قمری یا اسلامی مہینوں کا آغاز رویت یا چاند پر منحصر ہوتا ہے اور یہ مہینے عیسوی مہینوں کے برعکس 29 یا 30 دنوں پر مشتمل ہوتے ہیں۔ ماہ رمضان المبارک کے آغاز میں صرف دو ہفتے باقی رہے گئے ہیں۔
متحدہ عرب امارات میں رواں سال ماہ رمضان المبارک کتنے ایام (روزوں) پر مشتمل ہوگا۔ اس حوالے سے ماہر فلکیات نے پیشگوئی کی ہے۔
Ramzan 29 Or 30 Days
فلکیاتی کمیٹی کے بورڈ آف ڈائریکٹرز کے چیئرمین اور عرب فضا و فلکیاتی فیڈریشن کے رکن ابراہیم الجروان کا کہنا ہے’ رواں برس رمضان المبارک 30 دن جبکہ روزے کا دورانیہ 13 گھنٹے کا ہوگا۔‘
:مزید پڑھیں
روزے رکھنے کے فائدے ہی فائدے، سائنسی تحقیق میں انکشاف
امارات الیوم کے مطابق فلکیاتی کمیٹی کے بورڈ آف ڈائریکٹرز کے چیئرمین اور عرب فضا و فلکیاتی فیڈریشن کے رکن ابراہیم الجروان کا کہنا ہے رواں برس رمضان المبارک 30 دن پر مشتمل ہوگا اور روزے کا دورانیہ 13 گھنٹے ہوگا۔
انہوں نے مزید بتایا کہ امارات میں مشرقی علاقوں میں سحری اور افطاری کے اوقات مغربی علاقوں کے مقابلے میں 20 منٹ کا فرق ہوگا۔
الجروان کا مزید کہنا تھا’ جمعہ 28 فروری کی شام رمضان المبارک کا چاند دکھائی دینے کی قوی امید ہے، اس اعتبار سے یکم مارچ بروز ہفتہ یکم رمضان ہوگا۔
فلکیاتی حساب سے عید الفطر کا چاند 29 مارچ کو امارات کے وقت کے مطابق ہلال کی پیدائش 14:58 پر ہوگی جو غروب آفتاب سے پانچ منٹ بعد ہی ڈوب جائے گا۔
جس کی وجہ سے ہلال کا مشاہدہ کرنا ممکن نہیں ہوگا۔ اس طرح ماہ مبارک میں 30 روزے ہوں گے اورعید الفطر بروز پیر 31 مارچ کو ہوگی۔
0 Comments