کوئی غلط سوال اور نہ ہی کوئی غلط کام کیا ہے، نادیہ خان

چند روز سے سوشل میڈیا پر مارننگ شو کی میزبان و اداکارہ نادیہ خان کی ایک ویڈیو وائرل ہو رہی ہے جس میں وہ پیپلز پارٹی کی رہنما شرمیلا فاروقی کی والدہ انیسہ فاروقی سے ان کے میک اپ کے بارے میں پوچھتی ہوئی نظر آرہی ہیں۔

ویڈیو میں دیکھا جاسکتا ہے کہ نادیہ خان کا شرمیلا کی والدہ کے ساتھ موجود ہیں اور ان سے ان کے میک اپ کے بارے میں سوالات کر رہی ہیں جو کچھ لوگوں کو طنزیہ محسوس ہوئے۔

مذکورہ ویڈیو میں سنا اور دیکھا جاسکتا ہے کہ نادیہ خان شرمیلا کی والدہ سے پوچھتی ہیں کہ انہوں نے اتنا پیارا میک اپ کرنا کس سے سیکھا جس پر انیسا فاروقی کہتی ہیں کہ شرمیلا سے سیکھا ہے۔ اداکارہ کی جانب سے انیسہ فاروقی کے کپڑوں اور زیور کی بھی تعریف کی گئی، جس پر انہوں نے کہا کہ مجھے بچپن سے ان چیزوں کا شوق ہے۔

بعدازاں اس ویڈیو پر شرمیلا فاروقی نے شدید ناراضگی کا اظہار کیا ہے اور اپنے انسٹاگرام اکاؤنٹ سے کمنٹ کرتے ہوئے نادیہ خان کو ‘بے شرم’ قرار دیا ہے اور ان کی والدہ کا مذاق اڑانے کے لیے سائبر کرائم میں رپورٹ کرنے کا اعلان بھی کیا ہے۔

اس سلسلے میں اب اداکارہ نادیہ خان کا بھی موقف سامنے آگیا ہے، اداکارہ نے شرمیلہ فاروقی کو مخاطب کئے بغیر کہا کہ اس میں کچھ غلط نہیں ہے، میں نے کوئی غلط سوال نہیں کیا اور نہ ہی میں نے کوئی غلط کام کیا ہے، ان سے اس لہجے میں بات ہرگز نہ کی جائے۔

اداکارہ نادیہ خان کا مزید کہنا تھا کہ انہوں نے شرمیلا فاروقی کی والدہ کے ساتھ بنائی گئی ویڈیو ڈیلیٹ کر دی ہے، اب جنہیں سائبر کرائم جانا ہے، اپنا شوق پورا کرلیں۔ ساتھ ہی انہوں نے مزید کہا کہ شرمیلہ کی باتوں پر مزید کچھ نہیں کہنا چاہتیں، لہذا اگر انہوں نے کچھ کہا تو بات مزید بڑھے گی اور معاملہ دوسرا رخ اختیار کرلے گا۔

مزید پڑھیں: اداکارہ نادیہ خان نے شوہر فیصل ممتاز کی حمایت میں بول پڑیں

واضح رہے سوشل میڈیا صارفین کی جانب سے بھی مارننگ شو ہوسٹ کو شدید تنقید کا نشانہ بنایا جا رہا ہے کیونکہ اس ویڈیو میں لوگوں کو نادیہ کا رویہ طنزیہ محسوس ہوا ہے ، اس لئے لوگوں کا ماننا ہے کہ انہیں اس قسم کی ویڈیو سے پہلے کئی بار سوچنے اور دوسروں کی عزت کا خیال رکھنے جیسے مشورے دئیے ہیں۔

واضح رہے کہ شرمیلا فاروقی کا شمار پاکستان کی نامور خاتون سیاست دانوں میں ہوتا ہے  جو  ایک دہائی سے زیادہ عرصے سے سیاست میں ہیں۔ شرمیلا فاروقی کا تعلق ایک سیاسی گھرانے سے ہے۔ ان کے والد ایک مشہور سیاست دان تھے۔ وہ پارٹی کے آغاز سے ہی پاکستان پیپلز پارٹی سے وابستہ ہیں۔ وہ سیاسی سرگر میوں کے ساتھ سوشل میڈیا پر بھی کافی ایکٹو رہتی ہیں اور مختلف پوسٹوں پر تبصرے بھی کرتی رہتی ہیں۔ گزشتہ دنوں جب اقراء عزیز نے اپنے شوہر یاسر حسین کی بیٹے کا ڈائپر اور کپڑے تبدیل کرنے کی تصویریں شیئر کیں اور بیٹے کی ذمہ داریوں میں ہاتھ بٹانے پر اپنے شوہر کو سراہا تو شرمیلا فاروقی نے کمنٹ کرتے ہوئے کہا کہ اس میں فخرکرنے والی کوئی بات نہیں، بچے کی ذمہ داریاں بٹنا اچھے باپ کی پہچان ہے۔