پاکستانی کارپینٹر نے اپنا خواب سچ کر دکھایا، ماڈلنگ کی دنیا کا حصہ بن بیٹھا

کہتے ہیں حالات جیسے بھی ہوں انسان کو امید بہتر نہیں بہترین رکھنی چاہیے کیونکہ قسمت کب کس کی بدل جائے کوئی اس کا اندازہ نہیں لگا سکتا ہے۔

ایسا ہی قسمت کا کرشمہ ہوا سعودی عرب میں مقیم پاکستانی کارپینٹر کے ساتھ، جس کے بچپن کا خواب تھا ایک ماڈل بننا لیکن وہ خواب ابتداء میں تو حالات کی کسمپرسی کی نظر ہوگئے۔ لیکن شاید اس کی قسمت میں اس کے خواب کو پورا ہونا ہی لکھا تھا۔

یہ کہانی ہے پاکستان سے تعلق رکھنے والے 24 سالہ خوبصورت اور پرکشش محمد وقاص کی، جو آج سے چار برس قبل بہتر مستقبل کی غرض سے سعودی عرب گیا بطور کارپینٹر لیکن وہاں جاکر قسمت ایسی مہربان ہوئی کہ اس نے وہاں اپنا خواب پورا کرلیا۔ اور اب وہ ایک کارپینٹر نہیں بلکہ ایک اشتہاری کمپنیوں کے لئے بطور ماڈل کام کرنے لگے ہیں۔

آل عربیہ ڈاٹ نیٹ کو انٹرویو دیتے ہوئے وقاص نے بتایا کہ میں چار برس قبل سعودی عرب کارپینٹر کی حیثیت سے آیا تھا اور مجھے یقین نہیں تھا کہ میں ایک دن بطور ماڈل اشتہارات میں کام کروں گا۔

وقاص نے اپنے زندگی کے سفر کے بارے میں بیان کرتے ہوئے بتایا کہ میرنے ایک دن اپنے دوست فیصل کو کسی فوٹو شوٹ کی تصویروں کی ایڈیٹنگ کررتے دیکھا، جس پر میں نے اپنے دوست سے کہا کہ میرا بچپن سے یہ خواب ہے کہ میں اس شعبے میں کام کروں البتہ پاکستان میں کبھی مجھے ایسا موقع نہیں ملا، جس پر میرے دوست نے میری کچھ تصاویریں کھینچی اور اس شعبہ سے کسی منسلک کسی فرد کو بھیج دیں۔

وقاص نے انٹرویو میں مزید بتایا کہ کس طرح اس کے دوست نے تصاویر اور اس کے بعد ان کو ٹوئیٹر پر بھی شیئر کردیا۔ وقاص کے مطابق پھر بس اچانک کس طرح طرح اشتہارات سے منسلک کسی فرد تک یہ تصاویریں پہنچ گئیں اور پھر سے مثبت ردعمل آیا۔ جس کے بعد اس اشتہاری کمپنی کے ساتھ میرا معاہدہ ہوگیا۔ جس کے بعد وقاص نے پھر مڑ کر نہیں دیکھا اور اب وہ مختلف اشتہاری کمپنیوں کے ساتھ کامیابی کا سفر طے کررہا ہے۔

اس لئے کہتے ہیں زندگی میں انسان کو ناصرف خواب بڑے دیکھنے چاہئے بلکہ آپنے آپ پر بھروسہ بھی رکھنا چاہئے کہ ایک نہ ایک دن اس کے دیکھے گئے خواب ضرور پورے ہونگے، انسان کے ہاتھ میں کچھ نہیں ہے اگر کوئی چیز ہے تو وہ ہے محنت۔ وقاص کی زندگی آج ہم سب کے لئے ایک بہت بڑی مثال ہے کہ وقاص نے بچپن میں ایک خواب دیکھا پھر زندگی میں محنت کی، یاد رہے محنت انسان کو ایک نہ ایک دن ضرور کامیابی کی سیڑھی پر لے کر جاتی ہے۔