سردیوں میں خشک اور روکھے بالوں کو کریں بائے بائے

سردیوں کا موسم شروع ہوتے ہی ہماری جلد کے ساتھ ہمارے بال خشک اور بے جان لگنے لگتے ہیں، کبھی آپ نے سوچا کہ ایسا کیوں ہوتا ہے؟ جس طرح سردی ہمارے جسم پر اثر انداز ہوتی ہے بالکل اسی طرح ہمارے بال بھی اس سے متاثر ہوتے ہیں۔اس لئے سردی کے موسم میں بالوں کو حفاظت کے ساتھ غذا کی بھی ضرورت ہوتی ہے اور اگر یہ ضرورت پوری نہ ہوتو بال سرد موسم کی زد میں آجاتے ہیں اور روکھے ہونے کے ساتھ گرنے لگتے ہیں۔لہٰذا اس موسم میں اپنے بالوں کی خوبصورتی برقرار رکھنے کے لئے ذیل میں بتائے جانیوالے طریقے اپنائیں اور اس موسم بےجان اور روکھے بالوں سے نجات پائیں۔

پروٹین ٹریٹمنٹ

ہفتے میں ایک دفعہ بالوں میں مایونیزلگائیں یا سرسوں کے تیل میں انڈے کی زردی مکس کرکے لگائیں اس سے بال بہت اچھے ہونگے۔

ہیئر ماسک

سردی کے باعث ہونے والے روکھے بالوں سے نجات کے لئے ایک کیلا،لیموں کارس چند قطرے،سرسوں کاتیل دو چمچ اور دہی دو چمچ اچھی طرح مکس کرکے لگالیں۔

ہیئر سیرم

جو اور گندم ابال کر اسکا پانی دو چمچ اور دو چمچ دہی اچھی طرح ملاکر بال دھونے سے آدھا گھنٹا پہلے لگالیں۔ہفتے میں دو دفعہ استعمال کریں۔خشکی،بالوں کاگرنا، اور روکھاپن سب کے لئے بہترین ہے۔

ہیئر بوٹوکس

کیلا ایک عدد،دہی اور بادام کاتیل دو دو چمچ اور شہد ایک چمچ اچھی طرح مکس کرکے اسکیلپ میں لگاکر ہلکا سامساج کنگھے کی مدد سے کریں اور شاور کیپ سے کور کرلیں۔آدھے گھنٹے بعد دھو لیں۔

گھر کا شیمپو

کسی بھی ٹریٹمنٹ کے بعد شیمپو نہایت اہمیت کا حامل ہے ۔سیکاکائی کی پھلیاں پانی میں پکالیں جب اچھی طرح گھل جائیں تو اس سے سر دھولیں۔اسمیں اگر آپ چاہیں تو ریٹھا بھی ملاسکتی ہیں۔

سردیوں میں بالوں کے دیگر مسائل

سردیوں میں سر کے بالوں کا گرنا بھی ایک اہم مسئلہ تصور کیا جاتا ہے۔تحقیق کے مطابق روزانہ 50 سے 100 تک بالوں کا گرنا قدرتی عمل ہے۔ اس عمل کی وجہ سے نئے بال آتے ہیں اور خام بال گر جاتے ہیں لیکن قدرتی مقدار سے زیادہ بال گرنا پریشانی کا باعث ہے۔موسم سرما میں جلد خشک ہونے کے ساتھ سر کی جلد یعنی ’اسکیلپ‘ بھی خشک ہوجاتی ہے جس وجہ سے بالوں میں خشکی  پیدا ہوجاتی ہے اور مردوں اور عورتوں دونوں کے بال گرنا شروع ہوجاتے ہیں۔ان مسائل پر قابو پانے کے لئے آپ ہمارے بتائے گئے طریقے اپناسکتی ہیں۔

بالوں کا گرنا

سردی میں بال خشک ہونے کے باعث بہت گرتے ہیں۔اس مسئلے سے نجات کے لئے نیم کے تیل میں سرسوں یا ناریل کا تیل ملاکر لگائیں ایک ہفتے میں بال گرنا رک جائیں گے۔

مزید پڑھیں: سردیوں میں خشکی سے کیسے چھٹکارا پائیں؟

خشکی

سرسوں کاتیل آدھاپاؤ،گلاب کی پتیاں ایک مٹھی ،گیندے کے دو پھول،کڑی پتہ ایک مٹھی،تورئی ایک چھوٹی ان سب کو ملاکر اتنا پکائیں کہ تمام اجزاء جل جائیں۔یہ خشکی کے ساتھ ساتھ سفید بالوں کو بھی روکے گا۔