پاکستانیوں میں ارینج میرج کا رجحان زیادہ ۔سروے

عوامی آرا جاننے والے ادارے گیلپ پاکستان نے ملک میں شادیوں کے رجحان سے متعلق سروے جاری کردیا۔

Pakistani Arranged Love Marriage

سروے کے مطابق پاکستان میں گھر  والوں کی مرضی سے شادی کا رواج عام ہے، سروے میں سامنے آیا کہ81 فیصد پاکستانیوں نے ارینج میرج کی جب کہ 18 فیصد نے پسند کی شادی کرنےکا کہا۔

گیلپ پاکستان  کے مطابق ارینج میرج کرنے والوں میں لڑکیوں کی شرح زیادہ ہے، 85 فیصد لڑکیوں نے ماں باپ کی خواہش پر شادی کی جب کہ 14 فیصد نے اپنی پسند سے شادی کرنے کو ترجیح دی۔

یہ بھی پڑھیئں

لڑکیاں شادی شدہ مردوں کو ذیادہ پسند کرتی ہیں۔فاطمہ آفندی

سروے کے مطابق لڑکوں میں77 فیصد نے والدین کی بات مانی جب کہ  22 فیصد نے اپنی مرضی سے شادی کرنےکا کہا۔

پسندکی شادی کرنے والوں میں 30 سال تک کی عمر تک کے نوجوانوں کی شرح 21 فیصد نظر آئی۔ اس کے برعکس ارینج  میرج کا سب سے زیادہ 50 سال سے زائد عمر کے پاکستانیوں نےکہا۔     

اناسی فیصد افراد نے  والدین کی پسند کو ترجیح دی جب کہ 10 فیصد نے ذاتی پسند  کو  والدین کی  رائے پر فوقیت دی۔