‘پسوڑی’ کے افریقی ورژن نے ریلیز ہوتے ساتھ ہی دھوم مچادی، ویڈیو وائرل

کوک اسٹوڈیو کا ریکارڈ بریکنگ گانا “پسوڑی” کا افریقی ورژن بھی شائقین میں مقبول ہوگیا۔

تفصیلات کے مطابق کوک اسٹوڈیو افریقہ نے اپنے آفیشل انسٹاگرام اکاؤنٹ پر پسوڑی کا افریقی ری مکس شیئر کیا ہے جس میں علی سیٹھی کے ہمراہ مصر سے تعلق رکھنے والے ریپر مروان موسیٰ اور افریقی گلوکار ریکاڈو بینکس نے آواز کا جادو چلایا ہے۔

کوک اسٹوڈیو افریقہ کا کہنا ہے کہ عالمی شہرت یافتہ پاکستانی گانے پسوڑی کا افریقی ورژن پیش کرنے کا مقصد افریقی تہذیب و ثقافت کو فروغ دینا ہے۔ علی سیٹھی نے انسٹاگرام پر ’پسوڑی ریمکس‘ کی ویڈیو شیئر کرتے ہوئے مداحوں کو بتایا کہ ان کے گانے کو کوک اسٹوڈیو افریقہ نے نئے انداز میں پیش کیا ہے۔

انہوں نے اپنے گانے میں افریقی سُر شامل کرنے پر نائیجریا کے گلوکار ریکادو بینکس اور مصری گلوکار مرواع موسیٰ سمیت ڈانسر بنیت کور کا بھی شکریہ ادا کیا ہے۔ اس ریمکس کا آغاز علی سیٹھی کی گلوکاری سے ہی ہوتا ہے جب کہ اختتام بھی ان ہی کی گلوکاری پر ہوتا ہے۔

واضح رہے کہ اس گانے نے ریلیز ہوتے ساتھ ہی 24 گھنٹوں میں 10 لاکھ ویوز حاصل کر لئے تھے اور یہ کوک اسٹوڈیو میں یہ اعزاز حاصل کرنے والے پہلا گانا بن گیا جبکہ اب تک اس گانے کو یوٹیوب پر29 ملین سے زائد بار دیکھا جاچکا ہے۔اس گانے کے ریلیز ہونے کے بعد علی سیٹھی اور شائے گِل سوشل میڈیا پر ٹاپ ٹرینڈنگ میں بھی رہے تھے۔

گزشتہ دنوں یہ گانا میوزک اسٹریمنگ ویب سائٹ فائی کی عالمی وائرل ویڈیوز کی ٹاپ 50 فہرست میں تیسری پوزیشن پر بھی رہا۔ مذکورہ گانے نے کئی عالمی ریکارڈز اپنے نام کیے اور اسے نہ صرف بھارت بلکہ امریکا، برطانیہ، کینیڈا، مشرق وسطیٰ ممالک اور افریقہ میں بھی گایا گیا اور لوگوں نے اس پر ٹک ٹاک ویڈیوز بنائیں۔

پسوڑی کی مقبولیت کا عالم یہ ہے کہ کئی ہالی ووڈ اور بالی ووڈ شخصیات بھی اس کے سحر میں مبتلا ہیں اور اب تک کئی کی ویڈیوز بھی سوشل میڈیا پر وائرل ہوچکی ہیں۔ان میں سرفہرست ڈچ گلوکارہ ایما حیسٹرز کی ویڈیو ہے جسے مداحوں کی جانب سے خوب پسند کیا گیا بلکہ ڈچ گلوکارہ آواز میں پنجابی تلفظ کی بہترین ادائیگی پر ان کی خوب تعریفیں بھی ہوئیں۔اس کے علاوہ برٹنی اسپیر نے بھی اپنے آفیشل انسٹاگرام اکاؤنٹ پر ایک منی کچن کی ویڈیو شئیر کی، جس کے بیک گراؤنڈ میں پسوڑی کا گانا استعمال کیا گیا ہے، اپنی پوسٹ میں گلوکارہ نے علی سیٹھی اور شائے گل کو کریڈٹ بھی دیا۔

مزید برآں ،علی سیٹھی نے اس گانے کی کامیابی کے بعد یہ انکشاف کیا تھا کہ انہیں گانے کے سیٹ پر کورونا ہوگیا تھا مگر زلفی نے سخت فیصلے کرتے ہوئے ان کے گانے کو تیار کرنے کا فیصلہ کیا۔علی سیٹھی نے یہ بھی انکشاف کیا کہ گانے کی شوٹنگ شروع ہونے سے محض 12 گھنٹے قبل انہوں نے ’پسوڑی‘ کی شاعری لکھ کر مکمل کی تھی۔ اس گانے کی خاص بات یہ ہے کہ اس میں افریقی اور عرب ممالک کے طرز کے سیٹ کو دکھایا گیا ہے جبکہ ویڈیو میں کلاسیکل ڈانسر شیما کرمانی بھی اس گانے میں محو رقص ہیں۔لوگوں نے اس گانے کے کلاسیکل انداز کو بھی کافی پسند کیا ہے۔