کیا نک جوناس بولی ووڈ میں کام کریں گے؟ ارادے بتا دیئے

مشہور ومعروف امریکی گلوکار نک جونس بھارتی فلم انڈسٹری میں قدم رکھنے کے لیے بالی ووڈ کی صحیح پیشکش کا بے تابی سے انتظار کرتے دکھائی دے رہے ہیں۔

تفصیلات کے مطابق بولی ووڈ اسٹار پریانکا چوپڑا سے شادی کرنے والے نک جوناس کے حوالے سے مشہور ہے کہ وہ ہندوستانی ثقافت کے مداح ہیں اور اکثر اپنی اہلیہ کے ساتھ ہندوستانی تہواروں میں شریک ہوتے ہیں۔ ابھی حال ہی میں، باجی راؤ مستانی اسٹار نے اپنے شوہر کے ساتھ انسٹاگرام پر ایک تصویر شیئر کی تھی، جس میں انہیں دیوالی کے لیے روائتی کپڑے پہنے ہوئے دکھایا گیا تھا۔

حال ہی میں خلیج ٹائمز کے ساتھ ایک انٹرویو میں، امریکی گلوکار نے انکشاف کیا کہ وہ شاید اپنی اہلیہ پرینکا چوپڑا کے نقش قدم پر چلتے ہوئے بالی ووڈ فلم کو سائن کر سکتے ہیں۔

اس حوالے سے جب ان سے پوچھا گیا کہ کیا وہ کبھی بالی ووڈ فلموں میں اداکاری کرنے پر غور کریں گے، تو نک جوناس نے کہا کہ انہیں بالی ووڈ فلمیں پسند ہیں۔ “مجھے بالی ووڈ فلمیں پسند ہیں۔ میں اپنی بیوی کے ساتھ رہنے کے بعد پچھلے دو سالوں میں زیادہ ہم آہنگ ہو گیا ہوں۔ یہ یقینی طور پر ایسی چیز ہے جس میں مجھے دلچسپی ہوگی۔

انہوں نے مزید کہا کہ “مجھے اس انڈسٹری میں اب بہت سے دوست مل چکے ہیں اور مجھے لگتا ہے کہ یہ صرف ایک غیر معمولی فلمی صنعت ہے۔” “وہ جو کام کرتے ہیں وہ بہت متاثر کن ہے اور اگر صحیح چیز سامنے آئی تو کون جانتا ہے؟ شاید میں بھی حصہ بن جاؤں!‘‘

انہوں نے بالی ووڈ فلموں میں موسیقی کے بارے میں مزید وضاحت کرتے ہوئے کہا کہ ۔ “میرے خیال میں یہ انتہائی زبردست ہے، “میں نے واضح طور پر اس کو کافی سنا جب میں ہندوستان میں تھا اور ہماری شادی میں بھی۔ ہمارے پاس بہت زبردست ہندوستانی موسیقی اور بالی ووڈ موسیقی تھی۔ یہ رقص کرنے کے لیے بہترین قسم کی موسیقی ہے اور یہ یقینی طور پر وہی ہے جو ہم اپنے گھر کی پارٹیوں میں بجاتے ہیں!

واضح رہے پرینکا چوپڑا نے حال ہی میں سوشل میڈیا پر اپنے نام سے ‘چوپڑا جوناس’ دونوں کو ہٹا دیا گیا تھا، جس کے بعد سوشل میڈیا پر ان کی شادی کو لیکر قیاس آرائیوں کا سلسلہ شروع ہوگیا تھا کہ کہیں دونوں میں آپس میں علحیدگی تو نہیں ہوگئی ہے۔

خیال رہے ویسے، یہ پہلا موقع نہیں تھا جب دونوں کی۔شادی سے متعلق ناخوشگوار خبروں کا سلسلہ شروع ہوا تھا۔ اپریل 2019 میں، جوڑے کی جانب سے وضاحت جاری کی گئی تھی کہ وہ ٹھیک ہے! کیونکہ ایک میگزین کی جانب سے دعویٰ کیا گیا تھا کہ دونوں طلاق لینے کے حوالے سے سوچ رہے ہیں۔

میگزین نے یہ بھی بتایا تھا کہ اگر طلاق ہو جاتی ہے تو یہ پیسے کی جنگ ہو گی کیونکہ جوڑے نے شادی سے پہلے کوئی معاہدہ کرنے کا فیصلہ نہیں کیا تھا۔

مزید پڑھیں: کیا عامر خان کی طلاق کی وجہ فاطمہ ثنا شیخ ہیں؟

یاد رہے اداکار پرینکا چوپڑا اور نک جوناس دسمبر 2018 میں شادی کے بندھن میں بندھ گئے تھے۔ تقریباً ماہ تک ڈیٹینگ کے بعد دونوں رشتہ ازواج میں منسلک ہوگئے تھے۔ ان کی شادی تقریبات کی میڈیا میں کافی چرچہ رہی تھی، یہ شادی دو مختلف ثقافتوں پر مبنی تھی، خوبصورت رنگارنگ تقریبات نے جہاں سرخیوں میں جگہ سمیٹیں وہیں ہر مداح کے دلوں کو چھوا