طلاق کے سوال پر نمرہ خان کے سابق شوہر سیخ پا ہوگئے

پاکستانی اداکارہ نمرہ خان کے سابق شوہر راجہ افتخار اعظم نے اداکارہ کو درد سر قرار دیدیا۔ سوشل میڈیا پر نمرہ خان کی طلاق کی خبریں گردش کر رہی ہیں لیکن اس بارے میں اداکارہ کی جانب سے تاحال کوئی بھی قسم کا کوئی بیان سامنے نہیں آیا ہے۔

لیکن حال ہی میں ان کے سابق شوہر راجہ افتخار اعظم نے سوشل میڈیا پر ایک لائیو سیشن کے دوران اپنی طلاق کے بارے میں واضح الفاظ میں بات کی، بلکہ انہوں نے نمرہ خان کے بارے میں انتہائی غیر مہذب الفاظ بھی استعمال کیے۔ اس لائیو سیشن کے دوران صارفین کی جانب سے طلاق سے متعلق سوال کیا گیا، پوچھا گیا کہ کیا آپ دونوں طلاق یافتہ ہیں؟

اس سوال پر لائیو سیشن وہ سیخ پا ہو گئے اور تیز آواز میں کہا کہ ’ہاں ہم طلاق یافتہ ہیں، ہم طلاق یافتہ ہیں ، میں نے اسے طلاق دی کیونکہ میں اس سے چھٹکارا پانا چاہتا تھا، وہ سر درد تھی، ایک انتہائی شدید سر درد۔’

اگرچے کچھ دن قبل نمرہ خان نے ایک شو میں اپنی طلاق سے متعلق بات کرنے سے انکار کردیا تھا، بس یہ کہا تھا کہ والدین ان کے لئے اچھے رشتے کی تلاش میں ہیں۔

یاد رہے کہ ڈرامہ انڈسٹری میں نمرہ خان نے کامیڈی سیریز “کس دن میرا ویاہ ہووے گا” میں مختصر کردار سے اپنی اداکاری کا آغاز کیا۔ وہ ‘مہربان’ ، ‘اُڑان’ ، ‘خوش سیرت’ اور ‘میں جینا چاہتی ہوں’ سمیت متعدد ٹیلی ویژن سیریلز میں مرکزی کردار ادا کرچکی ہیں۔ 2016 میں نمرہ نے اپنے فلمی کیرئیر کی شروعات “بلائنڈ محبت” سے کی تھی۔ تاہم گزشتہ برس اپریل کے مہینے میں انہوں نے لاک ڈاؤن کے دوران راجا افتخار اعظم سے خاموشی سے نکاح کرلیا تھا۔

مزید پڑھیں : شادی کے 10 ماہ بعد ہی شوہر نے طلاق دیدی، زینب قیوم

شادی کے بعد اداکارہ نمرہ خان نے اپنی 29 ویں سالگرہ کے موقع پر فوٹو اور ویڈیو شیئرنگ ایپ انسٹاگرام پر ایک خصوصی ویڈیو پوسٹ کی تھی جس میں اداکارہ پیانو پر ’سالگرہ مبارک‘ کی دُھن بجا رہی ہے جبکہ ویڈیو میں دیکھا جاسکتا ہے کہ اُن کا کمرہ غباروں سے سجا ہوا ہے۔ ویڈیو پوسٹ کرتے ہوئے نمرہ خان نے اپنے شوہر راجہ افتخار اعظم کا وہ خاص پیغام کیپشن میں لکھا تھا جو اُنہوں نے اپنے اہلیہ کے لیے کہا تھا ، انہوں نے اپنی اہلیہ کی سالگرہ کے موقع پر کہا تھا کہ ’میری خوبصورت بیوی کو سالگرہ مبارک ہو، میں آپ سے بہت محبت کرتا ہوں اور میری دُعا ہے کہ آپ کے سارے خواب پورے ہوں۔

بعد ازاں ، اداکارہ کی جانب سے شوہر کے ہمراہ کئی تصاویر سوشل میڈیا پلیٹ فارم پر شیئر کی جاتی رہیں تاہم چند ماہ بعد انہوں نے ان تمام تصاویر کو اپنے اکاؤنٹ سے ڈیلیٹ کر دیا۔ سوشل میڈیا پر نمرہ خان کی شوہر سے طلاق کی خبریں بھی زیرگردش رہ ہیں تاہم انہوں نے کبھی اس حوالے سے کوئی بات نہیں کی لیکن اب ان کے شوہر نے سوشل میڈیا پر آکر طلاق کی وجوہات بتادیں ہیں۔

اس سے قبل ، طلاق کے حوالے سے معاشرے کے تلخ حقائق کو جانتے ہوئے اداکارہ جویریہ عباسی نے ایک شو میں اپنی طلاق اور بطور سنگل مدر اپنا تجربہ شیئر کیا تھا۔ اداکارہ نے کہا کہ علیحدگی پر روتے نہ رہیں، برے تعلق سے نکل کر خود سے تعلق بنائیں اور زندگی جیئں۔ انہوں نے اپنی طلاق اور بچی کی پرورش سے متعلق گفتگو کرتے ہوئے کہا کہ مجھے سمجھ نہیں آتا کہ لوگ یہ کیوں کہتے ہیں سنگل مدر ہونا بہت مشکل ہے، میرے نزدیک یہ ایک پرجوش بات ہے۔