پاکستانی گلوکارہ ‘گلوبل میوزک پرفارمنس‘ اور ’بیسٹ نیو آرٹسٹ‘ کی کیٹیگریز میں نامزد ہوئی ہیں۔
موسیقی کی دنیا میں اعلیٰ ترین ’گریمی ایوارڈز‘ کے لیے پہلی بار 36 سالہ امریکی نژاد پاکستانی گلوکارہ عروج آفتاب کو دو کیٹیگریز میں نامزد کرلیا گیا ہے۔ پاکستانی میوزک انڈسٹری میں یہ پہلا موقع ہے کہ کسی پاکستانی گلوکارہ کو اعلیٰ ترین میوزک ایوارڈ کے لیے نامزد کیا گیا ہے اور ان کا مقابلہ عالمی سطح کے گلوکاروں سے ہوگا۔
میوزک کے لئے سب سے معتبر درجہ رکھنے والے گریمی ایوارڈز کی تقریب ہر سال کے آغاز میں ہوتی ہے۔ سال 2022 میں ’گریمی‘ کی 64 ویں سالانہ تقریب ہوگی، جس کے لیے نامزدگیوں کا اعلان 23 نومبر کو کیا گیا۔
اس سال ایوارڈز کے لیے 86 کیٹیگریز نامزدگیوں کا اعلان کیا گیا ہے، جس میں سے دو’بیسٹ گلوبل میوزک پرفارمنس‘ اور ’بیسٹ نیو آرٹسٹ‘ کی کیٹیگریز میں پاکستانی گلوکارہ عروج آفتاب کو نامزد کیا گیا ہے۔
واضح رہے کہ عروج پاکستان میں پیدا ہوئیں لیکن اب وہ بروکلین میں رہتی ہیں، وہ مغربی موسیقی کے ساتھ ساتھ ریشماں اور عابدہ پروین سمیت کئی ممالک کی موسیقی سے متاثر ہیں۔
چھتیس سالہ عروج آفتاب نے سنہ 2018 سے شہرت حاصل کرنا شروع کی جب امریکا کے نیشنل پبلک ریڈیو نے ان کے گیت کو اکیسویں صدی میں خواتین کے عظیم ترین گیتوں میں سے ایک قرار دیا تھا۔تاہم ان کا تازہ ترین اسٹوڈیو البم ‘ولچرپرنس ‘مئی میں نیو ایمسٹرڈیم ریکارڈز کے ذریعے ریلیز ہوا۔ البم میں 7 گانے ہیں جن میں سے ‘محبت’ اور ‘لاسٹ نائٹ’ کو ناقدین اور سامعین سے یکساں پذیرائی ملی۔ گلوکارہ نے البم میں ‘ باغوں میں ‘ کے لئے ملٹی انسٹرومینٹل ڈیرین ڈونووین تھامس اور ‘دیا ہے’ کے لئے برازیلی گلوکار بدی اسد کے ساتھ اشتراک کیا۔
جولائی میں عروج آفتاب کا گانا ‘محبت’ سابق امریکی صدر باراک اوباما کی سمر پلے لسٹ میں بھی شامل تھا۔
عروج آفتاب کی گریمی ایوارڈز میں نامزدگی پر شوبز اداکاراور گلوکار بھی نہایت خوش ہیں اور گلوکارہ کے لئے تعریفی پوسٹ کررہے ہیں ۔سماجی رابطے کی ویب سائٹ ٹوئٹر پر ان کو مبارکباد دے رہے ہیں۔ اس حوالے سے عثمان خالد بٹ نے ٹوئٹ کی “کیا شاندار خبر ہے۔مبارک ہو، پروف آفتاب! “
جبکہ گلوکار فخر عالم نے ٹوئٹر پر عروج آفتاب کو مبارکباد دیتے ہوئے لکھا، “بہت مبارکباد، عروج آفتاب، 2022 کے گریمی ایوارڈز کے لیے بہترین نئے آرٹسٹ کے لیے نامزد ہونے والے پہلے پاکستانی بننے پر۔ یہ واقعی ناقابل یقین خبر ہے۔”اس کے علاوہ گلوکارہ حدیقہ کیانی اور میشا شفیع نے بھی انہیں مبارکباد دی۔
مزید پڑھیں: اداکارہ سجل علی نے بین الاقوامی ایوارڈ اپنے نام کرلیا
خیال رہے کہ ‘گریمی ایوارڈز‘ جیتنے والوں کو آئندہ برس جنوری کے آخر میں ایوارڈز دئیے جائیں گے۔ علاوہ ازیں ، اس سال نامزدگیوں کی تعداد 10 ہوگئی ہے اور اس کو بڑھانے کا مقصد میوزک کو زیادہ سے زیادہ پرموشن دینا ہے۔ ان ایوارڈز کی مکمل نومینیشن لسٹ یہ ہے؛
Record of the Year
Album of the Year
Song of the Year
Best New Artist
Best Pop Solo Performance
Best Pop Duo/Group Performance
Best Pop Vocal Album
Best Rock Performance
Best Metal Performance
Best Rock Song
Best Rock Album
Best Rap Song
Best Rap Album
پاکستان کا پہلا سیٹلائٹ مشن ’’آئی کیوب قمر‘‘ کو چاند پر روانہ کر دیا گیا۔…
پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…
نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…
پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…
دنیا بھر میں ہر سال 25 اپریل کو ملیریا کا عالمی دن منایا جاتا ہے۔…
بھارت کے نیشنل براڈکاسٹر دور درشن کے بنگالی زبان کے چینل کی نیوز اینکر نشریات…