ماڈل سبیکا امام اذان سمیع کے ایکٹنگ ڈیبیو پر ناخوش

گلوکار عدنان سمیع خان اور اداکارہ زیبا بختیار کے بیٹے اذان سمیع میوزک انڈسٹری میں اُبھرتے ہوئے گلوکار و موسیقار ہیں اور میوزک کے ساتھ اب انہوں نے اداکاری کی دُنیا میں بھی قدم رکھ دیا۔ وہ ڈراما “عشقِ لا” سے اداکاری کے میدان میں قدم رکھ رہے ہیں جس میں ان کے مقابل اداکارہ یمنیٰ زیدی اور سجل علی ہیں۔

تاہم ،اس پوسٹ کے منظر عام پر آنے پر ماڈل سبیکا امام ناخوش نظر آئیں اور انہوں نے طنزیہ پوسٹ بھی کر ڈالی۔

سماجی رابطے کی ویب سائٹ ٹوئٹر پر پوسٹ میں سبیکا امام نے اذان سمیع کے ایکٹنگ ڈیبیو پر طنزیہ انداز میں کہا ہے کہ وہ اُن کی طرح قسمت چاہتی ہیں جہاں اُنہیں سب کچھ پلیٹ میں رکھ کر دیا جائے۔ سبیکا امام نے اپنی ٹوئٹ میں اذان سمیع کا نام لکھے بغیر ہی سجل علی اور یمنیٰ زیدی کی ایکٹینگ کو سراہا ہے جس سے یہ بات واضح ہو رہی تھی کہ اُنہوں نے ڈھکے چُھپے الفاظ میں گلوکار پر ہی تنقید کی ہے۔

یاد رہے کہ “عشق لا “ ڈرامے کی پہلی جھلک سامنے آگئی ہے جس میں اذان سمیع اداکارہ یمنیٰ زیدی کے ساتھ موجود ہیں۔ یہ پوسٹ سوشل میڈیا پر دیکھتے ہی دیکھتے وائرل بھی ہوئی۔

اس ڈرامے کی ایک اور پوسٹ میں اذان سمیع اداکارہ سجل علی کے ساتھ نظر آۓ۔

دوسری جانب ،ماڈل سبیکا امام کی پوسٹ کے بعد اذان سمیع کے ایکٹینگ ڈیبیو پر دیگر فنکاروں نے بھی اپنی اپنی کا اظہار کر رہے ہیں۔

فنکاروں کی جانب سے اس ردعمل پر جواباً سبیکا امام نے دوبارہ پوسٹ کی اور اپنی رائے کا دفاع کرتے ہوئے کہا کہ “آپ لوگ ہمیں بُرا بھلا کہیں تو وہ سب ٹھیک ہے لیکن میں بطور ایک آرٹسٹ کوئی رائے دوں تو میں جیلس؟”

خیال رہے کہ حال ہی میں اذان سمیع نے اپنے ایک انٹرویو میں نیپوٹزم کے بارے میں بات کرتے ہوئے کہا تھا کہ انڈسٹری میں کسی مشہور شخصیت کا بیٹا یا بیٹی ہونے کی وجہ سے ان کے لیے آسانیاں ہوتی ہیں۔ لوگ کہتے ہیں اگر کسی کو موقع دیا جائے تواس کا فائدہ ضرور ہوتا ہے۔ لیکن میری نظر میں موقع سے زیادہ آپ کو پہلے دن سے اپنی اپنی فیلڈ میں ماہر لوگوں کو دیکھنے کا موقع ملتا ہے اور اس سے بڑی برکت چیز کوئی نہیں ہے۔جو آپ کو مشورے دیتے ہیں، نصیحت کرتے ہیں وہ اپنی فیلڈ میں ماہر لوگ ہوتے ہیں۔ لہذا جب آپ اپنی پیشہ ورانہ زندگی کا آغاز کرتے ہیں تو آپ کو تجربہ کار لوگوں کی رہنمائی مل چکی ہوتی ہے۔

مزید پڑھیں: بھارتی اداکار جاوید جعفری اور زیبا بختیار کی شادی کب ہوئی؟

علاوہ ازیں ، کچھ عرصے پہلے ہی اذان سمیع نے اپنا پہلا میوزک البم لانچ کیا ہے جس میں 9 گانے ہیں سات اردو میں، ایک پنجابی اور ایک پشتو میں جبکہ اپنے ڈیبیو ڈرامے “عشق لا” میں وہ سجل علی اور یمنیٰ زیدی کے ساتھ اداکاری کرتے نظر آئیں گے، ڈرامہ انڈسٹری کی یہ دونوں ہی اداکارائیں ایکٹینگ میں اپنا ثانی نہیں رکھتیں ۔اس ڈرامے کی شوٹنگ اسلام آباد میں جاری ہے اور یہ ڈرامہ اگست میں نجی ٹی وی چینل پر نشر کیا جائے گا۔سوشل میڈیا پر اس ڈرامے پر مداحوں کی جانب سے قیاس آرائیاں کی جارہی ہیں کہ اذان سمیع ڈرامے میں یمنیٰ زیدی کے ساتھ نظر آئیں گے یا سجل علی یا پھر یہ کوئی لَو ٹرائی اینگل ہوگا۔