اضافہ ہوجاتاہے۔

ماہرینِ امراض جِلد کے مطابق،سردیوں میں ہوا میں نمی کاتناسب کم ہوتا ہے اور یہ صورتحال انسانی جسم کی نمی کوکھینچ لیتی ہے اور لوگوں میں جِلد اور ہونٹوںکے خشک ہوجانے اور پھٹنے کی شکایات بڑھ جاتی ہیں

سردیوں میں ایک اچھے موئسچرائزر کا استعمال بے حد ضروری ہے۔ خشک جِلد کی حامل خواتین کو ایسے موئسچرائزر کا انتخاب کرنا چاہیے جو جِلد کو مطلوبہ مقدار میں نمی فراہم کرے۔ حساس جِلد کو سردیوں میں خاص طور پر توجہ کی ضرورت ہوتی ہے۔

Winter Skin Care Serum

دنیا بھر میں اب فیس سیرمز کے استعمال کا رجحان بڑھتا جا رہا ہے جو جلد کا خیال رکھنے میں کار آمد ثابت ہوتے ہیں۔

 لیکن سوال یہ ہے کہ کون سے سیرم کا انتخاب کیا جائے؟ مندرجہ ذیل سیرم سے آپ کی یہ پریشانی حل ہوسکتی ہے۔

وٹامن سی

وٹامن سی اینٹی آکسیڈینٹ کا خزانہ ہے جسے جلد کیلئے بہترین مانا جاتا ہے۔

وٹامن سی آپ کی جلد کو آلودگی اور فری ریڈیکلز سے بچاتا ہے اور یہ جلد کو شاداب بنانے کے ساتھ ساتھ جلد کے خلیوں کو بھی بہتر بناتا ہے۔

وٹامن سی ہماریجلد کو تندرست رکھنے والے پروٹین پیدا کرنے میں اہم کردار ادا کرتا ہے،

ہایالورونک ایسڈ

ہایالورونک ایسڈکا تو سب کو ہی پتا ہوتا ہے، مشہور شخصیت بھی اس سیرم کا استعمال کرتے ہیں، یہ ایسڈ جلد سے خشکی کو دور کرتا ہے اور جلد کی اوپری تہہ کو بہتر بناتا ہے۔

:مذید پڑھیئں

سردی کے موسم میں خشک جلد اور خارش کا علاج

ہماری جلد میں جسم میں ہایالورونک ایسڈ کا نصف حصہ ہوتا ہے۔ یہ پانی کے مالیکیولز سے جڑتا ہے جو جلد کو ہائیڈریٹ اور کومل رکھنے میں مدد کرتا ہے۔اسردیوں میں اس یسڈ استعمال کیا جا سکتا ہے:

نیاسنامائیڈ

نیاسنامائیڈ فیس سیرم میں بی تھری موجود ہوتا ہے جو جلد کو جوان بنانے اور  روکھی جلد کو تروتازہ بنانے میں اپنا کردار ادا کرتا ہے۔ اس کے علاوہ یہ جلد پر ہونے والی سوزش کو بھی کم کرنے میں مدد فراہم کرتا ہے۔

گلیسرین

گلیسرین کا استعمال صدیوں سے کیا جا رہا ہے یہ جلد کو خشک ہونے سے بچانے کے ساتھ ساتھ دانوں سے بھی بچاتی ہے۔

گلیسرین جلد کو نمی بخشتی ہے اور جلد میں جذب ہوکر سکن کو ملائم بناتی ہے۔ خاص طور پر کم نمی والے حالات میں، پانی کا سب سے قریبی ذریعہ آپ کی جلد کی نچلی سطح ہوتی ہے۔ گلیسرین کے استعمال  سے جلد میں پانی کی کمی دور ہو سکتی ہے۔

ایلوویرا

ایلو ویرا کی افادیت سے سب ہی واقف ہیں، قدرت نے اس میں پانی کی مقدار زیادہ رکھی ہے، یہی وجہ ہے کہ اسے جلد کیلئے بہترین مانا جاتا ہے۔

ایلوویرا جلد پر حفاظتی اثرات مرتب کرتا ہےجب یہ جیل جلد پر لگایا جاتاہے یہ میٹالوتھیونین پیدا کرتا ہے جو ایک طاقت ور اینٹی آکسیڈنٹ پروٹین ہے