کسی نے کیا خوب کہا ہے کہ قیامت ایک روز خود بتائی گئی کہ قیامت آخر کیوں ضروری تھی۔ ملک میں حوا کی بیٹی کے ساتھ ظلم و بربریت کا ایک اور اندوہناک واقعہ پیش آیا، جہاں 8 سالہ معذور اور قوت گویائی سے محروم معصوم کو جنسی درندے نے اپنی حوس کا نشانہ بنا ڈالا۔
تفصیلات کے مطابق صوبہ سندھ کے ضلع بدین کے کھور واہ شہر کے نواحی گاؤں عمر پسرور میں جنسی زیادتی کا ہولناک واقعہ پیش آیا، جہاں ایک 8 سالہ کمسن بچی جوکہ ناصرف قوت گویائی بلکہ دونوں ہاتھوں کی نعمت سے محروم ہے، اسے بے ضمیر اور درندہ صفت مجرم کی جانب سے زیادتی کا نشانہ بنایا گیا۔ بعدازاں مجرم موقع سے فرار ہوگیا۔
بچی کے کئی دیر تک لاپتہ رہنے کے بعد گھر والوں نے جب متاثرہ بچی کی تلاش شروع کی، متاثرہ بچی بے ہوشی کی حالت میں گھر کے قریب واٹر کورس کے پاس سے ملی۔ جس پر اہلخانہ بچی کو اسپتال منتقل کرتے ہوئے فوری طور پر پولیس کو واقعہ کی اطلاع فراہم کی۔
پولیس نے موقع پر پہنچ کر متاثرہ لڑکی کا فوری میڈیکل کرایا، جہاں ابتدائی میڈیکل رپورٹ میں بچی کو زیادتی کا نشانہ بنانے کی تصدیق ہوئی، جبکہ تحقیقات کے لئے بچی کے مزید نمونے بھی حاصل کرکئے گئے۔
اس موقع پر پولیس کا کہنا ہے متاثرہ بچی قوت گویائی سے محروم اور دونوں ہاتھوں سے بھی معذور بھی ہے۔ پولیس کی جانب سے واقعے تحقیقات شروع کردی۔ اگرچے ابھی تک ملزم کی شناخت نہیں ہوسکی ہے لیکن پولیس کی جانب سے امید ظاہری کی جا رہی ہے کہ واقعے کی مکمل میڈیکل رپورٹ آنے کے بعد ملزم کی نشاندہی اور تحقیقات میں بڑی پیش رفت ممکن ہوسکے گی۔
افسوس کے ساتھ ہمارے ملک میں پچھلے کچھ عرصے میں خواتین اور کمسن بچے اور بچیوں کے ساتھ زیادتیوں کے واقعات میں اضافہ دیکھا گیا ہے۔ جس بحیثیت قوم ہم سب کے لئے ناصرف یہ پریشان کن بات ہے بلکہ اس ملک کی بدنامی بھی ہورہی ہے۔ ، موٹر وے عصمت دری کا معاملہ، ھر گھوٹکی میں 4 سالہ بچی سے زیادتی کا واقعہ پھر اب یہ اور ایسے کئی اور عصمت دری کے واقعات کا مسئلہ ملک میں حکومت اور قانون نافذ کرنے والے اداروں کے لئے ایک نئے چیلنج کے طور پر سامنے آ رہیں ہے۔
یاد رہے کچھ عرصہ قبل لاہور کے علاقے شاہدرہ میں اجتماعی زیادتی کا ایک دل دہلا دینے والا واقعہ پیش آیا تھا، جس میں ایک 13 سالہ گداگر لڑکی کو رکشہ ڈرائیور نے اپنے دو ساتھیوں کی ساتھ مل کر مبینہ طور پر اجتماعی زیادتی کا نشانہ بنا ڈالا تھا۔ بعدازاں پولیس نے ابتدائی کارروائی میں ایک ملزم کو فوری طور پر گرفتار کرلیا گیا تھا۔
0 Comments