کیا آپ بیشمار مصری كے فائدے سے واقف ہیں؟

سفید رنگ کی میٹھی سی مصری کی ڈلی عام طور پر مٹھاس کے لئے سونف سپاری اور مختلف میٹھی چیزوں میں استعمال کی جاتی ہے، لیکن کیا آپ نے کبھی سوچا ہے کہ مصری اور کس کام آسکتی ہے؟ اگر نہیں تو آج ہم آپ کو بتائیں گے اس کے حیرت انگیز فوائد تو چلیں جانتے ہیں۔

(Misri ke Fayde) :مصری كے فائدے

کھانسی کا علاج

سرد موسم متعدد طبی مسائل کا باعث بن سکتا ہے جن میں کھانسی اور گلے کا درد بہت عام ہوتا ہے۔ تاہم مصری کے بارے میں مانا جاتا ہے کہ وہ متعدد طبی خصوصیات کا حامل ہوتا ہے جو ان تکالیف میں فوری ریلیف میں مدد دیتا ہے۔ اس کے لئے مصری کو سیاہ مرچ پاؤڈر میں مکس کرکے پیسٹ بنائیں، اسے رات کو کھانا گلے کی تکلیف سے نجات دلائے گا، اسی طرح مسری کا سفوف اور سیاہ مرچ پاؤڈر کا ایک چمچ نیم گرم پانی کے ساتھ رات کو نگلنا کھانسی کا علاج ثابت ہوسکتا ہے۔

نظام ہاضمہ کیلئے

سونف کے ساتھ مسری کا استعمال سانس کی بو کو ہی دور نہیں کرتا بلکہ نظام ہاضمہ کے لیے بھی بہترین ثابت ہوتا ہے، ان دونوں کو کھانے کے بعد ہاضمہ فوری کام شروع کردیتا ہے، تو ہر کھانے کے بعد کچھ ٹکڑے مسری کو سونف کے ساتھ کھالیں

خون کی کمی دور

ہیموگلوبن کی سطح میں کمی اینیمیا، جلد کی زردی، سرچکرانے، کمزوری اور جسمانی تھکاوٹ وغیرہ کا باعث بنتی ہے۔ مصری نہ صرف ہیموگلوبن کی سطح بڑھانے میں مدد دیتا ہے بلکہ جسم میں خون کی گردش کو بہتر کرتی ہے۔ آسان الفاظ میں مصری کھانے کی عادت جسم میں خون کی کمی کو دور کرتی ہے۔

وزن گھٹائے

وزن گھٹانے کے لیے سب سے پہلے میٹھا کھانے سے پرہیز بتایا جاتا ہے مگر مصری، سونف اور دھنیے کے بیچ ملا کر ھن میں کم از کم دو بار ایک چمچ کھانے سے وزن میں تیزی سے کمی واقع ہوتی ہے-

سانس کی بوُ دور

سانس میں بو مسوڑوں میں بیکٹریا کی مقدار بڑھنے کا نتیجہ ہوتی ہے، مسری اس سے نجات میں مددگار ثابت ہوسکتی ہے اور کھانے کے بعد چٹکی بھر مصری کھانا سانس کی بو دور کرتا ہے۔

دماغ کیلئے مفید

مصری کا استعمال یاداشت کو بہتر بناتا ہے جبکہ دماغی تھکاوٹ بھی کم کرتا ہے۔ گرم دودھ میں مصری کی کچھ مقدار ملائیں اور سونے سے قبل پی لیں، یہ یاداشت بہتر بنانے کے لیے موثر ٹوٹکے کی طرح کام کرتا ہے۔ اس کے علاوہ رات کو سونے سے قبل ایک ٹکڑا مصری، سات بادام اور نیم گرم دودھ کا ایک گلاس آپ کے دماغ کو اور اعصاب کو طاقت فراہم کرنے کا سبب بنتا ہے یاداشت کو بہتر بناتا ہے اور اعصابی تھکن کو کم کر کے موڈ کو خوشگوار بناتا ہے-

بینائی کیلئے بہترین

مصری بینائی کے لیے بہترین سوغات ہے، یہ بینائی کو کمزور ہونے سے بچانے اور موتیے سے بھی تحفظ فراہم کرتا ہے، کھانے کے بعد مسری کو پانی میں ملا کر پینا بینائی کو مستحکم رکھنے اور اسے بہتر بنانے میں مدد دیتا ہے۔

حاملہ خواتین کیلئے

مصری کے اندر بہت سارے وٹامن ہوتے ہیں جو اسے صحت کے لیے بہت مفید بناتے ہیں ۔حاملہ عورتیں گرم دودھ کے ساتھ ایک ٹکڑا مصری کا اگر روزانہ لیں تو اس سے ان کی صحت پر بہت مثبت اثرات مرتب ہوتے ہیں اور طاقت کا سبب ہوتا ہے-

یہاں یہ بتاتے چلیں کہ مصری نکسیر پھوٹنے کے بعد ناک سے بہنے والے خون کو فوری روکنے میں مدد دیتی ہے، اس کے لیے بس مصری کے ٹکڑے پانی میں ڈالیں اور کسی حد تک گھلنے کا انتظار کریں۔اس کے بعد پانی کے چند قطرے ناک میں ڈالنا فوری طور پر خون روکتا ہے۔ ویسے تو مصری کے متعدد فوائد ہیں مگر یہ بات ذہن میں رکھنے کی ضرورت ہے کہ چونکہ اس میں مٹھاس کی مقدار کافی زیادہ ہوتی ہے تو اسے زیادہ مقدار میں استعمال سے گریز کرنا چاہئے، ذیابیطس کے مریضوں کو اس سے دور رہنا چاہئے جبکہ استعمال کو معمول بنانے سے پہلے ڈاکٹر سے بھی مشورہ کریں۔