اداکارہ سوناکشی سنہا نے سلمان خان سے شادی کی حقیقت بتا دی

بولی ووڈ کے سپر اسٹار سلمان خان کی شادی کب ہوگی؟ یہ سوال کوئی نیا نہیں ہے، کئی عرصے سے میڈیا میں یہ سوال گردش کر رہا ہے، اس سلسلے میں کئی موقع پر کئی نام سامنے البتہ تمام خبریں بعد میں بےبنیاد ثابت ہوئیں تاہم پچھلے چند روز سے ایک بار پھر سے میڈیا میں سلمان خان کی شادی کی خبریں زیرگردش ہیں اور اس بار ان کا نام بولی ووڈ اداکارہ سوناکشی سنہا کے ساتھ جوڑا جا رہا ہے۔

تفصیلات کے مطابق چند روز قبل دبنگ خان کی سوشل میڈیا پر ایک بار پھر شادی کی قیاس آرائیاں شروع ہوئیں تھیں۔ اس بار نام بولی ووڈ لیجنڈ شتروگھن سنہا کی بیٹی سوناکشی سنہا کے ساتھ جوڑا جا رہا تھا اور دعویٰ کیا جارہا ہے کہ دونوں فنکاروں نے شادی کو خفیہ کر رکھا ہے۔

یہ سب کچھ اس وقت ہوا جب سلمان خان کی اداکارہ سوناکشی سنہا کے ہمراہ ایک تصویر وائرل ہوئی، جس میں دبنگ خان انہیں انگوٹی پہنا رہی ہیں۔ اس موقع پر سوناکشی دلہن کے ملبوسات میں ہیں جبکہ سلمان شیروانی زیب تن کئے ہوئے ہیں۔

جوں ہی سوشل میڈیا ہر یہ خبر وائرل ہوئی، بھارتی شہریوں اور سوشل میڈیا صارفین کو چونکا دیا، تاہم دونوں فنکاروں کی جانب سے ابتداء میں اس خبر پر کوئی ردعمل نہیں جاری کیا گیا، تاہم اب اداکارہ سوناکشی سنہا کی جانب سے عوام پھیلی مذکورہ بےچینی کو ختم کردیا گیا ہے۔

سماجی رابطے کی ویب سائٹ انسٹاگرام کے ایک اکاؤنٹ کی جانب سے سوناکشی سنہا اور سلمان خان کی وائرل تصویر شئیر کی گئی تھی، جس میں دونوں کی شادی کے متعلق چرچے تھی، البتہ سوناکشی سنہا کی نظر پڑی تو انہوں نے ردعمل دیتے ہوئے. برہمی کا اظہار کرتے ہوئے کہا کیا آپ لوگ بیوقوف ہیں جو اصل اور جعلی تصویر میں فرق نہیں کرسکتے ہیں؟

واضح رہے بھارتی میڈیا کی جانب سے سلمان خان اور سوناکشی سنہا کی خفیہ شادی کے حوالے سے پہلے ہی یہ موقف تھا کہ سلمان خان اور سوناکشی سنہا کی یہ تصویر جعلی ہے اور اسے فوٹوشاپ پر ایڈیٹ کرکے جان بوجھ کر وائرل کیا گیا ہے۔ لہذا سلمان خان اور سوناکشی سنہا کی خفیہ شادی محض ایک افواہ ہے اور کچھ نہیں ہے۔

واضح رہے اداکارہ سوناکشی سنہا نے سال 2010 میں سلمان خان کے ساتھ بولی ووڈ کی بلاک بسٹر فلم دبنگ سے اپنے فلمی کیریئر کا آغاز کیا تھا، اس فلم میں انہوں اپنی زبردست اور جاندار اداکاری سے سبھی فلم بینوں کی داد حاصل کی تھی۔ مذکورہ فلم کے بعد انہوں نے ناصرف دبنگ کے دیگر دو پارٹس میں کام کیا بلکہ راؤڈی راٹھور، سن آف سردار، ونس اپون آآ ٹائم ممبئی اور ٹوٹل دھمال جیسی مشہور فلموں میں اپنی اداکاری کے جوہر دیکھائے۔ یہی نہیں سال 2010 میں انہیں اپنے زبردست ڈیبیو پر بہترین ڈیبیو اداکارہ کے ایوارڈ سے بھی نوازا گیا تھا۔

یاد رہے یہ کوئی پہلی بار نہیں ہے جب کسی اداکار کی تصویر ایڈٹ کرکے اس کی خفیہ شادی کی افواہیں پھیلائی گئی ہوں۔ کچھ ماہ قبل مسٹر پرفیکٹ عامر خان اور بالی ووڈ ابھرتی ہوئی اداکارہ اداکارہ فاطمہ ثنا شیخ کی تصویر بھی ایڈٹ کر کے دونوں کی خفیہ شادی کی خبریں پھیلائی گئی تھیں، اور یہ تمام خبریں عامر خان کی کرن راوٴ سے علحیدگی کے بعد سامنے آئیں تھیں، کچھ لوگوں نے طلاق کی وجہ بھی فاطمہ ثناء شیخ کو ہی قرار دیا تھا۔