معروف انجینئیرنگ یونیورسٹی این ای ڈی کے طالبعلم کو مبینہ طور پر دہشتگرد تنظیم داعش کی مالی امداد کے الزام میں گرفتار کرلیا گیا ہے۔
ذرائع کے مطابق کاؤنٹر ٹیررزم ڈپارٹمنٹ کی جانب سے واقع کی فرانزک رپورٹ آنے کے بعد کیس دائر کرلیا گیا ہے۔
طالبعلم کی شناخت عمر بن خالد کے نام سے ہوئی ہے جسے دسمبر 2020 کو طارق روڈ کراچی سے گرفتار کیا گیا تھا۔ تاہم ثبوتوں کی عدم دستیابی کے سبب ملزم کو بیل پر رہا کردیا گیا ہے۔
ملزم خالد کے قبضے سے دو موبائل فون بھی برآمد کیے گئے جنہیں بعد میں فارینزک کے لیے بھیج دیا گیا۔ ڈیجیٹل فرانزک رپورٹ کے مطابق نہ صرف ملزم خالد کے خلاف جرم ثابر ہوگیا بلکہ اس کے ساتھی جنید، ضیا اور اویس کا بھی کیس میں نام درج کرلیا گیا ہے۔
واضح رہے کہ ملزمان داعش شدت پسندوں اور ان کے اہل خانہ سے بھی رابطے میں تھے۔ اس کے ساتھ ساتھ رپورٹ میں یہ دعوی کیا گیا کہ دہشتگرد تنظیم کی مالی امداد کے لیے متعدد ذرائع استعمال کیے گئے۔
دوسری جانب سندھ ہائی کورٹ کی جانب سے ہوم ڈپارٹمنٹ، آئی جی سندھ، ڈی جی رینجرز، ایس ایس پی کاؤنٹر ٹیررازم ڈپارٹمنٹ، ایس ایس پی سی آئی اے، ایس ایچ او فیروزآباد اور دیگر کو جاری کیے گئے نوٹس میں ملزم خالد کی برآمدگی کا حکم دیا گیا ہے۔
مزید یہ کہ سندھ ہائی کورٹ کے دو ججوں نے ملزم خالد کی والدہ کی جانب سے خالد کی بازیابی کے لیے دائر کیے گئے کیس کی سماعت کی۔ درخواست گزار کے وکیل نے مؤقف اختیار کیا کہ ملزم کو 17 دسمبر کو پی ای سی ایچ ایس سے اٹھایا گیا تھا۔ مزید یہ کہ پولیس موبائل فوٹیج بھی کیمرے میں محفوظ ہوگئی۔ جس سے یہ ظاہر ہوتا ہے کہ خالد کا کسی سیاسی جماعت سے کوئی تعلق نہیں تھا۔
داعش کے عسکریت پسندوں کو پوری دنیا میں ہمیشہ سے ہی سفاک اور خطرناک دہشت گرد تنظیم سمجھا جاتا ہے۔ اس گروہ نے یمن، افغانستان، الجیریا، نائیجیریا اور بہت سارے دوسرے ممالک میں سرگرم دیگر شدت پسند گروہوں کی حمایت بھی حاصل کی۔ یہ گروہ نہ صرف مذہبی تنظیموں کو راغب کرتا ہے بلکہ معاشرے کے محروم اور حساس نوجوانوں پر بھی اثر انداز ہوتا ہے۔
متعدد اطلاعات کے مطابق، افغانستان، لیبیا، ہندوستان اور پاکستان کے علاوہ دیگر ممالک سے تعلق رکھنے والے شہریوں کو شام میں لڑنے کے لئے دہشت گرد تنظیم داعش کی جانب سے بھرتی کیا جا رہا ہے۔ ماضی میں پاکستان کے مختلف شہروں میں داعش کے حق میں وال چاکنگ اور پوسٹرز بھی دیکھے جاچکے ہیں۔
0 Comments