سردیوں کی آمد کے ساتھ ہی دکانیں اور ٹھیلے انواع و اقسام کے میوہ جات سے سجے ہوئے نظر آتے ہیں اور ہر کوئی اپنی پسند کے میوے خرید کر لے جاتا ہے۔ یہ خشک میوے جہاں ہماری غذائی ضرورت پوری کرتے ہیں، وہیں سردیوں کے منفی اثرات سے محفوظ رکھنے اور ہمیں تن درست رہنے میں مدد دیتے ہیں۔
مونگ پھلی، چلغوزے، کشمش، اخروٹ، بادام اور پستہ ہر چھوٹے بڑے کو پسند ہے اور ان سب کے الگ الگ فوائد ہیں۔
پستہ اللّٰہ تعالیٰ کی نعمتوں میں سے ایک نعمت ہے جس میں اس نے بے شمار صحت کے فوائد پوشیدہ رکھے ہیں، اس کا رنگ، ذائقہ خوشبو سب کچھ ہی عمدہ ہے
سبز رنگ کی اس گری کا ذائقہ ہلکا میٹھا ہوتا ہے اور مانا جاتا ہے کہ ہزاروں سال سے انسان اسے کھا رہے ہیں۔
7 ہزار قبل مسیح سے استعمال ہونے والے پستہ کا آبائی علاقہ ایران کو تصور کیا جاتا ہے۔ اس کے علاوہ ایشیاء کے دیگر علاقوں شام، ہندوستان اور ترکی کو بھی اس کا آبائی وطن مانا جاتا ہے۔ ایران اس وقت دنیا کا سب سے زیادہ پستہ پیدا کرنے والا ملک ہے۔ اس کے علاوہ امریکہ اور شام تیسرے نمبر پر ہے۔ ترکی، چین، یونان، افغانستان، اٹلی، ازبکستان اور پاکستان میں پستہ کاشت کیا جاتا ہے۔
پستے دراصل خوردنی بیج ہیں جو پستہ ویرا کے درخت سے پیدا ہوتے ہیں، یہ درخت مغربی ایشیا اور مشرق وسطی میں پائے جاتے ہیں۔
سردیوں کے موسم میں نمک لگے ہوئے پستے کھانے کا مزہ ہی کچھ اور ہے، ایک سو گرام پستے کی گری میں 500 پلس حرارے ہوتے ہیں پستے غذائیت سے بھرپور اور ذائقے میں بہترین ہوتے ہیں۔
پستے کی 28 گرام مقدار کھانے سے جسم کو 159 کیلوریز، 8 گرام کاربوہائیڈریٹس، 3 گرام فائبر، 6 گرام پروٹین، 13 گرام چکنائی، پوٹاشیم، فاسفورس، وٹامن بی 6، کاپر، وٹامن بی 1 اور Manganese جیسے اجزا ملتے ہیں۔
اس گری کی خاص بات وٹامن بی 6 ہے جو متعدد جسمانی افعال بشمول بلڈ شوگر کو کنٹرول کرنے میں مدد فراہم کرتی ہے۔
پستہ صحت کے لیے مفید عناصر سے بھرپور ہوتا ہے اور یہ متعدد بیماریوں سے تحفظ بھی فراہم کرتا ہے، اس کے فوائد میں سے بعض کا تعلق جلد اور بالوں کی خوبصورتی سے ہے۔ اس میں بڑی مقدار میں ریشہ، لحمیات، وٹامن سی، جست، تانبہ، فولاد اور کیلشیم پایا جاتا ہے،پستہ قدرتی حسن افروز مرکب ہے۔
ماہرینِ غذائیت کے مطابق پستے اینٹی آکسیڈنٹس کا خزانہ ہیں جو کینسر اور دل کے امراض سے بچانے میں مددگار ہیں اور یوں ہمیں توانا رکھتے ہیں۔
اینٹی آکسائیڈنٹس اچھی صحت کے لیے بہت اہم ہوتے ہیں کیونکہ ان سے خلیات کی صحت بہتر ہوتی ہے اور مختلف امراض جیسے کینسر کا خطرہ کم ہوتا ہے
پستے اینٹی آکسائیڈنٹس کے حصول کا اچھا ذریعہ ہیں۔
اس گری میں lutein اور zeaxanthin جیسے اینٹی آکسائیڈنٹس موجود ہوتے ہیں جو بینائی کے لیے بہت اہم ہوتے ہیں۔
اسی طرح پولی فینولز اور tocopherols جیسے اینٹی آکسائیڈنٹس بھی اس کا حصہ ہوتے ہیں جو کینسر اور امراض قلب سے تحفظ فراہم کر سکتے ہیں۔
اپنی صبح کا آغازمٹھی بھر پستے سے کرنا متوازن وزن کیلئے ایک بہترین قدم ہے۔ ناشتے میں پستہ کھانے سے آپ کو اپنا پیٹ بھرا ہوا محسوس ہوتا ہےاوروقت کے ساتھ ساتھ بھوک بھی کنٹرول میں رہتی ہے۔
یہ آپ کو ضرورت سے زیادہ کھانے سے نہ صرف روکتے ہیں بلکہ وزن کو برقراررکھنے میں بھی مدد کرتے ہیں۔
بپستے کو اپنی غذا میں شامل کرنے سے بینائی بہتر کرنے میں مدد ملتی ہے، یہ آپ کو لیوٹین اور زیکسانتھن فراہم کرتا ہے جو آنکھوں کی صحت کے لیے بہت اہم ہیں۔
یہ میوہ ہماری آنکھوں کے لیے بھی مفید ہے۔ ماہرین کے مطابق پستے میں دو اینٹی آکسیڈنٹس لیوٹین اور زی ایکسینتھن پائے جاتے ہیں جو موتیا اور بڑی عمر میں اس عضو کو متاثر کرنے والی بیماریوں کا راستہ روکتے ہیں
پستے میں مونو انسیچوریٹڈ فیٹی ایسڈز، وٹامن اے اور ای، زنک، کیلشیم اور میگنیشیم کی وافر مقدار پائی جاتی ہے جو سوزش کو کم کرنے اور ہڈیوں اور جوڑوں کی صحت کو بہتر بنانے میں بھی مؤثر ہیں۔
پستے میں سوزش کی خصوصیات ہوتی ہیں جو سوجن اور درد کو دور کرنے کا کام کرتی ہیں۔ اس میں پروٹین بھی اچھی مقدار میں موجود ہوتا ہے جو جسم کو طاقت دیتا ہے۔
پستہ ذیابیطس کو کنٹرول کرنے میں مدد کرتا ہے۔ اس کا گلیسیمک انڈیکس بھی بہت کم ہے جو شوگر کی سطح کو بڑھنے نہیں دیتا۔ یہ سپائیک کو کنٹرول کرتا ہے اور ذیابیطس کو بڑھنے سے روکتا ہے۔
پستہ ہڈیوں کو مضبوط بنانے کا کام کرتا ہے۔ اس میں کیلشیم اور میگنیشیم اچھی مقدار میں موجود ہوتے ہیں جو ہڈیوں کو مضبوط بناتے ہیں۔ کیلشیم ہڈیوں کے درد کے مسئلے کو بھی دور کرتا ہے۔
پستے میں فائبر کی مقدار زیادہ ہوتی ہے۔ جو3 گرام پر مشتمل ہوتی ہے۔فائبر زیادہ تر ہضم نہیں ہوتا، اور کچھ قسم کے فائبر آپ کی آنت میں موجود اچھے بیکٹریا کے ذریعے ہضم ہوتے ہیں۔ جو پری بائیوٹکس کے طور پر کام کرتے ہیں۔ ہاضمے کی خرابی کی وجہ سے بہت سی بیماریاں ہوسکتی ہیں۔پستے کی مدد سے آنتوں کے اچھے بیکٹریا میں اضافہ ہوتا ہے۔جو شارٹ چین فیٹی ایسڈ تیار کرتے ہیں۔
پستے کا استعمال معدے اور ہاضمے کیلیئے بہت مفید ہے، اس سے آپ پیٹ کی بیماری سے بچے رہ سکتے ہیں، اسکے علاوہ یہ گردے اور جگر کے مسائل سے بچانے میں بھی مدد کرتا ہے۔
آپ دل کی بیماری کو مختلف طریقوں سے کم کرسکتے ہیں۔ یہ اینٹی آکسیڈنٹس میں زیادہ ہونے کے علاوہ کولیسڑول کو بھی کم کرسکتا ہے۔ اس کے علاوہ یہ بلڈ پریشر کو بھی کم کرسکتا ہے۔اس لئے اگر آپ کے جسم سے میں کولیسٹرول کی مقدار زیادہ ہے تو آپ پستے کا استعمال کریں۔
اگر آپ بیماریوں سے مقابلہ کرنے کے لئے مضبوط مدافعتی نظام چاہتے ہیں تو آپ وٹامنز اور منرلز کا زیادہ استعمال کرنا ہوگا۔ پستے میں پایا جانے والا وٹامن بی 6 صحت مند خون کے خلیات بنانے میں اہم کردار ادا کرتا ہے۔ پستہ کا استعمال واقعی ہمارے مدافعتی نظام کو مضبوط بناتا ہے۔
یہ ہمارے خون میں آکسیجن لے جانے کا ذمہ دار بھی ہے۔پستہ میں وٹامن بی 6 اس بات کی یقینی بناتی ہے کہ جسم میں ہموگلوبن کی اچھی پیدا وار ہوسکتی ہے۔ تاکہ مجموعی صحت اچھی ہو۔ جسم میں خون کی کمی بہت سی بیماریوں کا باعث بن سکتی ہے
۔پستے کھانے کا ایک فائدہ یہ بھی ہے کہ اس سے خون کی رگیں اور شریانے صحت مند رہتی ہیں، جس سے خون کی روانی بہتر ہوتی ہے اور ہائی بلڈ پریشر کا مسئلہ نہیں ہوتا۔ اسکے علاوہ ہارٹ اٹیک کا خطرہ بھی کم رہتا ہے۔
خیال رہے کہ پستوں کی غذائیت سے فائدہ حاصل کرنے کے لیے ضروری ہے کہ انہیں اعتدال میں کھایا جائے ۔ عمومی خوراک 25 گرام یا مٹھی بھر سمجھی جاتی ہے۔ پستے کا متوازن استعمال صحت کی بہتری کے لیے انتہائی مفید ثابت ہوتا ہے ۔
پاکستانی ڈراموں و فلموں کی مشہور و معروف لکھاری بی گل نے انکشاف کیا ہے…
بلاک بسٹر ڈرامہ سیریل عشق مرشد سے شہرت کی بلندیوں کو چھو لینے والی اداکارہ…
پاکستان کا پہلا سیٹلائٹ مشن ’’آئی کیوب قمر‘‘ کو چاند پر روانہ کر دیا گیا۔…
پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…
نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…
پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…