فیروز خان نے اداکاری کے بعد گلوکاری بھی شروع کردی، یوٹیوب پر پہلا ریپ گانا شیئر

شوبز انڈسٹری کے نامور اداکار فیروز خان اپنی سابقہ اہلیہ کیجانب سے تشدد کے الزامات اور تنازعات کی زد میں ہیں۔ تاہم ان تمام حالات کے باوجود انہوں نے اداکاری کے بعد اب گلوکاری کی دنیا میں قدم رکھ کر مداحوں کو حیران کردیا۔

حال ہی میں فیروز خان نے اپنا یوٹیوب چینل بنانے کا اعلان کیا تھا تاہم اب انہوں نے اپنے ’ایف کے‘نام سے بنائے گئے یوٹیوب چینل پر پہلا گانا بھی شیئر کردیا ہے۔فیروز خان کے پہلے گانے کا ٹائٹل ’مانگیں سب کی خیریں‘ہے جسے اب تک تقریباً 36 ہزار سے زائد افراد سُن اور دیکھ چکے ہیں۔ اپنے گانے سے متعلق فیروز کان نے سوشل میڈیا پوسٹ کے ذریعے مداحوں کو آگاہ کیا۔ انہوں نے گانے کو جاری کرتے ہوئے بتایا کہ گانے کی شاعری اور کمپوزنگ احمد مرتضیٰ نے ترتیب دی ہے۔

اس پوسٹ کے کمنٹ باکس میں مداح اُنہیں خوب سراہا رہے ہیں اور اُن کے مستقبل کے لیے نیک تمناؤں کا اظہار کررہے ہیں۔فیروز خان کے یوٹیوب چینل کو دیکھتے ہی دیکھتے 21 ہزار سےزائد مداح سبسکرائب کرچکے ہیں۔ان کے مداحوں نے ان کی اس کاوش کو بے حد پسند کیا ہے۔ایک صارف نے لکھا کہ اگر انڈسٹری آپ کا بائیکاٹ کررہے ہیں تو ہم انڈسٹری کا بائیکاٹ کریں گے۔ایک صارف نےلکھا کہ تین زبانوں میں پیش کیے جانے والے ریپ کی داد دی۔جبکہ ایک اور صارف نے لکھا کہ آپ برائینڈ ہیں۔

خیال رہے کہ گلوکار و اداکار فیروز خان، فرحان سعید، سونیا حسین اور ایمان علی مرکزی کرداروں میں نظر آئیں گے جبکہ آج کل اس کی تشہیر کافی زور و شور سے جاری ہے۔لیکن تعجب کی بات یہ ہے کہ اُس میں فیروز خان کہیں نظر نہیں آرہے اور اُن کی عدم موجودگی کئی سوالات کو جنم دے رہی ہے۔ایک انٹرویو میں فرحان سعید نے ان کی عدم موجودگی کے بارے میں بتاتے ہوئے کہا کہ وہ عمرے کی ادائیگی کی وجہ سے تقریب کا حصہ نہیں بن سکے۔انہوں نے کہا کہ میں نے فیروز سے فلم کی کامیابی کے لئے بھی دعا کرنے کا کہا تھا اور میری یہ خواہش ہے کہ وہ مستقبل میں ہونے والی فلم کی پروموشن کا حصہ بنیں۔

مزید برآں، حالیہ دنوں میں فیروز خان کو سابقہ اہلیہ علیزے سلطان پر تشدد کے شواہد سامنے آنے کے بعد سے شدید مشکلات کا سامنا ہے اور شوبز انڈسٹری کے کئی فنکار علیزے سلطان کے ساتھ ہمدردی اوراداکار پر سخت تنقید کر رہے ہیں۔ گزشتہ دنوں نامور اداکارہ اقراء عزیز نے بھی اس معاملے پر سخت ردعمل کا اظہار کرتے ہوئے فیروز خان کے ساتھ مزید کام کرنے سے انکار کردیا ہے۔ اس کے علاوہ اداکارہ سونیا مشعال، عثمان خالد بٹ، مہربانو نے فیروز خان کی دونوں بہنوں حمائمہ ملک اور دعا ملک کو آڑے ہاتھوں لیا۔

فیروز خان اور علیزے سلطان کی شادی 2018 میں ہوئی تھی، ان کے ہاں 2019 میں پہلے بچے کی پیدائش ہوئی تھی، جس کے بعد 2020 میں ہی ان کے درمیان اختلافات کی خبریں سامنے آئی تھیں مگر رواں برس کے آغاز میں جوڑے کے ہاں دوسری بچی کی پیدائش کے بعد خیال کیا گیا کہ ان کے درمیان اختلافات ختم ہوگئے۔لیکن حیران کن طور پر دوسرے بچے کی پیدائش کے چند ماہ بعد ستمبر میں ان کے درمیان طلاق ہوگئی۔