گوہر رشید، فلک شبیر سے بےحد متاثر، شوہروں کو ایسا ہی شوہر بننا چاہیئے

اداکار گوہر رشید اور اداکارہ سارہ خان حال ہی میں ہم ٹی وی کے ڈرامہ سیریل “لاپتا” میں ایک شادی شدہ جوڑے کے کردار کے طور پر کام کرتے دیکھائی دے رہے ہیں۔ دونوں فنکاروں کو ان کی شاندار پرفارمنس کی وجہ سے خوب سراہا جا رہا ہے۔

اس پورے ڈرامہ سیریل میں اداکار گوہر رشید نے دانیال نامی ایک ظالم شوہر کا کردار ادا کیا ہے جبکہ اداکارہ سارہ خان نے فلک کا کردار ادا کیا ہے ، جو ایک عورت ہے اور زیادتی کو ہلکے سے بھی برداشت نہیں کرتی ہے۔ اس ہی سلسلے میں مقامی میڈیا کو حالیہ انٹرویو میں ، عشقیہ ڈرامہ اسٹار نے سارہ خان کے ساتھ کام کرنے کا اپنا تجربہ شیئر کیا۔

اداکار گوہر رشید نے دوران انٹرویو ساتھی اداکارہ سارہ خان کے ٹیلنٹ اور پروفیشنلز کی جہاں تعریف کی، وہیں اداکارہ کے شوہر کی بیوی کے ساتھ محبت کے طریقے کار کو بھی خوب سراہا۔ اداکار کے مطابق سارہ خان آن اور آف کیمرہ ایک خوبصورت انسان ہیں، فلک شبیر بہت خوش قسمت انسان ہیں۔ اگر وہ سچ کہیں، اگر ان کی کبھی شادی ہوئی، تو وہ بھی فلک شبیر کی طرح ہی ہونگے، اپنی بیوی کے ساتھ۔

گوہر رشید کے مطابق وہ فلک شبیر سے بہت متاثر ہیں، شوہروں کو بالکل فلک شبیر کی طرح ہوتی ہیں، جو اپنے جذبات کا اظہار کرنے میں کسی قسم کی ہچکچاہٹ محسوس نہ کرتا ہو۔ ہم آخر کس چیز سے ڈرتے ہیں، ہم ہمیشہ پیچھے کیوں رہتے ہیں؟ مرد اپنی مرضی کے باوجود اظہار کیوں نہیں کرسکتے ہیں؟

لاپتا اداکار گوہر شرید کا مزید کہنا تھا کہ، “ہم نے ہر چیز کو معمول بنا لیا ہے۔ فلک اکثر سیٹوں پر جاتا ہے اور جس طرح وہ سارہ کی دیکھ بھال کرتا وہ حیران کن ہے۔ وہ اتنا محتاط ہے ، سارہ کے ساتھ اتنا ذمہ دار ہے کہ میں اس کی تعریف کرنے کے سوا کچھ نہیں کر سکتا ہوں۔

خیال رہے اس سے قبل سوشل میڈیا پر ڈرامہ سیریل ‘لاپتہ’ کی 12 ویں قسط کا ایک سین کافی وائرل ہوا تھا، جس میں میاں بیوی کے جھگڑے کے دوران شوہر کا کردار ادا کرنے والے گوہر رشید نے اہلیہ (سارہ خان) کو تھپڑ مارا تھا۔ تاہم اگلے ہی لمحے بیوی ظلم برداشت کرنے کے بجائے پوری قوت سے شوہر کو جوابی تھپڑ مارتی ہے، اس سین نے ایک نئی بحث کا آغاز کردیا تھا۔

لوگوں کی جانب سے جہاں اس سین خوب سراہا گیا تھا، عوام کا کہنا تھا اس سین نے اس رائے کا خاتمہ کردیا ہے کہ بیوی پر ظلم ہوتا رہے اور وہ اسے برداشت کرتی ہے۔ ساتھ کچھ لوگوں کی جانب سے اس پر اعتراضات بھی اُٹھائے گئے تھے۔

اس سین کے حوالے سے بات کرتے ہوئے مرکزی کردار گوہر رشید کا کہنا تھا کہ انہیں اسکرین پر خواتین پر تشدد دیکھانے سے نفرت ہے، یہی وجہ ہے کہ میں نے ہمیشہ ایسے کردار کرنے سے گریز کیا ہے۔ بدقسمتی سے خواتین پر تشدد کے سین ٹیلی ویژن پر اتنی کثرت سے دیکھائے جارہے ہیں کہ یہ تشدد ہمارے لاشعوری میں ایک حقیقت بن چکا ہے۔ اسی لئے خواتین کے ساتھ مار پیٹ کرنا ‘ٹھیک’ سمجھا جاتا ہے جیسے کہ دانیال نے لاپتا کی گزشتہ قسط میں سمجھا تھا۔

شاید لوگوں کو یہ بات عجیب لگے لیکن انہوں نے تھپڑ کے سین کی وجہ سے دانیال کا کردار منتخب کیا ، یہ ثابت کرنے کے لیے کہ ظلم ایک انتخاب ہے۔ اگر کوئی بھی آدمی اپنی نام نہاد انا کے ہاتھوں آپ پر ظلم کرے تو بلا خوف وخطر وہیں کریں جو فلک نے کیا۔

یاد رہے یہ ڈرامہ سیریل اس وقت عوام میں کافی مقبول ہے، اس سے قبل بھی اس ڈرامے کا ایک سین سوشل میڈیا پر وائرل ہوا تھا، جب اداکارہ عائزہ خان( گیتی) ایک دکاندار پر ہراساں کرنے کے غلط الزامات عائد کرتی ہیں۔