ڈرامہ سیریل ’رقیب سے‘ میں بہترین اداکاری کے جوہر دکھانے والی فریال محمود سوشل میڈیا پر کافی متحرک ہیں اور اپنے مداحوں سے اپنی ڈانس پریکٹس ، موج مستی اور جم میں فٹنس کی ویڈیوز بھی شیئر کرتی رہتی ہیں اور داد سمیٹتی ہیں۔
فریال محمود اپنے کیرئیر کے آغاز میں تھوڑی اوور ویٹ تھیں جس کی وجہ سے انہیں تنقید کا سامنا کرنا پڑا تھا لیکن اداکارہ نے جلد ہی اپنا ویٹ کم کیا اور اپنی اسمارٹنس سے ناقدین کے منہ بند کر دئیے۔ ایکٹنگ کے ساتھ فریال کو رقص پر بھی مہارت حاصل ہے اور وہ اپنی ڈانس فارمنس سے انڈسٹری میں تہلکہ مچا چکی ہیں۔ سوشل میڈیا پر بھی اداکارہ کی ڈانس ویڈیوز کے خوب چرچے ہیں ، وہ اپنی ان ویڈیوز میں اتنی خوبصورتی سے ڈانس کرتی ہیں کہ مداح کیا ناقدین بھی ان کی تعریف کرنے پر مجبور ہوجاتے ہیں اور اسی پسندیدگی کی وجہ سے کئی باران کی ویڈیوز وائرل بھی ہوئی ہیں۔
حال ہی میں اداکارہ نے فوٹو اینڈ ویڈیو شیئرنگ ایپ انسٹاگرام پر اپنے کی ایک ڈانس ویڈیو پوسٹ کی ہے جس میں وہ ٹینک ٹاپ پہنے ہوئے ہیں اور مشہور انگریزی گانے “آئی جسٹ کڈناٹ ریزسٹ” پر محو رقص ہیں۔
ویڈیو میں ان کے ڈانس کو دیکھ کر ایسا لگتا ہے کہ اگر وہ اداکارہ نہ ہوتی تو وہ یقینی طور پر ایک بہترین کوریوگرافر ہوتیں۔
فریال محمود کی مغربی طرز کے لباس میں یہ ڈانس ویڈیو سوشل میڈیا پر وائرل ہو رہی ہے جس پر رقص کے دالددہ صارفین نے تو اداکارہ کو سراہا ہے البتہ زیادہ تر نے اداکارہ پر مختصر لباس پہن کر ڈانس کرنے پر کڑی تنقید کی۔ صارفین نے اداکارہ پر اسلام، پاکستانی ثقافت اور اخلاقی روایات کا جنازہ نکالنے کا الزام بھی لگا دیا۔
تاہم اداکارہ نے بھی اپنے ڈانس اور لباس پر تنقید کرنے والے صارفین کو آڑے ہاتھوں لیا اور بھرپور جواب دیکر چپ کروا دیا۔
فریال محمود کو آئے دن سوشل میڈیا صارفین کی جانب سے اپنے کپڑوں، زندگی گزارنے کے طریقے اور فیشن اسٹائل پر شدید تنقید کا سامنا کرنا پڑتا ہے۔ خیال رہے کہ فریال محمود امریکا کی ریاست نیو یارک میں پیدا ہوئی ہیں اور وہیں پلی بڑھی ہیں اس لئے ان کے پہننے اوڑھنے میں مغربی انداز خاصا نمایاں ہوتا ہے۔
گزشتہ دنوں بھی جب اداکارہ نے سوشل میڈیا پر اپنی اٹلی میں لی گئی تصاویر پوسٹ کیں تو اس میں انہوں نے مغربی طرز کا لباس پہنا ہوا تھا، جس پر ایک صارف نے کمنٹ کرتے ہوئے لکھا کہ آپ پاکستانی ہیں اور مذہب اسلام سے تعلق رکھتی ہیں، اسی بات کا خیال دل میں لے آتیں تو ایسا لباس ہرگز نہ پہنتیں۔ فریال محمود نے اس صارف کو جواب دیتے ہوئے کہا کہ دراصل وہ امریکا میں پیدا ہوئی تھیں لہٰذا اس حساب سے وہ پاکستانی لڑکی نہیں ہیں۔
اداکارہ کو بولڈ مشرقی فیشن اسٹائل اور رقص کے ساتھ ساتھ اپنے جسم پر ٹیٹو بنوانے کابھی کافی شوق ہے بلکہ وہ خود کو ٹیٹو کا عادی قرار دیتی ہیں۔ کچھ دنوں قبل انہوں نے ٹیٹو بنواتے ہوئے اپنی ایک ویڈیو بھی پوسٹ کی تھی۔ اس ویڈیو پر سوشل میڈیا صارفین نے انہیں شدید تنقید کا نشانہ بنایا تھا بلکہ بعض صارفین نے تو اس ویڈیو پر ‘استغفر اللہ’ اور ‘لعنت’ جیسے کمنٹ بھی کئے اور ٹیٹو کو ‘حرام’ قرار دیا تھا۔
تاہم ، اداکار ومیزبان احسن خان نے اپنے شو میں فریال محمود کے جسم پر مختلف جگہوں پر ٹیٹوز دیکھ کر انہیں ‘ٹیٹو گرل’ کا خطاب دیا تھا۔
0 Comments