بھارتی کرکٹر ریشبھ پنت کار حادثے میں شدید زخمی، گاڑی جل کر کوئلہ ہوگئی

بھارتی کرکٹ ٹیم کے وکٹ کیپر بلے باز ریشبھ پنت کی گاڑی خوفناک حادثے کا شکار ہوگئی، کرکٹر کے سر اور جسم کے دیگر حصوں پر شدید چوٹیں، خوش قسمتی سے ان کی زندگی محفوظ رہی۔

بھارتی میڈیا رپورٹس کے مطابق ریشبھ پنت کی گاڑی کو مقامی وقت کے مطابق صبح ساڑھے 5 بجے کے قریب حادثہ اتراکھنڈ سے دہلی جاتے ہوئے پیش آیا، گاڑی حادثے کے بعد ڈیوائیڈر سے ٹکرا گئی اور اس میں آگ بھڑک اُٹھی، جس کی وجہ سے گاڑی مکمل تباہ ہوگئی۔

Image Source: Instagram

اس دوران کرکٹر کے سر اور جسم پر شدید چوٹیں آئی ہیں۔ چنانچہ انہیں فوری طور پر اسپتال منتقل کیا گیا تاہم ڈاکٹرز کا کہنا ہے کہ اب کرکٹر کی حالت بہتر ہے۔

کرکٹر ریشبھ پنت کی گاڑی کو پیش آئے اس حادثے کی ویڈیو بھارتی اسپورٹس چینل کے ٹوئٹر اکاؤنٹ پر شیئر کی گئی ہے۔ چند سیکنڈ کی اس ویڈیو میں دیکھا جاسکتا ہےکہ ریشبھ پنت کی گاڑی انتہائی تیز رفتاری کے باعث بے قابو ہوگئی اور ریلنگ سے ٹکراگئی جس کے بعد مکمل طور پر تباہ ہوئی اور اس میں آگ لگ گئی۔جبکہ موقع پر موجود عینی شاہدین کا کہنا ہے کہ کرکٹر کی گاڑی میں ریلنگ سے ٹکرانے سے کے بعد شدید  آگ بھڑک اٹھی، کافی مشکل کے بعد آگ بجھائی گئی اور اسی دوران ریشبھ پنت شدید زخمی ہوئے، اور ان کو فوری طور پر گاڑی سے نکال کر اسپتال منتقل کیا گیا۔

ابتدائی طور پر بھارتی میڈیا پر ریشبھ پنت کی  بی ایم ڈبلیو کی تصاویر بھی شیئر کی گئیں جس میں  دیکھا جاسکتا ہے کہ حادثے میں گاڑی کو بری طرح  نقصان پہنچا ہے جبکہ ایک تصویر میں کرکٹر کو بھی سر پر پٹی کے ساتھ اسپتال کے بیڈ پر دکھایا گیا ہے۔خیال رہے کہ رشبھ پنت کو سری لنکا کے خلاف سیریز کے لیے اعلان کردہ ٹیم سے ڈراپ کردیا گیا تھا۔

معروف بھارتی کرکٹروی وی ایکس لکشمن نے اپنے ٹوئٹر اکاؤنٹ وکٹ کیپرریشبھ پنت کی صحت سے متعلق ٹوئٹ میں کہا کہ شکر ہے وہ خطرے سے باہر ہیں ساتھ ہی نیک خواہشات کا اظہار کرتے ہوئے کہا کہ تیزی کے ساتھ جلد صحت یاب ہوجاؤ گے۔

مزید پڑھیں: ایس دھونی کا حارث راؤف کیلئے چنئی سپر کنگ کی جرسی کا تحفہ

یاد رہے کہ گزشتہ دنوں بریشبھ پنت نے انٹرنیشنل کرکٹ کونسل (آئی سی سی) کے پروگرام میں اس بات کا اظہار کیا تھا کہ پاکستان کے خلاف کھیلنا ہمیشہ سے اسپیشل رہا ہے کیوں کہ ہر طرف لوگوں کا شور ہوتا ہے۔ بھارتی کرکٹر کا کہنا تھا کہ پاک بھارت میچ میں خاص جوش و جذبہ ہوتا ہے اور قومی ترانے کے وقت کا ماحول ہی کچھ اور ہوتا ہے جس سے ہمارے رونگٹے کھڑے ہو جاتے ہیں۔ان کا یہ بیان سوشل میڈیا پر کافی وائرل ہوا تھا۔

Ahwaz Siddiqui

Recent Posts

پاکستان میں روبوٹکس کی تعلیم تک رسائی بڑھانے کے لیے پائی اسپیس سائنس ایجوکیشن سینٹر کی توسیعی سرگرمیاں

پاکستان بھر میں پسماندہ طبقات، لڑکیوں اور معذور طلبہ کے لیے روبوٹکس کی تعلیم کے…

2 weeks ago

کوک اسٹوڈیو Nu.WAV کا پانچواں گانا ’’قسم‘‘ ریلیز، شے گل اور افیوسک کی آوازوں کا منفرد امتزاج

کوک اسٹوڈیو Nu.WAV نے اپنے چھٹے اور آخری میوزیکل ریلیز سے قبل پانچواں گانا ’’قسم‘‘…

2 weeks ago

کوک اسٹوڈیو Nu.WAV کی چوتھی پیشکش ’’شبنم‘‘ ریلیز، مانو اور زوہا وسیم کی آوازوں کا منفرد امتزاج

لاہور: کوک اسٹوڈیو Nu.WAV نے اپنے میوزک پروجیکٹ کی چوتھی پیشکش ’’شبنم‘‘ ریلیز کر دی،…

4 weeks ago

آئی ٹیل انرجی کی سولر پاکستان ایکسپو میں جدید بیٹری کی نمائش، کمرشل و صنعتی شعبے میں توسیع کا اعلان

آئی ٹیل انرجی نے سولر پاکستان ایکسپو 2026ء میں جدید جنریشن ٹو بیٹری، آر ای…

1 month ago