پانچ بہترین آلو کے فائدے کیا ہیں؟

آلو کا شمار دنیا کی مشہور سبزیوں میں ہوتا ہے، یہ اپنے غذائی عناصر کی وجہ سے بھی بڑی اہمیت کا حامل ہے۔ یہ کتنی غذائیت کا حامل ہے اس کا اندازہ یوں لگایا جاسکتا ہے کہ اگر پکے ہوئے آلوؤں کا صرف ایک کپ لیا جائے تو اس میں 161 کیلوریز کے ساتھ ساتھ وٹامن بی 6، پوٹاشیم، تانبا (کاپر)، وٹامن سی، مینگنیز، فاسفورس، فائبر، وٹامن بی 3 اور پینٹوتھینک ایسڈ کی بھی وافرمقدار ہوتی ہے جبکہ 29 فیصد کاربو ہائیڈریٹس اور 8.5 فیصد پروٹین ان کے علاوہ ہیں۔ وٹامن، پروٹین اور معدنیات پر مشتمل یہ تمام غذائی اجزاء آلو کو صرف عام لوگوں ہی کے لیے نہیں بلکہ غذائی ماہرین کے نزدیک بھی پسندیدہ ترین سبزی بناتے ہیں۔

:پانچ بہترین آلو کے فائدے

:بلڈ پریشر کو بہتر رکھے 

آلو بلڈ پریشر کو کنٹرول میں رکھتا ہے بلکہ جو افراد آلو کو پنی روزمرہ غذا کا حصہ بناتے ہیں ان میں امراضِ قلب میں مبتلا ہونے کے امکانات بھی کم ہو جاتے ہیں۔

:نظامِ ہاضمہ کیلئے مفید

آلو کا ایک اور فائدہ یہ ہے کہ موجود فائبر نظام ہاضمہ کو بہتر کرتا ہے اگر اسے صحیح انداز اور صحیح مقدار میں کھایا جائے تو پیٹ کی خرابی یعنی ڈائیریا سے بھی جلد نجات مل سکتی ہے۔

:ہڈیوں کیلئے مفید

آلو میں فاسفورس اور کیلشیم وافر مقدار میں پائے جاتے ہیں جو ہڈیوں کی مضبوطی میں اضافہ کرتے ہیں۔ اس سبزی میں موجود زنک، آئرن، میگنیشیم، فاسفورس، اور کیلشیم مل کر ہڈیوں کی ساخت کو بہتر بناتے ہیں اور انہیں مضبوط کرتے ہیں، جب کہ آئرن اور زنک کولاجن کو بنانے میں اہم کردار ادا کرتے ہیں۔

:دماغی صحت کیلئے بہترین

آلو میں ایک منفرد ایسڈ پایا جاتا ہے جو کہ دماغی صحت کو بہتر بناتا ہے، غذائی ماہرین کے مطابق الزائمر کے مرض میں مبتلا افراد کو آلو کا استعمال زیادہ سے زیادہ کرنا چاہیے۔

:جِلد کو بنائے خوبصورت

آلو میں موجود وٹامن سی جلد کو صاف شفاف اور بے داغ بناتا ہے اور قدرتی طور پر چہرے کے بالوں کو بلیچ کرتا ہے۔ آلو کے قتلے کاٹ کر اس سے چہرے پر مساج کیا جاسکتا ہے، اس کا استعمال ایکنی کو دِنوں میں ختم کرتا ہے جبکہ آنکھوں کے گرد آلوؤں کو بڑے بڑے گول ٹکڑوں میں کاٹ کر بیس منٹ کے لیے آنکھوں پر رکھنے سےکچھ دنوں میں آنکھوں کے حلقوں میں واضح کمی آتی ہے۔

مزید پڑھیں: مختلف پھلوں اور سبزیوں کے چھلکوں کو کام میں لائیں، زندگی آسان بنائیں

یوں تو آلو کے فائدے بیشمار ہیں لیکن ان کو استعمال کرتے وقت یہ بات یاد رکھیں کہ یہ دیر سے ہضم ہوتا ہے اس لیے قبض کے دوران یا کمزور معدے کی صورت میں آلو استعمال نہیں کرنا چاہیے۔جبکہ اس کا زائد استعمال معدے میں گیس بھی پیدا کرتا ہے۔ زیادہ آلو کھانے سے سینے پر بلغم کی شکایت بھی ہوسکتی ہے جب کہ شوگر (ذیابیطس) کے مریضوں کو بطورِ خاص آلو کھانے میں محتاط رہنا چاہیے کیونکہ اس میں کاربوہائیڈریٹس کی بڑی مقدار ہوتی ہے جس سے خون میں شکر کی مقدار بڑھ سکتی ہے۔