کیا فیصل واوڈا ٹی وی میزبان سے رشتہ ازدواج میں منسلک ہوگئے؟

پاکستان تحریک انصاف کے سابق ایم این اے فیصل واوڈا کو سینیٹر منتخب ہونے پر مبارکباد دینے والی معروف پاکستانی اینکرپرسن سعدیہ افضال کی ایک ٹویٹ نے سوشل میڈیا پر سب کو حیرت میں ڈال دیا ہے۔ افواہیں زیر گردش ہیں ہے کہ سینیٹر دوسری بار رشتہ ازدواج میں منسلک ہوچکے ہیں۔

پرائم ٹائم ٹی وی شو میزبان سعدیہ افضال نے حکمران جماعت پاکستان تحریک انصاف کے رہنما فیصل واوڈا کے ساتھ ایک تصویر شیئر کی ہے۔ یہ تصویر جو اب وائرل ہوگئی ہے ، اس میں دیکھا جاسکتا ہے کہ بظاہر دونوں شخصیات ایک ریستوراں میں موجود ہیں، جبکہ اینکرپرسن سعدیہ افضال کی جانب سے سماجی رابطے کی ویب سائٹ ٹوئیٹر پر ایک پیغام جاری جس کا عنوان ہے کہ ، ’مبارک ہو ، سینیٹرصاحب!‘ مزید ، اس ٹویٹ کا اختتام ایک سرخ رنگ کے دل کے ایموجی کے ساتھ کیا گیا ہے۔

جوں ہی یہ پوسٹ سوشل میڈیا پر آئی تو صارفین کی بےحد توجہ کا مرکز بن گئی اور دونوں کے متعلق مختلف چیمہ گوئیاں شروع ہوگئیں، کسی کا خیال ہے کہ دونوں شادی کرچکے ہیں تو کوئی قریبی دوستی کی باتیں کرتا دیکھائی دے رہا جبکہ کچھ کا خیال ہے کہ دونوں کا یہ ایک نجی معاملہ ہے، کہ وہ اس پر بات کریں یا پرائیویٹ رکھیں۔

تاہم دونوں شخصیات کی جانب سے ابھی تک کوئی باضابطہ طور پر ان افواہوں کے حوالے سے ردعمل نہیں دیا گیا ہے البتہ سوشل میڈیا صارفین اس ہی سے متعلق ایک ٹوئٹ کو بہت بڑے ثبوت کے طور پر لے رہے ہیں کہ دونوں کی جانب سے شادی کرلی گئی ہے اور یہ ان کا ایک غیررسمی اعلان ہے، جس میں احتسام الحق نامی ایک صحافی کی جانب سے اینکر پرسن سعدیہ افضال اور نومنتخب سینیٹر فیصل واوڈا کو مبارکباد پیش کی گئی، جس پر جواب میں سعدیہ افضال نے ان کا شکریہ ادا کیا۔ یہی نہیں صحافی شفاء یوسفزئی کی طرف سے بھی دونوں شخصیات کو مبارکباد پیش کی گئی، جس پر سعدیہ افضال نے ان کا بھی شکریہ ادا کیا۔

دوسری اسلام آباد سے تعلق رکھنے والے صحافی سید عون شیرازی کی جانب سے ایک دعویٰ سامنے آیا ہے کہ انہوں نے دو سال قبل ہی اس جوڑے کی شادی کی خبر دی تھی جوکہ درست ثابت ہوچکی ہے، اس سلسلے میں انہوں نے اپنی پرانی ٹوئٹ کو شئیر بھی کیا ہے۔

اس کے بعد ایک ٹوئٹ سامنے آئی وزیراعظم پاکستان عمران خان کے معاون خصوصی ڈاکٹر شہباز گل کی جانب سے، جس میں انہوں نے اینکرپرسن سعدیہ افضال کی ٹوئٹ شئیر کرتے ہوئے دونوں شخصیات کو مبارکباد پیش کی۔ اس ٹوئٹ نے گویا سرگوشیاں کرنے والوں کی خبر کو گویا اور بھی مضبوط کردیا ہو۔

سعدیہ افضال کی ایک مشہور ومعروف صحافی اور اینکرپرسن ہیں، وہ طویل عرصے سے صحافتی امور سے وابستہ ہے، ان کا شمار پاکستان کی چند مشہور ترین خواتین انکرپرسن میں ہوتا ہے۔

واضح رہے اینکرپرسن سعدیہ افضال کی نجی زندگی کے حوالے سے کافی افواہیں زیرگردش ہیں، بتایا جارہا ہے کہ سعدیہ افضال کی یہ دوسری شادی ہے، اس قبل بھی ان کی ایک شادی ہوئی تھی، ان کا نام پہلے سعدیہ ظفر ہوا کرتا تھا لیکن ان کی کچھ عرصے بعد طلاق ہوگئی تھی جبکہ ان کا پہلے شوہر سے ایک بیٹا بھی ہے۔

سال 2013 میں اینکرپرسن سعدیہ افضال کی دوسری شادی کے حوالے سے بھی کافی خبریں زیرگردش ہوئیں تھیں، جس میں کہا جارہا تھا کہ انہوں نے پاکستان میں موجود آسٹریلوی سفیر ازیل وچ سے شادی کرلی ہے جبکہ سفیر شادی سے قبل مسلمان بھی ہوئے تھے۔ اس وقت خبروں میں یہ تک آیا تھا کہ دونوں کی جانب سے نکاح اور مسلمان ہونے کی معلومات کو خفیہ رکھا اگرچے دونوں کی جانب سے اس خبر کی کوئی تصدیق یا تردید بھی سامنے نہیں آئی تھی۔ لیکن کچھ عرصے بعد یہ معاملہ خود ہی ڈب گیا تھا۔

اب سب ہی کو اگر انتظار ہے تو محض اس بات کا ہے کہ دونوں کی جانب سے پر کب بات کی جاتی ہے، کیونکہ شادی ہونے یا نہ ہونے کی تصدیق یہی دونوں حضرات ہی کر سکتے ہیں۔