سعودی عرب میں ماہرہ خان کا بولڈ لباس

لولی وڈ کی سپر اسٹار اداکارہ ماہرہ خان کی گزشتہ ماہ دسمبر میں سعودی عرب میں ہونے والے عالمی ریڈ سی فلم فیسٹیول میں شرکت کی ویڈیو وائرل ہونے کے بعد ان پر تنقید کی جا رہی ہے۔

ماہرہ خان کے علاوہ  اس  فلم فیسٹیول میں ہمایوں سعید اور دیگر اداکاروں نے بھی شرکت کی تھی جب کہ ریڈ سی فلم فیسٹیول میں پاکستانی فلموں کی نمائش بھی کی گئی تھی۔

Mahira Khan In Bold Dress

وائرل ہونے والی ویڈیو میں ماہرہ خان کو سیاہ رنگ کے بولڈ لباس میں دیکھا جا سکتا ہے، جس میں وہ کسی صحافی سے بات کرتی دکھائی دیتی ہیں۔ ویڈیو میں اداکارہ کے جسم کا اوپر کا حصہ بے لباس دکھائی دیتا ہے۔ مذکوہ ویڈیو وائرل ہونے کے بعد اداکارہ پر سوشل میڈیا صارفین کی جانب سے خوب تنقید کی گئی اور ان کے لباس کو مغرب کا فیشن قرار دیا گیا۔

ماہرہ کا یہ انداز مداحوں کو ایک آنکھ نہ بھایا،مداحوں کا ماننا ہے کہ سعودی عرب میں ماہرہ خان کو ایسا بولڈ لباس پہننے کی ضرورت نہیں تھی۔ وہ ڈھکے ہوئے لباس میں بھی خوبصورت لگ سکتی ہیں لیکن اس لباس میں وہ عجیب لگ رہی ہیں۔ 

بہت سے مداحوں کا یہ بھی کہنا تھا کہ اضافی وزن کی وجہ سے وہ اس نئی لُک میں بالکل بھی ماہرہ خان جیسی نہیں لگ رہی ہیں۔

واضح رہے کہ ماہرہ خان پاکستان کی خوبصورت اور شاندار پاکستانی ٹیلی ویژن اور فلم اداکارہ ہیں جنہوں نے بہت کم وقت میں بے پناہ شہرت حاصل کی، وہ ڈرامہ سیریل ‘ہمسفر‘ سے شہرت کی بلندیوں پر پہنچیں۔