سلمان خان کے گھر میرے بیانات سنے جاتے ہیں۔مولانا طارق جمیل

مولانا طارق جمیل نے پاکستانی یوٹیوبر نادر علی کے پوڈ کاسٹ میں شرکت کی جہاں انہوں نے اپنی ذاتی زندگی اور مذہبی معاملات کے حوالے سے بات کی۔

دوران انٹرویو میزبان نے سوال کیا کہ ’آپ نے مجھے کہا تھا کہ بالی وڈ اداکار عامر خان نے مجھے بتایا کہ سلمان خان کے گھر بھی آپ کے بیان چلتے ہیں، کیا آپ کو یادہے؟

Molana Tariq Or Salman Khan

مولانا طارق جمیل کے مطابق یہ انکشاف ’عامر خان نےنہیں بلکہ ان کے لاہور میں مقیم ایک دوست نے کیا، انہوں نے کہ ’دراصل میرے دوست کا بھارت میں کاروبار ہے اور اس نے مجھے بتایا کہ ممبئی میں اپنے پارٹنر کے گھر قیام کے دوران اس کا سلمان خان سے تعارف ان کے پارٹنر کے ذریعے ہوا تھا‘ جب ان کے دوست کا  تعارف ہوا اور سلمان  خان کو بتایا کہ یہ پاکستان سے آئے ہیں تو سلمان خان نے فوراپوچھا کہ کیا آپ مولانا طارق جمیل کو جانتے ہیں۔مولانا طارق جمیل نے کہا کہ میرا دوست یہ سن کر حیران رہ گیا اوراس نے سلمان خان سے پوچھا کہ آپکو مولانا طارق جمیل کا کیسے پتا؟جس پر سلمان خان نے میرے دوست کو کہا کہ یہ ریک دیکھو یہ سارا ان کی ڈھیروں سی ڈیز سے بھرا ہوا ہے

نامور اسلامک اسکالر نے یہ بھی بتایا ہے کہ سلمان خان کی بہنیں بھی باقاعدہ میرا بیان سنتی ہیں اور ان کے گھر میں بھی میرے بیانات سنے جاتے ہیں۔

مولانا طارق جمیل نےجنید جمشید کے حوالے سے بھی بات کی کہ آخری دفعہ جب بات ہوئی جب وہ چترال جارہے تھے کہہ رہے تھے کہ آپ بھی آجائےیہ  جنید جمشید سے آخری گفتگو تھی اس کے بعد شہادت کی ہی خبر آئی؟

بھارت کی سابقہ اداکارہ ثنا خان اور مفتی انس کے  حوالے سے بھی نادر علی نے کہا کہ  آج کل آپ کے نام پر بھی پڑوسی ملک میں بچوں کے نام برکھے جا رہے ہیں ثناء خان نے اپنے بیٹے کا نام طارق جمیل کے نام پر رکھا ہے  جس پر مولانا نے ردعمل دیا اور کہا ان کی شادی کا ذریعہ اللہ نے مجھے بنایا تھا، ثنا نے مجھ سے پوچھا کہ میں آپ کے نام پر بیٹے کا نام رکھ دوں؟
مولانا طارق جمیل نے کہا میں نےثناءکو جواب دیا ضرور رکھو، میرے لیے خوشی کی بات ہے۔

خیال رہے کہ مولانا طارق جمیل پاکستان کے معروف عالم دین ہیں وہ اپنے دینی بیانات کی وجہ سے دنیا بھر میں بہت پسند کیے جاتے ہیں۔ ایک بین الاقوامی میگزین کی رپورٹ کے مطابق مولانا طارق جمیل دنیا کے 32 ویں بااثر ترین مسلمان ہیں۔۔بالی ووڈ اور پاکستان کے کافی سپراسٹار مولانا  طارق جمیل کے مداح ہیں۔بالی ووڈ اسٹار عامر خان بھی سعودی عرب میں مولانا طارق جمیل سے ملاقات کا شرف حاصل کرچکے ہیں۔