سابق شوہر کیساتھ علیحدگی لکھی تھی تو اس رشتے کا ختم ہونا لازم تھا

ڈرامہ سیریل ’رقیب سے‘ میں بہترین اداکاری کے جوہر دکھانے والی اداکارہ فریال محمود نے کہا ہے کہ انہوں نے خود کو مکمل کرنے کے لئے شادی نہیں کی تھی۔ میڈیا رپورٹ کے مطابق حالیہ انٹرویو میں پہلی بار فریال محمود اپنی شادی ٹوٹنے پر تبصرہ کرتے ہوئے کہا کہ قسمت کا لکھا کبھی ٹل نہیں سکتا اور ان کی قسمت میں سابق شوہر دانیال راحیل کے ساتھ علیحدگی لکھی تھی تو اس رشتے کا ختم ہونا لازم تھا۔ انہوں نے مزید کہا کہ وہ نہیں چاہتیں کہ ان کے اور دانیال راحیل کے بارے میں مزید باتیں کی جائیں کیونکہ شادی ہر انسان کا نجی مسئلہ ہے اور ہمیں کسی کی ذاتی زندگی پر تبصرہ کرنے کا کوئی حق نہیں۔

تفصیلات کے مطابق پچھلے کچھ عرصے سے سوشل میڈیا پر فریال محمود اور دانیال راحیل کی علیحدگی کی خبریں زیر گردش تھی، جن میں اس بات کا دعویٰ کیا جارہا تھا کہ یہ جوڑا اب ایک دوسرے کے ساتھ نہیں یعنی ان میں علیحدگی ہوچکی ہے۔ سوشل میڈیا صارفین کی جانب سے دعویٰ کیا جارہا تھا کہ فریال محمود اور دانیال راحیل نے سماجی رابطے کی ویب سائٹ انسٹاگرام سے ایک دوسرے کو اَن فالو کردیا ہے، جس سے تاثر یہی دیا گیا تھا کہ شاید دونوں میں علیحدگی ہوگئی ہے۔

جبکہ بعض صارفین کا یہ بھی کہنا تھا کہ فریال محمود کی جانب سے دانیال راحیل کی ہمراہ تمام تصویروں کو بھی ہٹادیا گیا ہے، جو علیحدگی کا ایک بڑا واضح ثبوت ہے۔لیکن ان چہ مگوئیوں پر دونوں فنکاروں کی جانب سے کوئی ردعمل جاری نہیں کیا گیا تھا تاہم کچھ عرصے بعد اس خبر کی تصدیق خود فریال محمود کی جانب سےکردی گئی تھی۔ اس بات کی تصدیق شو “ٹائم آؤٹ ود احسن خان” میں شرکت کی ، جہاں انہوں نے پہلی بار اپنے ریلشن شپ اسٹیٹس یعنی تعلقات کی حیثیت سے متعلق بات کی۔ میزبان احسن خان کے ریلشن شپ اسٹیٹس سے متعلق سوال کا جواب دیتے ہوئے، اداکارہ فریال محمود نے کہا کہ ہاں، وہ سنگل ہیں۔

فریال محمود سوشل میڈیا پر بھی کافی متحرک رہتی ہیں اور اپنے مداحوں سے اپنی ڈانس پریکٹس ، موج مستی اور جم میں فٹنس کی ویڈیوز بھی شیئر کرتی رہتی ہیں اور داد سمیٹتی ہیں۔ دیگر ایکٹریس کی نسبت فریال اپنے کیرئیر کے آغاز میں تھوڑی اوورویٹ تھیں جس کی وجہ سے انہیں تنقید کا سامنا کرنا پڑا تھا لیکن اداکارہ نے جلد ہی اپنا ویٹ کم کیا تھا اور اپنی اسمارٹنس سے ناقدین کے منہ بند کردئیے تھے۔

فریال محمود وہ ایکٹریس ہیں جنہیں ایکٹنگ کے ساتھ رقص پر بھی مہارت حاصل ہے اور وہ اپنی فارمنس سے انڈسٹری میں تہلکہ مچاتی ہیں۔سوشل میڈیا پر بھی اداکارہ کی ڈانس ویڈیوز کے خوب چرچے ہوتے ہیں ، وہ اپنی ان ویڈیوز میں اتنی خوبصورتی سے ڈانس کرتی ہیں کہ مداح کیا ناقدین بھی ان کی تعریف کرنے پر مجبور ہوجاتے ہیں اور اسی پسندیدگی کے باعث کئی باران کی ویڈیوز وائرل بھی ہوئی ہیں۔

گزشتہ دنوں جب اداکارہ نے فوٹو اینڈ ویڈیو شیئرنگ ایپ انسٹاگرام پراپنی ایک ڈانس ویڈیو پوسٹ کی ، جس میں وہ ٹینک ٹاپ پہنے ہوئے ہیں اور مشہور انگریزی گانے “آئی جسٹ کڈناٹ ریزسٹ” پر محو رقص ہیں ، اس ویڈیو پر لوگوں نے اداکارہ کو مختصر لباس پہن کر ڈانس کرنے پر کڑی تنقید کا نشانہ بنایا اور ان پر اسلام، پاکستانی ثقافت اور اخلاقی روایات کا جنازہ نکالنے کا الزام بھی لگایا تھا۔ تاہم اداکارہ نے تنقید کرنے والے صارفین کو آڑے ہاتھوں لیا تھرااور بھرپور جواب دیکر چپ کروا دیا تھا۔